Ekebe Mbụme

◼ Nso idi mme ufọn edibuana ke esop oro enyenede efakutom oro nnyịn idụn̄de?

Ebede ke ndutịm oro ẹnamde ke esop, nnyịn imesibọ nsịnudọn̄ oro ‘edemerede nnyịn ọnọ ima ye nti utom.’ (Heb. 10:24, 25) Ke esop ke nnyịn ikpep akpanikọ inyụn̄ itịm idem ndiyọhọ utom edinam mbet. (Matt. 28:19, 20) Ẹsọn̄ọ nnyịn idem n̄ko ndisọn̄ọ nyọ mme idomo, imonyụn̄ inyene mme ima ima esenyịn oro ẹn̄wamde nnyịn ndiyọ ediwak mfịghe ye editịmede esịt. Nte an̄wan̄ade, imoyom esop man inyene ubọhọ eke spirit. Nte ededi, ndi mme ufọn ẹdu ndibuana ke esop oro enyenede efakutom oro nnyịn idụn̄de?

Mme idaha mme owo ẹdi nsio nsio, mme n̄kpọ nte utom idịbi udia, ndinyene nsan̄a ndọ oro mînịmke ke akpanikọ, ye ndutịm ukaisan̄ ẹkeme nditụk se owo ebierede ke n̄kpọ emi. Edi, ata ufọn eke spirit ye eke obụk ẹdu ke ini owo abuanade ke esop oro enyenede efakutom oro enye odụn̄de. Mbiowo ẹkeme ndisọsọp n̄kụt kpukpru mme asuanetop ke ini mbabuat idaha. Mme Ekebe Mbụme eke ini edem ẹwụt ediwak ufọn eken.—June 1991, August 1976.

Nte ifiọkde, esinen̄ede efere owo ke idem ndidụk mbono esop oro ekperede, anamde nnyịn isịm do ke ini man inyene nneme ye mbon efen, ise iban̄a mme n̄kpọ oro ẹyomde, inyụn̄ ibuana ke ikwọ ye akam. Ke ini mbufa mbon oro ẹnyenede udọn̄ ẹdụn̄de ke n̄kann̄kụk nnyịn, esinen̄ede emem utom nnyịn ndisobo ye mmọ, ndinịm ukpepn̄kpọ Bible ye mmọ, ndinyụn̄ nda mmọ n̄ka mme mbono esop oro etịmde ekpere mmọ akan.

Nnyịn imodori enyịn ite ke mme ibuot ufọk ẹyekere ẹban̄a n̄kpọ emi ke akam, ẹtịmde ẹkere ẹban̄a kpukpru n̄kpọ oro ẹbuanade ke ndinam ubiere oro ọfọnde akan kaban̄a mfọnọn̄kpọ eke spirit ye eke obụk ubon mmọ.—1 Tim. 5:8.