e Ediwak owo ẹkụt ukpụhọde ke mbụk Luke ke nsọn̄ọuyo oro ẹnọde ke ẹkụrede ye Luke 21:24. Dr. Leon Morris ọdọhọ ete: “Jesus akaiso nditịn̄ mban̄a ini mme Gentile. . . . Ke ekikere ata ediwak nditọ ukpepn̄kpọ ẹnọ ntịn̄enyịn idahaemi ke edidi Eyen owo.” Prọfesọ R. Ginns ewet ete: “Edidi Eyen Owo​—⁠(Mt 24:​29-⁠31; Mk 13:​24-⁠27). Editịn̄ mban̄a ‘ini mme Gentile’ edi ntọn̄ọ adade okosịm ibuotikọ emi; ekikere [Luke] oro ebe ke nsobo eke Jerusalem oro idahaemi osịm ini iso.”

f Prọfesọ Walter L. Liefeld ewet ete: “Enen̄ede edi mmemmem n̄kpọ ndikere nte ke ntịn̄nnịm ikọ Jesus abuana idaha iba: (1) mme n̄kpọntịbe eke A.D. 70 oro abuanade temple ye (2) mbon oro ẹdude ke anyanini ke iso, ẹnamde an̄wan̄a ke mme ikọ ediyarade.” Utịn̄ikọ oro J. R. Dummelow ekewetde ọdọhọ ete: “Ediwak ke otu ata ikpọ mfịna eke okopodudu utịn̄ikọ emi ẹtre ndidu ke ini ẹdiọn̄ọde ete ke Ọbọn̄ nnyịn iketịn̄ke iban̄a n̄kpọntịbe kiet edi ke enye eketịn̄ aban̄a iba, ye nte ke akpa ekedi mbiet ọyọhọ iba. . . . [Luke] 21:24 akpan akpan, emi etịn̄de n̄kpọ aban̄a ‘ini mme Gentile,’ . . . owụt ini oro enen̄erede ọniọn̄ ke ufọt ini iduọ Jerusalem ye utịt ererimbot.”