Mme Mbụme Ukpepn̄kpọ ke N̄wed Mi eke Mme Mbụk Bible

Mbụk 1

Abasi Ọtọn̄ọ Ndinam Mme N̄kpọ

1. Kpukpru nti n̄kpọ inyenede ẹto m̀mọ̀n̄, ndien nte emekeme ndinọ uwụtn̄kpọ?

2. Nso ikedi akpa n̄kpọ emi Abasi okobotde?

3. Ntak emi akpa angel ekedide ata isio?

4. Tịn̄ nte isọn̄ eketiede ke editọn̄ọ. (Se ndise.)

5. Didie ke Abasi eketịm isọn̄ ọnọ mme owo ye unam?

Mme mbụme efen:

1. Kot Jeremiah 10:12.

   Ewe mme edu Abasi ke ẹkụt ke mme edibotn̄kpọ esie? (Isa. 40:26; Rome 11:33)

2. Kot Colossians 1:15-17.

   Nso ke Jesus akanam ke ini ẹkebotde mme n̄kpọ, ndien didie ke emi okpotụk usụn̄ nte nnyịn isede enye? (Col. 1:15-17)

3. Kot Genesis 1:1-10.

   1. Nso idi ntọn̄ọ isọn̄? (Gen. 1:1)

   2. Nso iketịbe ke akpa usen edibotn̄kpọ? (Gen. 1:3-5)

   3. Tịn̄ se iketịbede ke ọyọhọ usen edibotn̄kpọ iba. (Gen. 1:7, 8)

Mbụk 2

Ediye In̄wan̄

1. Didie ke Abasi eketịm isọn̄ man edi ebietidụn̄ nnyịn?

2. Tịn̄ ban̄a nsio nsio orụk unam oro Abasi okobotde. (Se ndise.)

3. Ntak emi in̄wan̄ Eden ekedide n̄wọrọnda?

4. Abasi okoyom ofụri isọn̄ akabade etie nte nso?

Mme mbụme efen:

1. Kot Genesis 1:11-25.

   1. Nso ke Abasi okobot ke ọyọhọ usen edibotn̄kpọ ita? (Gen. 1:12)

   2. Nso iketịbe ke ọyọhọ usen edibotn̄kpọ inan̄? (Gen. 1:16)

   3. Nso orụk unam ke Abasi okobot ke ọyọhọ usen ition ye itiokiet? (Gen. 1:20, 21, 25)

2. Kot Genesis 2:8, 9.

   Ewe n̄wọrọnda eto iba ke Abasi ọkọtọ ke in̄wan̄ oro, ndien nso ke mmọ ẹkeda ẹban̄a?

Mbụk 3

Akpa Eren ye N̄wan

1. Nso ukpụhọde idu ke ndise oro odude ke Mbụk 3 ye enye oro odude ke Mbụk 2?

2. Anie akanam akpa owo, ndien owo oro ekekere didie?

3. Nso utom ke Abasi ọkọnọ Adam?

4. Ntak emi Abasi akanamde Adam ede ọkpọsọn̄ idap?

5. Adam ye Eve ẹkpekedu uwem ebịghi adan̄a didie, ndien nso utom ke Abasi okoyom mmọ ẹnam?

Mme mbụme efen:

1. Kot Psalm 83:18.

   Abasi ekere didie, ndien nso n̄wọrọnda idaha ke enye enyene ke ofụri isọn̄? (Jer. 16:21; Dan. 4:17)

2. Kot Genesis 1:26-31.

   1. Nso ikedi akpatre n̄kpọ oro Abasi okobotde ke ọyọhọ usen itiokiet, ndien didie ke edibotn̄kpọ emi okokpụhọde ye mme unam? (Gen. 1:26)

   2. Nso ndutịm ke Abasi akanam ọnọ mme owo ye unam? (Gen. 1:30)

3. Kot Genesis 2:7-25.

   1. Nso ikabuana ke utom oro ẹkenọde Adam ẹte osion̄o mme unam enyịn̄? (Gen. 2:19)

   2. Didie ke Genesis 2:24 an̄wam nnyịn ndifiọk nte Jehovah esede ndọ, edidian̄ade ntie, ye usiondọ? (Matt. 19:4-6, 9)

Mbụk 4

Ntak Ẹkeduọkde Ebiet Idụn̄ Mmọ

1. Ke ndise emi, nso itịbe inọ Adam ye Eve?

2. Ntak emi Jehovah ọkọnọde mmọ ufen?

3. Nso ke urụkikọt eketịn̄ ọnọ Eve?

4. Anie akanam urụkikọt oro etịn̄ ikọ ọnọ Eve?

5. Ntak emi Adam ye Eve ẹkeduọkde Paradise oro mmọ ẹkedụn̄de?

Mme mbụme efen:

