• Afo Emekeme Ndida Eyenete Fo Nnyene
    Enyọn̄-Ukpeme—1999 | October 15

    • 5, 6. Nte udọn̄ikọ owụtde, nso orụk idiọkn̄kpọ ke Matthew 18:15 eketịn̄ aban̄a, ndien nso iwụt oro?

      5 Ke nditịn̄ ata nnennen, se Jesus eketemede enyene ebuana ye ikpọ mfịna. Jesus ọkọdọhọ ete: “Edieke eyen-ete fo eduede fi.” Ke ntatara usụn̄, ‘ndudue’ ekeme ndidi se owo mîkohokoi inam m̀mê mmeme. (Job 2:10; Mme N̄ke 21:4; James 4:17) Nte ededi, udọn̄ikọ owụt ete ke anaedi ndudue oro Jesus eketịn̄de aban̄a edi akamba. Enye ekenyene ndikpon n̄kem ndidi se ẹsede anamidiọk oro “nte owo mme idụt ye publican.” Nso ke ubak udịmikọ oro abuana?

      6 Mme mbet Jesus ẹmi ẹkekopde mme ikọ oro ẹma ẹdiọn̄ọ ẹte ke mbio obio mmimọ ikenyeneke ebuana ye mme Gentile. (John 4:9; 18:28; Utom 10:28) Ndien mmọ ẹma ẹnen̄ede ẹfep mme ọbọ a-tax, kpa irenowo ẹmi ẹkemanade nte mme Jew edi ẹwọn̄ọrede ẹnam n̄kpọ ye mme owo ke idiọk usụn̄. Ntre ke nditịm ntịn̄, se ẹtịn̄de ẹban̄a ke Matthew 18:15-17 ekedi akwa idiọkn̄kpọ, idịghe ọkpọkpọ ndudue m̀mê unan oro afo ekemede ndifen m̀mê ndifre mban̄a mfefere mfefere.—Matthew 18:21, 22.a

  • Afo Emekeme Ndida Eyenete Fo Nnyene
    Enyọn̄-Ukpeme—1999 | October 15

    • a Cyclopedia eke McClintock ye Strong ọdọhọ ete: “Ẹkeda mme publican [mme ọbọ a-tax] eke Obufa Test[ament] nte mme asan̄a mbia ye mbon nsọn̄ibuot, ẹmi ẹkesabarede idem ẹto ebuana ofụri ini mmọ ye mme okpono ndem, mme n̄kpọutom mbon ufịk. Ẹkebat mmọ nte mme anamidiọk . . . Mbon eke ẹsọnde, mbon oro ẹnyenede nti edu ẹdade nsannsan ẹkpọn̄ mmọ, ẹkụtde n̄kukụre mme ufan m̀mê mme nsan̄a mmọ ke otu mbon mbịn mfep ke obio nte mmọ ke idemmọ.”