• N̄wam Nditọete Iban
    Enyọn̄-Ukpeme (Eke Ukpepn̄kpọ)—2020 | September
    • Jesus etetie ekpep n̄kpọ. Martha ye Mary ẹtie ke isọn̄ ẹkpan̄ utọn̄. Mme ndise: 1. Ebe ye n̄wan ẹkese akamba sista emi usọn̄ mîyakke anam n̄kpọ Abasi nte enye ekesinamde. Ebe ke eneme nneme ye enye, n̄wan ke osion̄o se mmọ ẹdepde ẹsọk enye obono. 2. Ebe ye n̄wan emi ẹka ẹkenịm Utuakibuot Ubon ye sista kiet ye eyen esie. 3. Brọda emi an̄wam nditọete iban iba okpụhọ taya ke moto mmọ.

      Ẹyak isiwụt ke imekere iban̄a nditọete nnyịn iban ukem nte Jesus (Se ikpehe 6-9)e

      6. Luke 10:38-42 owụt ke Jesus akan̄wam Martha ye Mary didie?

      6 Jesus ama esisio ini etie eneme nneme ye iban emi ẹkekponode Jehovah, enye okonyụn̄ edi ata ufan mmọ. N̄kọ emeti ke Jesus ekedi ufan Mary ye Martha. Etie nte mmọ ikọdọhọ ebe. (Kot Luke 10:38-42.) Nte Jesus ekesitịn̄de ikọ ye nte enye ekesinamde n̄kpọ ama esinam enem mmọ ke idem ndidian idem ye Jesus. Oro akanam ndịk inamke Mary nditie ke isọn̄ ke ukot esie n̄kop se enye ekekpepde, ukem nte mbetc esitiede ke isọn̄ okop se andikpep ekpepde. Ini esịt akayatde Martha ke Mary in̄wamke imọ, enye ama ekeme ndisio se ikesịnede enye ke esịt ntịn̄ nnọ Jesus. Jesus ama ada ufan̄ oro ekpep Mary ye Martha ata akpan n̄kpọ. Lazarus ekedi eyeneka mmọ, Jesus ama esiwak ndika ufọk mmọ, oro okowụt ke enye ama mmọ. (John 12:1-3) Oro akanam ini Lazarus ọdọn̄ọde n̄kpa n̄kpa, Mary ye Martha ẹdọn̄ ẹkekot Jesus sia mmọ ẹma ẹdiọn̄ọ ke enye ekeme ndin̄wam mmimọ.—John 11:3, 5.

  • N̄wam Nditọete Iban
    Enyọn̄-Ukpeme (Eke Ukpepn̄kpọ)—2020 | September

    • c N̄wed kiet ọdọhọ ete: ‘Mme mbet ẹkesitie ke ukot mme andikpep mmọ ẹkpan̄ utọn̄ ẹkop se mmọ ẹkpepde. Mme mbet emi ẹkenen̄erede ẹsịn idem ẹkpep n̄kpọ ẹkeyom ndidi mme andikpep. Owo ikesiyakke iban ẹdi mme andikpep. Ntre ekpedi ediwak irenowo mme Jew ẹma ẹkụt nte Mary ọkọkpọn̄de utemudia editie ke isọn̄ ke ukot Jesus okop se Jesus ekpepde, idem akpakakpa mmọ etieti.’