Nam N̄kpọ ye N̄kani Iban Nte Mme Eka, Nam ye N̄kaiferi Nte Nditọeka Fo

Ikọ Abasi ọdọhọ ida ikpọ nditọete nte ete ye eka nnyịn, inyụn̄ ida n̄kparawa ye n̄kaiferi nte nditọeka nnyịn. (Kot 1 Timothy 5:1, 2.) Abasi enen̄ede oyom irenowo ẹkpono iban, ẹkûnyụn̄ ukama mmọ ubre mbre.

Ikpanaha eyenete eren ebre ndisịme mbre ye n̄wan, ikponyụn̄ inaha enye anam n̄kpọ ekededi emi edifịnade enye. (Job 31:1) Ifọnke eyenete eren emi mîdọhọ ndọ anam eyenete an̄wan emi mîdọhọ ndọ ekere ke enye oyom ndidọdọ imọ ke ini edide enye iduakke ndidọ enye.

Ke ini eyenete an̄wan osụhọrede idem obụp mbiowo mbụme m̀mê etịn̄de n̄kpọ emi oyomde mmọ ẹnam n̄kpọ ẹban̄a, ikpanaha mmọ ẹmia utọn̄ ẹsio. Mbiowo ẹkpenyene ndinen̄ede n̄n̄wam nditọete iban emi mînyeneke ebe.—Ru 2:8, 9.

ẸSE VIDIO ORO WỤT KE EMENYENE IMA EMI MÎDIBEHE IFEP KE ESOP ABASI—MA MME EBEAKPA YE NDITỌAKPA, EKEM ẸBỌRỌ MME MBỤME EMI:

• 

  Didie ke nditọete ke esop ẹkewụt ke imenen̄ede ima Sista Myint?

• 

  Nso ke mbio obio mme Sista Myint ẹkenam ini ẹkụtde nte nditọete ẹmade enye?

• 

  Didie ke nte nditọete ẹkewụtde ke imama Sista Myint akan̄wam nditọ esie?

Nso ye nso ke akpanam man owụt ke amama nditọete iban ke esop mbufo?