1. Kot Genesis 2:16, 17 ye 3:1-13, 24.

   1. Didie ke mbụme oro urụkikọt okobụpde Eve okowụt ke Jehovah ekedi osu nsu? (Gen. 3:1-5; 1 John 5:3)

   2. Nso ke nnyịn ikpekpep ito se iketịbede inọ Eve? (Phil. 4:8; Jas. 1:14, 15; 1 John 2:16)

   3. Ke ewe usụn̄ ke Adam ye Eve ẹkekpu ndinyịme se mmọ ẹkenamde? (Gen. 3:12, 13)

   4. Didie ke mme cherub oro ẹkedade ke edem usiahautịn in̄wan̄ Eden oro ẹkesọn̄ọ ẹda ẹnọ itie edikara Jehovah? (Gen. 3:24)

2. Kot Ediyarade 12:9.

   Satan okụt unen adan̄a didie ke ndiwọn̄ọde mme owo n̄kpọn̄ ukara Abasi? (1 John 5:19)

Mbụk 5

Uwem Nsọn̄ọ N̄kpọ Ọtọn̄ọ

1. Uwem eketie didie ye Adam ye Eve ke mmọ ẹma ẹkekpọn̄ in̄wan̄ Eden?

2. Nso ikọtọn̄ọ nditịbe nnọ Adam ye Eve, ndien ntak-a?

3. Ntak emi nditọ Adam ye Eve ẹkekọride ẹsọn̄ ẹnyụn̄ ẹkpade?

4. Edieke Adam ye Eve ẹkpekekopde uyo Jehovah, nso utọ uwem ke mmọ ye nditọ mmọ ẹkpenyene?

5. Nso ubiak ke Eve okokop ke ntak nsọn̄ibuot esie?

6. Akpan ye udọ Adam ye Eve ẹkekere didie?

7. Mmanie ẹdi nditọ eken ke ndise emi?

Mme mbụme efen:

1. Kot Genesis 3:16-23 ye 4:1, 2.

   1. Didie ke isụn̄i oro ẹkesụn̄ide isọn̄ okotụk uwem Adam? (Gen. 3:17-19; Rome 8:20, 22)

   2. Ntak emi enyịn̄ oro Eve, emi ọwọrọde “yeidu Uwem,” okodotde? (Gen. 3:20)

   3. Didie ke Jehovah okowụt Adam ye Eve edikere mban̄a idem ke mmọ ẹma ẹkenam idiọkn̄kpọ? (Gen. 3:7, 21)

2. Kot Ediyarade 21:3, 4.

   Mme akpa n̄kpọ” ewe ke afo odori enyịn ndikụt nte ẹbede ẹfep?

Mbụk 6

Eti Eyeneren ye Idiọk

1. Nso idi ubọkutom Cain ye Abel?

2. Nso enọ ke Cain ye Abel ẹda ẹsọk Jehovah?

3. Ntak emi Jehovah enemde esịt ye enọ Abel, ndien ntak emi enye mînemke esịt ye enọ Cain?

4. Nso utọ owo ke Cain edi, ndien didie ke Jehovah odomo ndinen̄ede enye?

5. Nso ke Cain anam ke ini enye odude ikpọn̄ ye eyeneka esie ke in̄wan̄?

6. Tịn̄ se iketịbede inọ Cain ke enye ama okowot eyeneka esie.

Mme mbụme efen:

1. Kot Genesis 4:2-26.

   1. Nso ke Jehovah eketịn̄ aban̄a idiọk idaha emi Cain okodude? (Gen. 4:7)

   2. Didie ke Cain okowụt se idude imọ ke esịt? (Gen. 4:9)

   3. Didie ke Jehovah ese ediduọk iyịp owo oro mîduehe isop? (Gen. 4:10; Isa. 26:21)

2. Kot 1 John 3:11, 12.

   1. Ntak emi Cain akayatde esịt, ndien nso ukpepn̄kpọ ke emi ọnọ nnyịn mfịn? (Gen. 4:4, 5; N̄ke 14:30; 28:22)

   2. Didie ke Bible owụt ke nnyịn imekeme ndisọn̄ọ nda idem ọkpọkọm ofụri mbonubon nnyịn ẹsasua Jehovah? (Ps. 27:10; Matt. 10:21, 22)

3. Kot John 11:25.

   Nso nsọn̄ọ ke Jehovah ọnọ kpukpru mbon oro ẹkpan̄ade ke ntak edinen ido? (John 5:24)

Mbụk 7

Eren Uko

1. Didie ke Enoch ọkọkpụhọde ye mbon en̄wen?

2. Ntak oro mme owo ke eyo Enoch ẹkenamde ekese idiọkn̄kpọ?

3. Nso ndiọi n̄kpọ ke mme owo ẹkenam? (Se ndise.)

4. Ntak okoyomde Enoch enyene uko?

5. Mme owo ẹkesidu uwem ebịghi adan̄a didie ini oro, edi Enoch okodu uwem isua ifan̄?

6. Nso iketịbe ke Enoch ama akakpa?

Mme mbụme efen:

