³ Ebe ke Ukpepn̄kpọ Idemowo: Ukem nte nnyịn isinyenede odudu ito edidia ata udia, ntre ke nnyịn isikop odudu ke n̄kan̄ eke spirit ebe ke ndibọk idem ke Ikọ Abasi kpukpru ini ye ke mme n̄wed “asan̄autom emi anamde akpanikọ, onyụn̄ enyenede ọniọn̄.” (Matt. 4:4; 24:45) Ke ini ẹkebụpde se ikọnọde enye odudu ndiyọ ediwak isua n̄kọbi-ntem ke China ye unana Bible, Stanley Jones ọkọdọhọ ete: “Nnyịn imekeme ndisọn̄ọ nda ke mbuọtidem. Nte ededi, nnyịn inyene ndibem iso n̄kpep n̄kpọ. Nnyịn inyeneke odudu esịtidem edieke nnyịn mîkpepke n̄kpọ.”

³ Jesus ekemen eyo nnyịn odomo ye eyo Noah. (Luke 17:26, 27) Mbon eyo oro ẹkeyọhọ ye mme mbubehe uwem ofụri usen. Nte ededi, Noah ama osio ini enịm ndikọn̄ ata akamba ubom nnyụn̄ n̄kwọrọ ikọ. (Heb. 11:7; 2 Pet. 2:5) Didie? Ebe ke ndinịm uduak Abasi akpa nnyụn̄ n̄kop uyo esie ke ‘ndinam’ mme n̄kpọ.—Gen. 6:22.