5
Akpan Ukpepn̄kpọ Bible
Jehovah Abasi enyene unen ndikara. Ukara esie ọfọn akan. Enye ayanam isọn̄ ye mme owo ẹtie nte enye akaduakde ke editọn̄ọ.
Ke 4026 B.C.E. Ama Ekebe Urụkikọt, oro edi, Satan, ọdọhọ ke Jehovah inyeneke unen ndikara onyụn̄ ọdọhọ ke ukara esie ifọnke. Jehovah ọn̄wọn̄ọ ndinọ “mfri,” m̀mê eyen, emi edinuakde Satan ibuot. (Genesis 3:1-5, 15) Edi Jehovah ayak mme owo ẹdu ke idak Satan ẹnyụn̄ ẹkara idemmọ. |
1943 B.C.E. Jehovah ọdọhọ Abraham ke “mfri” oro imọ ikọn̄wọn̄ọde edito ubon esie.—Genesis 22:18. |
Ke 1070 B.C.E. Ama Ekebe Jehovah ọdọhọ David, ekem ọdọhọ Solomon, ke “mfri” oro imọ ikọn̄wọn̄ọde edito ubon mmọ.—2 Samuel 7:12, 16; 1 Ndidem 9:3-5; Isaiah 9:6, 7. |
29 C.E. Jehovah ọdọhọ ke Jesus edi “mfri” oro imọ ikọn̄wọn̄ọde, ke enye editie ke ebekpo David.—Galatia 3:16; Luke 1:31-33; 3:21, 22. |
33 C.E. Satan, anam ẹwot Jesus; ini oro ke enye akanuak “mfri” oro ẹken̄wọn̄ọde nditịn̄ikpat. Jehovah anam Jesus eset edi heaven onyụn̄ ọbọ mfọnmma uwem esie emi enye akawade ke ntak nnyịn. Uwa emi anam Abasi efen idiọkn̄kpọ nnyịn, enye n̄ko anam kpukpru nnyịn emi idide nditọ Adam idori enyịn ndidu uwem ke nsinsi.—Genesis 3:15; Utom 2:32-36; 1 Corinth 15:21, 22. |
N̄kpọ Nte 1914 C.E. Jesus osio Satan ke heaven ọduọk ke isọn̄ onyụn̄ okụk enye esịn mi ke ekpri ini.—Ediyarade 12:7-9, 12. |
Ini Iso Jesus ọkọbi Satan ke isua 1,000 ekem osobo enye; ini emi ke enye anuak Satan ibuot nte ẹketịn̄de. Isọn̄ ye mme owo ẹtie nte Jehovah akaduakde ke editọn̄ọ, ẹnam enyịn̄ Abasi asana, ẹnyụn̄ ẹwụt ke ukara esie ikpọn̄ ọfọn.—Ediyarade 20:1-3, 10; 21:3, 4. |