1. Kot Genesis 5:21-24, 27.

   1. Nso utọ itie ebuana ke Enoch ekenyene ye Jehovah? (Gen. 5:24)

   2. Nte Bible etịn̄de, anie odu uwem ebịghi akan, ndien enye ekedi isua ifan̄ mbemiso akpade? (Gen. 5:27)

2. Kot Genesis 6:5.

   Isọn̄ ọkọdiọk adan̄a didie ke Enoch ama akakpa, ndien nso ukem idaha oro idu ke eyo nnyịn? (2 Tim. 3:13)

3. Kot Mme Hebrew 11:5.

   Ewe edu Enoch ‘eketịm enem Abasi esịt,’ ndien nso ikedi utịp? (Gen. 5:22)

4. Kot Jude 14, 15.

   Didie ke mme Christian mfịn ẹkeme ndinyene uko nte Enoch ke ini ẹtọtde mme owo ẹban̄a ekọn̄ Armageddon oro edide? (2 Tim. 4:2; Heb. 13:6)

Mbụk 8

Ata Ikpọ Owo ke Isọn̄

1. Nso iketịbe ke ini ndusụk angel Abasi ẹkekopde uyo ẹnọ Satan?

2. Ntak emi ndusụk angel ẹkekpọn̄de utom mmọ ke heaven ẹsụhọde ẹdi isọn̄?

3. Ntak emi mîkọfọnke mme angel oro ndisụhọde ndi isọn̄ ndimen idem owo nsịne?

4. Nso ukpụhọde ke nditọ angel ẹkenyene ye mbon eken?

5. Nte afo ekemede ndikụt ke ndise emi, nso ke nditọ angel oro ẹkenam ke ini mmọ ẹkekabade ata ikpọ owo?

6. Ke Enoch ama akakpa, anie eti owo ikodu ke isọn̄, ndien ntak emi Abasi akamade enye?

Mme mbụme efen:

1. Kot Genesis 6:1-8.

   Didie ke Genesis 6:6 owụt ke se nnyịn inamde ekeme nditụk Jehovah? (Ps. 78:40, 41; N̄ke 27:11)

2. Kot Jude 6.

   Nso ke “mme angel oro mîkomụmke akpa itie mmọ ikama” ẹti nnyịn mfịn? (1 Cor. 3:5-9; 2 Pet. 2:4, 9, 10)

Mbụk 9

Noah Ọbọp Ubom

1. Owo ifan̄ ikodu ke ubon Noah, ndien nditọ esie iren ita ẹkekere didie?

2. Ewe esen esen utom ke Abasi ọkọdọn̄ Noah, ndien ntak-a?

3. Didie ke mbọhọidụn̄ Noah ẹkenam n̄kpọ ke ini Noah akasiyee mmọ aban̄a ubom oro?

4. Nso ke Abasi ọkọdọhọ Noah anam ye mme unam?

5. Ke Abasi ama ekeberi itịm ubom oro, nso ke Noah ye ubon esie ẹkenyene ndinam?

Mme mbụme efen:

1. Kot Genesis 6:9-22.

   1. Nso ikanam Noah edi n̄wọrọnda yeituak ibuot nnọ ata Abasi? (Gen. 6:9, 22)

   2. Didie ke Jehovah ese afai, ndien didie ke emi okpotụk mme edinam unọ idem inemesịt oro nnyịn imekde? (Gen. 6:11, 12; Ps. 11:5)

   3. Didie ke nnyịn ikeme ndikpebe Noah ke ini ibọde ndausụn̄ ito esop Jehovah? (Gen. 6:22; 1 John 5:3)

2. Kot Genesis 7:1-9.

   Didie ke Jehovah ndise anana-mfọnmma owo oro Noah nte edinen esịn udọn̄ ọnọ nnyịn mfịn? (Gen. 7:1; N̄ke 10:16; Isa. 26:7)

Mbụk 10

Akwa Ukwọ

1. Ntak emi owo ndomokiet mîkekemeke ndidụk ubom oro ndondo oro edịm ọtọn̄ọde ndidep?

2. Uwemeyo ye okoneyo ifan̄ ke Jehovah akanam edịm edep, ndien mmọn̄ oro okokpon adan̄a didie?

3. Nso iketịbe inọ ubom oro ke ini mmọn̄ ọtọn̄ọde ndifụk isọn̄?

4. Ndi ata ikpọ owo oro ẹma ẹbọhọ Ukwọ oro, ndien nso iketịbe inọ mme ete mmọ?

5. Nso iketịbe inọ ubom oro ke ọfiọn̄ ition ẹma ẹkebe?

6. Ntak emi Noah akayakde raven ọwọrọ ke ubom?

7. Noah akasan̄a didie ọfiọk ke mmọn̄ ama etek ke isọn̄?

8. Nso ke Abasi eketịn̄ ye Noah ke enye ye ubon esie ẹma ẹkedu ke esịt ubom ke se ikyee isua kiet?

Mme mbụme efen:

