N̄kpọ Ama Ọsọn̄, Mîdịghe Ẹkọbọ Fi, Nso ke Edinam?

Oyom ibuọt idem ye Jehovah inyụn̄ iberi edem ke enye. Edieke inen̄erede ibuọt idem ye Jehovah, iyenịm ke enye eyekpeme nnyịn onyụn̄ ese aban̄a nnyịn. (Ps 23:1, 4; 78:22) Nte idiọk ererimbot emi ekperede utịt, Satan eyesịn odudu an̄wana ye nnyịn. (Edi 12:12) Nso idin̄wam nnyịn?

ẸSE VIDIO ORO N̄KPỌ AMA ỌSỌN̄, MÎDỊGHE ẸKỌBỌ FI, NSO KE EDINAM? EKEM ẸBỌRỌ MME MBỤME EMI:

1. Didie ke nnyịn ibiet “eto” oro ẹtịn̄de ẹban̄a ke Jeremiah 17:8?

2. Nso idi mfịna kiet emi etiede nte “ufiop”?

3. Nso iditịbe inọ “eto” oro, ndien ntak?

4. Nso ke Satan mîyomke nnyịn inam?

5. Didie ke nnyịn itie nte mbon emi ẹsidụkde ubomofụm ke ubọk ke ubọk?

6. Ntak emi ikpakade iso ndiberi edem ke se ofụn emi anamde akpanikọ onyụn̄ enyenede ọniọn̄ ekpepde, ndien nso ikeme ndinam itre ndibuọt idem ye ofụn emi?

7. Ntak emi ikpakade iso inam se Bible ọdọhọde ọkpọkọm mme owo ẹkere ke ibiat idem ini?