¹⁰ Kaban̄a usiondọ, ẹma ẹbụp Jesus mbụme emi: “M̀mê enen owo ndisio n̄wan esie ndọ ke ntak ekededi?” Nte ekemde ye mbụk Mark, Jesus ọkọdọhọ ete: “Owo ekededi eke osiode n̄wan esie [ke mîtoho ke edidue ye erenowo], onyụn̄ ọdọde owo efen, esịn efịbe abiat enye: onyụn̄ edieke n̄wan osiode ebe esie, ọdọ efen, enye esịn efịbe.” (Mark 10:10-12; Matthew 19:3, 9) Mmemmem ikọ oro ẹketịn̄de do ẹma ẹwụt ukpono ẹnọ uku oro iban ẹnyenede. Didie ke edi ntre?

12. Ebede ke ikọ oro “esịn efịbe abiat enye,” nso ekikere ke Jesus okosio edi?

¹² Ọyọhọ iba, ebede ke ikọ oro “esịn efịbe abiat enye,” Jesus ama osio ekikere oro owo mîkenyịmeke ke esopikpe mme rabbi edi—ekikere aban̄ade ebe ndisịn efịbe mbiat n̄wan esie. The Expositor’s Bible Commentary anam an̄wan̄a ete: “Ke Ido Ukpono Mme Jew eke mme rabbi n̄wan ebede ke unana edinam akpanikọ ekeme ndisịn efịbe mbiat ebe esie; ndien erenowo, ebede ke ndinyene ebuana idan̄ ye n̄wan owo, ekeme ndisịn efịbe mbiat eren oro. Edi erenowo ikemeke-keme ndisịn efịbe mbiat n̄wan esie, inamke n̄kpọ m̀mê nso ke enye anam. Jesus, ebede ke ndinam ebe enyene ukem mbiomo ido uwem nte n̄wan enyenede, ama emenede idaha ye uku iban.”