1. Kot Genesis 7:10-24.

   1. Nsobo mme odu uwem n̄kpọ ke isọn̄ okokpon adan̄a didie? (Gen. 7:23)

   2. Ekebịghi adan̄a didie mbemiso mmọn̄ Ukwọ oro asatde? (Gen. 7:24)

2. Kot Genesis 8:1-17.

   Didie ke Genesis 8:17 owụt ke akpa uduak Abasi kaban̄a isọn̄ ikokpụhọkede? (Gen. 1:22)

3. Kot 1 Peter 3:19, 20.

   1. Ke ini mme ọsọn̄ibuot angel oro ẹkefiakde ẹka heaven, nso ubiomikpe ke mmọ ẹkenyene? (Jude 6)

   2. Didie ke mbụk aban̄ade Noah ye ubon esie ọsọn̄ọ mbuọtidem nnyịn nte ke Jehovah ekeme ndinyan̄a ikọt esie? (2 Pet. 2:9)

Mbụk 11

Akpa Akpara

1. Nte ẹwụtde ke ndise emi, nso ikedi akpa n̄kpọ oro Noah akanamde ke enye ama ọkọwọrọ ke ubom?

2. Nso ewụhọ ke Abasi ọkọnọ Noah ye ubon esie ke Ukwọ oro ama ekebe?

3. Nso un̄wọn̄ọ ke Abasi akanam?

4. Ke ini ikụtde akpara, nso ke nnyịn ikpeti?

Mme mbụme efen:

1. Kot Genesis 8:18-22.

   1. Didie ke nnyịn mfịn ikeme ndinam Jehovah okop “edinem utebe? (Gen. 8:21; Heb. 13:15, 16)

   2. Nso ke Jehovah eketịn̄ aban̄a ekikere esịt owo, ntre nso ke nnyịn ikpenyene ndikpeme? (Gen. 8:21; Matt. 15:18, 19)

2. Kot Genesis 9:9-17.

   1. Nso ediomi ke Jehovah akanam ye kpukpru edibotn̄kpọ emi ẹdude ke isọn̄? (Gen. 9:10, 11)

   2. Ediomi akpara oro edibịghi adan̄a didie? (Gen. 9:16)

Mbụk 12

Mme Owo Ẹbọp Akwa Tower

1. Anie ekedi Nimrod, ndien didie ke Abasi ekese enye?

2. Ke ndise emi, ntak emi mme owo ẹkenamde brik?

3. Ntak esịt mîkenemke Jehovah iban̄a utom ubọp ufọk emi?

4. Nso ke Abasi akanam man ẹtre ndibọp tower oro?

5. Ẹkekot obio oro didie, ndien nso ke enyịn̄ oro ọwọrọ?

6. Nso iketịbe inọ mme owo ke Abasi ama eketịmede usem mmọ?

Mme mbụme efen:

1. Kot Genesis 10:1, 8-10.

   Nso mme edu ke Nimrod ekenyene, ndien nso ke nnyịn ikpep ito emi? (N̄ke 3:31)

2. Kot Genesis 11:1-9.

   Nso ikanam ẹbọp tower oro, ndien ntak emi utom oro mîkekwe unen? (Gen. 11:4; N̄ke 16:18; John 5:44)

Mbụk 13

Abraham—Ufan Abasi

1. Nso orụk owo ẹkedụn̄ ke Ur?

2. Anie edi emi ke ndise, enye akamana ini ewe, ndien enye okodụn̄ ke m̀mọ̀n̄?

3. Nso ke Abasi ọkọdọhọ Abraham anam?

4. Ntak ẹkekotde Abraham ufan Abasi?

5. Mmanie ẹketiene Abraham ke ini enye ọkọkpọn̄de Ur?

6. Nso ke Abasi ọkọdọhọ Abraham ke ini enye ekesịmde obio Canaan?

7. Nso un̄wọn̄ọ ke Abasi akanam ọnọ Abraham ke ini enye ekedide isua 99?

Mme mbụme efen:

1. Kot Genesis 11:27-32.

   1. Abraham akabuana nso ye Lot? (Gen. 11:27)

   2. Okposụkedi ẹdọhọde ke Terah akada ubon esie ọwọrọ aka Canaan, nnyịn isan̄a didie ifiọk ke enen̄ede edi Abraham akada ekikere emi edi, ndien ntak emi enye akanamde ntre? (Gen. 11:31; Utom 7:2-4)

2. Kot Genesis 12:1-7.

   Mmanie ke Jehovah akada edisịn ke ediomi oro enye akanamde ye Abraham ke Abraham ama ekesịm Canaan? (Gen. 12:7)

