MME AKPAN N̄KPỌ KE IKỌ ABASI | LUKE 12-13
“Mbufo Ẹmesọn̄ Urua Ẹkan Ediwak Akadan̄abasi”
Nso ke Jesus ekeneme ke ini enye eketịn̄de se idude ke Luke 12:6, 7? Ke ufan̄ikọ 4, Jesus ama ọdọhọ mme mbet esie ẹkûfehe mbon oro ẹkọbọde mmọ m̀mê mbon oro ẹkemede ndiwot mmọ. Enye eketịn̄ emi man anam mmọ ẹdiọn̄ọ ke ẹyekọbọ mmọ ke ini iso. Edi enye ama onyụn̄ anam mmọ ẹfiọk ke Jehovah ama mmọ owo kiet kiet, ke enye idinyụn̄ iyakke n̄kpọ emi edinọmọde mmọ ke nsinsi etịbe ọnọ mmọ.
Didie ke ikeme ndiwụt ke imekere iban̄a nditọete nnyịn oro ẹkọbọde, kpa nte Jehovah ekerede aban̄a mmọ?
M̀mọ̀n̄ ke ikeme ndikụt se ẹwetde ẹban̄a Mme Ntiense Jehovah oro ẹdude ke ufọk-n̄kpọkọbi idahaemi ke ntak emi mmọ ẹsọn̄ọde ẹda ẹnam n̄kpọ Abasi?
Nditọete nnyịn ifan̄ ẹdu ke ufọk-n̄kpọkọbi?