19:11—Ndi Jesus eketịn̄ aban̄a Judas Iscariot ke ini enye ọkọbọrọde Pilate mbụme aban̄a owo oro akayakde Enye ọnọ? Enen̄ede etie nte Jesus eketịn̄ aban̄a kpukpru mbon oro ẹkenyenede ubọk ke n̄kpa esie utu ke Judas m̀mê akpan owo en̄wen ekededi. Emi ama esịne Judas, “mbọn̄ oku ye ofụri Sanhedrin,” ye idem “otuowo” oro mmọ ẹkekpekde ẹte ẹdọhọ ẹsana Barabbas ẹyak.—Matt. 26:59-65; 27:1, 2, 20-22.

21:15, 19. Jesus ama obụp Peter m̀mê enye ama imọ akan “mmọ emi,” oro edi, mme iyak oro mmọ ẹkemụmde. Ke ntre, Jesus ọkọdọhọ ke oyom Peter emek nditiene imọ ọyọhọ ọyọhọ utu ke ndisịn idem n̄kọ iyak. Ke ima ikokot mme Gospel emi, nnyịn ikpakam inen̄ede ibiere ndima Jesus n̄kan n̄kpọ en̄wen ekededi. Ih, ẹyak ika iso itiene enye ke ofụri esịt.