3. Kot Genesis 17:1-8, 15-17.

   1. Abram ekedikere didie ke ini enye ekedide isua 99, ndien ntak-a? (Gen. 17:5)

   2. Nso mme edidiọn̄ ke Jehovah ọkọn̄wọn̄ọ ọnọ Sarah? (Gen. 17:15, 16)

4. Kot Genesis 18:9-19.

   1. Nso mbiomo ke ẹnọ mme ete ke Genesis 18:19? (Deut. 6:6, 7; Eph. 6:4)

   2. Nso iketịbe inọ Sarah oro owụtde ke nnyịn ikemeke ndidịp Jehovah n̄kpọ ndomokiet? (Gen. 18:12, 15; Ps. 44:21)

Mbụk 14

Abasi Odomo Mbuọtidem Abraham

1. Nso ke Abasi ọkọn̄wọn̄ọ ndinam nnọ Abraham, ndien didie ke Abasi okosu un̄wọn̄ọ esie?

2. Nte ẹwụtde ke ndise emi, didie ke Abasi okodomo mbuọtidem Abraham?

3. Nso ke Abraham akanam okposụkedi enye mîkọfiọkke ntak emi Abasi okowụkde enye ndinam ntre?

4. Nso iketịbe ke ini Abraham okosiode ikwa ndiwot eyen esie?

5. Mbuọtidem oro Abraham ekenyenede ke Abasi okokpon didie?

6. Nso ke Abasi ọkọnọ Abraham ada anam uwa, ndien didie?

Mme mbụme efen:

1. Kot Genesis 21:1-7.

   Ntak emi Abraham ekenịmde eyen esie mbobi ke ọyọhọ usen itiaita? (Gen. 17:10-12; 21:4)

2. Kot Genesis 22:1-18.

   Didie ke Isaac okosụhọde idem ọnọ ete esie, Abraham, ndien didie ke emi owụt se iditịbede ke ini iso ke akamba udomo? (Gen. 22:7-9; 1 Cor. 5:7; Phil. 2:8, 9)

Mbụk 15

N̄wan Lot Ese Edem

1. Ntak emi Abraham ye Lot ẹkedianarede?

2. Ntak emi Lot ekemekde ndidụn̄ ke Sodom?

3. Mbon Sodom ẹketie didie?

4. Nso ntọt ke angel iba ẹkenọ Lot?

5. Ntak emi n̄wan Lot akakabade adaha inụn̄?

6. Nso ke nnyịn ikeme ndikpep nto se iketịbede inọ n̄wan Lot?

Mme mbụme efen:

1. Kot Genesis 13:5-13.

   Kaban̄a nte ẹkemede ndibiere utọk, nso ke nnyịn ikeme ndikpep nto Abraham? (Gen. 13:8, 9; Rome 12:10; Phil. 2:3, 4)

2. Kot Genesis 18:20-33.

   Didie ke usụn̄ oro Jehovah akanamde n̄kpọ ye Abraham ọsọn̄ọ nnyịn idem nte ke Jehovah ye Jesus ẹyekpe unenikpe? (Gen. 18:25, 26; Matt. 25:31-33)

3. Kot Genesis 19:1-29.

   1. Nso ke mbụk Bible emi owụt aban̄a nte Abasi esede idan̄ ukemuduot? (Gen. 19:5, 13; Lev. 20:13)

   2. Nso ukpụhọde ke nnyịn ikụt ke usụn̄ oro Lot ye Abraham ẹkenamde n̄kpọ ẹban̄a ndausụn̄ Abasi, ndien nso ke nnyịn ikeme ndikpep nto emi? (Gen. 19:15, 16, 19, 20; 22:3)

4. Kot Luke 17:28-32.

   Nso ikedi edu n̄wan Lot kaban̄a mme n̄kpọ obụkidem, ndien nso ke nnyịn ikeme ndikpep nto emi? (Luke 12:15; 17:31, 32; Matt. 6:19-21, 25)

5. Kot 2 Peter 2:6-8.

   Ke ndikpebe Lot, didie ke nnyịn ikpese idiọk ererimbot oro akyee nnyịn okụk? (Ezek. 9:4; 1 John 2:15-17)

Mbụk 16

Isaac Enyene Eti N̄wan

1. Eren ye n̄wan emi ke ndise ẹdi mmanie?

2. Didie ke Abraham okoyom n̄wan ọnọ eyen esie, ndien ntak-a?

3. Didie ke ẹkebọrọ akam eyenufọk Abraham?

4. Rebekah eketịn̄ nso ke ini ẹbụpde m̀mê enye ayama ndidọ Isaac?

5. Nso ikanam Isaac afiak okop inemesịt?

Mme mbụme efen:

1. Kot Genesis 24:1-67.

   1. Nso nti edu ke Rebekah okowụt ke ini enye okosobode ye eyenufọk Abraham ke obube mmọn̄? (Gen. 24:17-20; N̄ke 31:17, 31)

   2. Nso eti uwụtn̄kpọ ke ndutịm oro Abraham akanamde ọnọ Isaac enịm ọnọ mme Christian mfịn? (Gen. 24:37, 38; 1 Cor. 7:39; 2 Cor. 6:14)

