4. Tre se mîfọnke

Ekpedi emesin̄wọn̄ sika m̀mê ada ọkpọsọn̄ ibọk man okop idem inem, ọmọdiọn̄ọ ke esisọn̄ nditre. Nso ikeme ndin̄wam fi etre? Kere se enye anamde fi. Kot Matthew 22:37-39, ekem ẹneme nte ọkpọsọn̄ ibọk, sika, m̀mê n̄kpọ ntre . . .

• esinamde owo okûdi ufan Jehovah

• esisuande ubon m̀mê esitiede mbon emi ẹkperede nnyịn

Biere se afo edinamde man etre se mîfọnke.a Se VIDIO emi.

VIDIO: Kpeme Idem (2:47)

Kot Philippi 4:13, ekem ẹbọrọ mbụme emi ẹnyụn̄ ẹneme ẹban̄a enye:

• Didie ke akam, ndikpep Bible, ye ndisidụk mbono esop esin̄wam owo etre se mîfọnke?

5. Kûkere se mîfọnke, kûnyụn̄ unam se idehede

Kot Colossae 3:5, ekem ẹbọrọ mbụme emi ẹnyụn̄ ẹneme ẹban̄a mmọ:

• Nso iwụt ke ndise ndise idan̄, ndinọ owo utọ ndise oro ke fon, ye ndifiọn̄ọ ndido idan̄ n̄kop uyụhọ ẹdehe ke enyịn Jehovah?

• Ndi emekere ke ọfọn nte Jehovah ọdọhọde nnyịn ete idu edisana uwem? Nso inam ọdọhọ ntre?

Se se idin̄wamde nnyịn ikûsukere se mîfọnke. Se VIDIO emi.

VIDIO: Nam Se Idiyakde Fi Asana ke Enyịn Abasi (1:51)

Jesus ama ọnọ uwụtn̄kpọ emi owụtde ke ana isọsọp ikpọn̄ se mîdiyakke nnyịn isana ke enyịn Abasi. Kot Matthew 5:29, 30, ekem ẹbọrọ mbụme emi ẹnyụn̄ ẹneme ẹban̄a enye:

• Ikọ Jesus ikọwọrọke ke ana ibiomo idem nnyịn ndo, edi ọkọwọrọ ke ana inam n̄kpọ. Nso ke owo ekeme ndinam man etre ndikere se mîfọnke?b

Edieke esịnde ukeme odomo nditre se mîfọnke, Jehovah okụt ukeme fo. Kot Psalm 103:13, 14, ekem ẹbọrọ mbụme emi ẹnyụn̄ ẹneme ẹban̄a enye:

• Edieke ọsọn̄de fi nditre se mîfọnke, nso n̄kpọ ke itie Bible oro anam fi ebiere ndika iso ndomo nte ekekeme man etre mmọ?

Afo emekeme ndikan!

Afo emekeme ndikere ke imọ idikemeke nditre se mîfọnke. Edi ti ke owo ekpefehe mbuba anyan itọk ọkọduọ ke usụn̄, oro iwọrọke ke ẹkan enye ke mbuba oro, inyụn̄ iwọrọke ke enye edifiak ikọtọn̄ọ ke akpa. Ukem ntre, edieke ifiakde inam se idomode nditre, iwọrọke ke nnyịn idikemeke nditre tutu amama. Inyụn̄ iwọrọke ke ofụri se ikanamde atak. Ti ke se isiwakde nditịbe edi oro owo ama odomo nditre se mîfọnke. Kûkpa mba. Jehovah ayan̄wam fi etre se mîfọnke.

6. Se akpanamde man udûn̄wọn̄ mmịn ukaha

VIDIO: ‘Uwem Ama Odorode Mi’ (6:32)

• Nso ke un̄wọn̄ ọkpọsọn̄ mmịn akanam Dmitry?

• Ndi ekedi enye edemede idap usen kiet etre un̄wọn̄ mmịn?

• Nso ikedin̄wam enye ke akpatre etre ndisin̄wọn̄ mmịn n̄kaha?

Kot 1 Corinth 6:9-11, ekem ẹbọrọ mbụme emi ẹnyụn̄ ẹneme ẹban̄a mmọ:

• Nso inam owo ndikpa mmịn enen̄ede ọdiọk?

• Nso iwụt ke owo ekeme nditre ndisin̄wọn̄ mmịn n̄kaha?

Kot Matthew 5:30, ekem ẹbọrọ mbụme emi ẹnyụn̄ ẹneme ẹban̄a enye:

• Ndisịbe ubọk mfep, ada aban̄a owo ndinam n̄kpọ man enem Abasi esịt. Nso ke akpanam ọkpọsọn̄ fi nditre ndin̄wọn̄ mmịn n̄kaha?a

Kot 1 Corinth 15:33, ekem ẹbọrọ mbụme emi ẹnyụn̄ ẹneme ẹban̄a enye:

• Nso iditịbe ikpodụk ndụk ye mbon emi ẹsin̄wọn̄de mmịn ẹkaha?