-
Baptism Edi Akpan N̄kpọ!Du Ata Uwem ke Nsinsi!—Nneme Bible
-
-
3. Nso ke owo akpanam man odot ndina baptism?
Afo oyodot ndina baptism edieke ekpepde n̄kpọ aban̄a Jehovah onyụn̄ enen̄erede ọbuọt idem ye enye. (Kot Mme Hebrew 11:6.) Nte afo ọdiọn̄ọde Jehovah aka onyụn̄ ọbuọtde idem ye enye, ntre ke afo editetịm ima enye. Oro ayanam enenem fi nditịn̄ mban̄a enye nnyụn̄ nnam se enye amade. (2 Timothy 4:2; 1 John 5:3) Owo emi asan̄ade “nte odotde ye Jehovah,” m̀mê emi odude uwem nte Jehovah amade, ekeme ndiyak idem nnọ Jehovah Abasi onyụn̄ ana baptism.—Colossae 1:9, 10.a
-
-
Baptism Edi Akpan N̄kpọ!Du Ata Uwem ke Nsinsi!—Nneme Bible
-
-
a Ekpededi owo ama ana baptism ke ufọkabasi en̄wen, ẹsifiak ẹnịm enye baptism nte Ntiense Jehovah. Ntak-a? Sia owo ikekpepke enye ata akpanikọ ke Bible ini enye akanade baptism do—Se Utom 19:1-5 ye Ukpepn̄kpọ 13.
-
-
Ndi ke Eben̄e Idem Man Ana Baptism?Du Ata Uwem ke Nsinsi!—Nneme Bible
-
-
1. Ekere ke ọkpọdiọn̄ọ Ikọ Abasi adan̄a didie mbemiso anade baptism?
Ọfọn enyene “nnennen ifiọk akpanikọ” mbemiso anade baptism. (1 Timothy 2:4) Edi oro iwọrọke ke ana ebet tutu ama ọdiọn̄ọ kpukpru n̄kpọ ke Bible ndien afo ana baptism. Idem mme Christian emi ẹma ẹkena baptism ẹbịghi ke ẹsụk ẹkpekpep mbufa n̄kpọ ke Ikọ Abasi tutu emi. (Colossae 1:9, 10) Edi enyene akpan n̄kpọ ifan̄ emi Bible ekpepde, oro anade ọdiọn̄ọ kan̄a mbemiso anade baptism. Mbiowo ke esop ẹyen̄wam fi ọdiọn̄ọ m̀mê se ọdiọn̄ọde ekem se anade baptisim.
-