   3. Ntak ikposiode ini inịm inọ editie n̄kere n̄kpọ ukem nte Isaac akanamde? (Gen. 24:63; Ps. 77:12; Phil. 4:8)

Mbụk 17

Amaniba Emi Ẹkedide Isio

1. Esau ye Jacob ẹkedi mmanie, ndien didie ke mmọ ẹkedi isio?

2. Esau ye Jacob ẹkedi isua ifan̄ ke ini Abraham, ete ete mmọ akpade?

3. Nso ke Esau akanam emi akanamde ete ye eka esie ẹfụhọ etieti?

4. Ntak emi Esau akayatde esịt etieti ye eyeneka esie Jacob?

5. Nso item ke Isaac ọkọnọ Jacob eyen esie?

Mme mbụme efen:

1. Kot Genesis 25:5-11, 20-34.

   1. Nso ke Jehovah ekebem iso etịn̄ aban̄a nditọ iba emi Rebekah edimyee? (Gen. 25:23)

   2. Didie ke usụn̄ oro Jacob ye Esau ẹkesede unen itie-akpan okokpụhọde? (Gen. 25:31-34)

2. Kot Genesis 26:34, 35; 27:1-46; ye 28:1-5.

   1. Nso ikowụt ke Esau ama anana esịtekọm aban̄a mme n̄kpọ eke spirit? (Gen. 26:34, 35; 27:46)

   2. Nso ke Isaac ọkọdọhọ Jacob anam man Abasi ọdiọn̄ enye? (Gen. 28:1-4)

3. Kot Mme Hebrew 12:16, 17.

   Uwụtn̄kpọ Esau owụt ke nso iditịbe inọ mbon oro mîwụtke esịtekọm iban̄a ndisana n̄kpọ?

Mbụk 18

Jacob Aka Haran

1. Ekpri eyenan̄wan emi ke ndise edi anie, ndien nso ke Jacob akanam ọnọ enye?

2. Nso ke Jacob ekenyịme ndinam man ọdọ Rachel?

3. Nso ke Laban akanam ke osịmde ini Jacob ndidọ Rachel?

4. Nso ke Jacob ekenyịme ndinam man osụk ọdọ Rachel?

Mme mbụme efen:

1. Kot Genesis 29:1-30.

   1. Idem ke Laban ama akabian̄a enye, didie ke Jacob akanam akpanikọ, ndien nso ke nnyịn ikeme ndikpep nto emi? (Gen. 25:27; 29:26-28; Matt. 5:37)

   2. Didie ke uwụtn̄kpọ Jacob owụt ukpụhọde ata ima ye ndisịme ima? (Gen. 29:18, 20, 30; Ikwọ Sol. 8:6)

   3. Ewe iban inan̄ ẹkeman nditọ ẹnọ Jacob? (Gen. 29:23, 24, 28, 29)

Mbụk 19

Jacob Enyene Akwa Ubon

1. Nso ikedi enyịn̄ nditọ itiokiet emi Leah, akpa n̄wan Jacob akamyee ọnọ enye?

2. Nditọ iba emi Jacob ekenyenede oto Zilpah, eyenufọk Leah, ẹkekere didie?

3. Nditọ iba emi Bilhah, eyenufọk Rachel, akamyee ọnọ Jacob ẹkekere didie?

4. Nso ikedi enyịn̄ nditọ iba emi Rachel akamyee, edi nso iketịbe ke ini ọyọhọ eyen iba amanade?

5. Nte ndise emi owụtde, Jacob ekenyene nditọ ifan̄, ndien mmọ ẹkekabade ẹdi nso?

Mme mbụme efen:

1. Kot Genesis 29:32-35; 30:1-26; ye 35:16-19.

   Nte enyịn̄ nditọ Jacob 12 ẹwụtde, didie ke ẹkesisio nditọ iren Hebrew enyịn̄ ke eset?

2. Kot Genesis 37:35.

   Okposụkedi ẹsiakde Dinah kpọt ke Bible, nnyịn isan̄a didie ifiọk ke Jacob ama enyene nditọ iban efen? (Gen. 37:34, 35)

Mbụk 20

Dinah Odụk Afanikọn̄

1. Ntak emi Abraham ye Isaac mîkoyomke nditọ mmọ ẹdọ mbon Canaan?

2. Ndi Jacob ama enyịme eyen esie an̄wan anam ufan ye nditọ iban Canaan?

3. Anie eren ese Dinah ke ndise emi, ndien nso idiọkn̄kpọ ke enye akanam?

4. Nso ke nditọ eka Dinah, Simeon ye Levi, ẹkenam ke ini mmọ ẹkekopde se iketịbede?

5. Ndi Jacob ama ama se Simeon ye Levi ẹkenamde?

6. Didie ke kpukpru mfịna emi okodude ke ubon oro ọkọtọn̄ọ?

Mme mbụme efen:

1. Kot Genesis 34:1-31.

   1. Was Dinah’s association with the daughters of the lye of Canaan an isolated incident? Explain. (Gen. 34:1)

   2. Why did Dinah bear a measure of responsibility for losing her virginity? (Gal. 6:7)

   3. How can young ones today show that they have taken to heart the warning example of Dinah? (N̄ke 13:20; 1 Cor. 15:33; 1 John 5:19)

Mbụk 21

Nditọ Ete Joseph Ẹsua Enye

1. Ntak emi nditọ ete Joseph ẹkefụbede enye, ndien nso ke mmọ ẹkenam?

2. Nditọ ete Joseph ẹyom ndinam enye nso, edi nso ke Reuben etịn̄?

3. Nso itịbe ke ini mbonurua Ishmael ẹdide?

4. Nso ke nditọ ete Joseph ẹnam man ete mmọ ekere ke Joseph akpa?

Mme mbụme efen:

1. Kot Genesis 37:1-35.

   1. Didie ke mme Christian ẹkeme ndikpebe uwụtn̄kpọ Joseph ke nditọt idiọk edinam ke esop? (Gen. 37:2; Lev. 5:1; 1 Cor. 1:11)

   2. Nso ikanam nditọ ete Joseph ẹsọn̄ ido ye enye? (Gen. 37:11, 18; N̄ke 27:4; Jas. 3:14-16)

   3. Nso ke Jacob akanam emi edide ndammana n̄kpọ ke ini owo ofụhọde? (Gen. 37:35)

Mbụk 22

Ẹsịn Joseph ke Ufọk N̄kpọkọbi

1. Joseph edi isua ifan̄ ke ini ẹdade enye ẹka Egypt, ndien nso itịbe ke ini enye odude do?

2. Joseph akasan̄a didie ekesịne ke ufọk n̄kpọkọbi?

3. Nso utom ke ẹnọ Joseph ke ufọk n̄kpọkọbi?

4. Nso ke Joseph anam ọnọ akama cup ye asan̄ uyo Pharaoh ke esịt ufọk n̄kpọkọbi?

5. Nso itịbe ke ẹma ẹkesio akama cup oro ke n̄kpọkọbi?

Mme mbụme efen:

1. Kot Genesis 39:1-23.

   Sia ibet Abasi oro ẹwetde-wet emi akakpyee efịbe mîkodụhe ke eyo Joseph, nso ikanam enye efehe ọkpọn̄ n̄wan Potiphar? (Gen. 2:24; 20:3; 39:9)

2. Kot Genesis 40:1-23.

   1. Tịn̄ ibio ibio ban̄a ndap oro akama cup oro akadabade ye se Jehovah akayarade ọnọ Joseph. (Gen. 40:9-13)

   2. Nso ndap ke asan̄ uyo oro akadaba, ndien nso ke ndap oro ọkọwọrọ? (Gen. 40:16-19)

   3. Didie ke otu ofụn emi anamde akpanikọ onyụn̄ enyenede ọniọn̄ ekpebe edu Joseph mfịn? (Gen. 40:8; Ps. 36:9; John 17:17; Utom 17:2, 3)

   4. Didie ke Genesis 40:20 esịn un̄wana ke nte Christian esede usọrọ usen emana? (Eccl. 7:1; Mark 6:21-28)

Mbụk 23

Mme Ndap Pharaoh

1. Nso itịbe inọ Pharaoh ke okoneyo kiet?

2. Ntak emi akama cup oro etide Joseph ke akpatre?

3. Nte ẹwụtde ke ndise emi, ewe ndap iba ke Pharaoh adaba?

4. Joseph ọdọhọ ke mme ndap emi ẹwọrọ nso?

5. Joseph asan̄a didie akabade ata akpan owo ke Egypt ye udiana Pharaoh?

6. Ntak emi nditọ ete Joseph ẹdide Egypt, ndien ntak emi mmọ mîdiọn̄ọke enye?

7. Ewe ndap ke Joseph eti, ndien nso ke emi an̄wam enye ndifiọk?

Mme mbụme efen:

1. Kot Genesis 41:1-57.

   1. Didie ke Joseph okodụri ntịn̄enyịn owụt Jehovah, ndien ke nso usụn̄ ke mme Christian mfịn ẹkeme ndikpebe uwụtn̄kpọ esie? (Gen. 41:16, 25, 28; Matt. 5:16; 1 Pet. 2:12)

   2. Didie ke mme isua eduek ye isua akan̄ ke Egypt ẹtịm ẹwụt ukpụhọde idaha eke spirit ikọt Jehovah ye eke Christendom? (Gen. 41:29, 30; Amos 8:11, 12)

2. Kot Genesis 42:1-8 ye 50:20.

   Nte ọdiọk yeituak ibuot nnọ Jehovah ndinụk ibuot ke edu ukpono nnọ owo nnyụn̄ n̄kpono idaha esie edieke oro edide ido edinam ke obio oro? (Gen. 42:6)

Mbụk 24

Joseph Odomo Nditọ Ete Esie

1. Ntak emi Joseph ọdọhọde ke nditọ ete esie ẹdi mbon uyep?

2. Ntak emi Jacob ayakde Benjamin, asan̄aedem eyen esie, aka Egypt?

3. Cup silver Joseph asan̄a didie odụk ekpat Benjamin?

4. Nso ke Judah enyịme ndinam man ẹsana Benjamin ẹyak?

5. Didie ke nditọ ete Joseph ẹkpụhọde?

Mme mbụme efen:

1. Kot Genesis 42:9-38.

   Didie ke ikọ Joseph ke Genesis 42:18 edi eti n̄kpọ editi ọnọ mbon oro ẹnyenede mbiomo ke esop Jehovah mfịn? (Neh. 5:15; 2 Cor. 7:1, 2)

2. Kot Genesis 43:1-34.

   1. Okposụkedi Reuben ekedide akpan, nso iwụt ke Judah ekesitịn̄ ikọ ke ibuot nditọ ete esie? (Gen. 43:3, 8, 9; 44:14, 18; 1 Chron. 5:2)

   2. Didie ke Joseph okodomo nditọ ete esie, ndien ntak-a? (Gen. 43:33, 34)

3. Kot Genesis 44:1-34.

   1. Nte kiet ke otu n̄kari emi Joseph ekebrede man nditọ ete esie edifiọk imọ, enye ekenịm idemesie didie? (Gen. 44:5, 15; Lev. 19:26)

   2. Didie ke nditọ ete Joseph ẹkewụt ke mmimọ inyeneke aba edu ufụp oro ikesinyenede ke akpa iban̄a eyeneka mmimọ? (Gen. 44:13, 33, 34)

Mbụk 25

Ubon Oro Ẹwọrọ Ẹka Egypt

1. Nso itịbe ke ini Joseph ayararede idem ọnọ nditọ ete esie?

2. Nso ke Joseph ke mbọm etịn̄ ye nditọ ete esie?

3. Nso ke Pharaoh etịn̄ ke ini okopde aban̄a nditọ ete Joseph?

4. Ubon Jacob okokpon didie ke ini mmọ ẹwọrọde ẹka Egypt?

5. Ẹkedikot ubon Jacob didie, ndien ntak-a?

Mme mbụme efen:

1. Kot Genesis 45:1-28.

   Didie ke mbụk Bible aban̄ade Joseph owụt ke Jehovah ekeme ndiwọn̄ọde ibak oro mme owo ẹkerede ndinam mme asan̄autom esie nsịn ke eti n̄kpọ? (Gen. 45:5-8; Isa. 8:10; Phil. 1:12-14)

2. Kot Genesis 46:1-27.

   Ewe ikọ nsọn̄ọ ke Jehovah ọkọnọ Jacob ke ini enye akakade Egypt? (Gen. 46:1-4, ftn.)

Mbụk 26

Job Ọbuọt Idem ye Abasi

1. Anie ekedi Job?

2. Nso ke Satan okodomo ndinam, edi nte enye ama ekeme?

3. Nso ke Jehovah ekenyịme Satan anam, ndien ntak-a?

4. Ntak emi n̄wan Job ọkọdọhọde enye ‘osụn̄i Abasi onyụn̄ akpa’? (Se ndise.)

5. Nte ekemede ndikụt ke ọyọhọ ndise iba, didie ke Jehovah ọkọdiọn̄ Job, ndien ntak-a?

6. Mme edidiọn̄ ewe ke nnyịn idibọ edieke ibuọtde idem ye Jehovah ukem nte Job?

Mme mbụme efen:

1. Kot Job 1:1-22.

   Didie ke mme Christian mfịn ẹkeme ndikpebe Job? (Job 1:1; Phil. 2:15; 2 Pet. 3:14)

2. Kot Job 2:1-13.

   Ke ewe nsio nsio usụn̄ iba ke Job ye n̄wan esie ẹkenam n̄kpọ ẹban̄a ukọbọ Satan? (Job 2:9, 10; N̄ke 19:3; Mic. 7:7; Mal. 3:14)

3. Kot Job 42:10-17.

   1. Didie ke edidiọn̄ Job ebiet eke Jesus ke ndimụm nsọn̄ọnda n̄kama? (Job 42:12; Phil. 2:9-11)

   2. Didie ke mme edidiọn̄ oro ẹkenọde Job ke ndimụm nsọn̄ọnda esie n̄kama ye Abasi ẹsịn udọn̄ ẹnọ nnyịn? (Job 42:10, 12; Heb. 6:10; Jas. 1:2-4, 12; 5:11)

Mbụk 27

Idiọk Edidem Akara Egypt

1. Ke ndise emi, anie owo akama ikpa oro, ndien anie ke enye amia?

2. Ke Joseph ama akakpa, nso iketịbe inọ nditọ Israel?

3. Ntak emi mbon Egypt ẹkefehede ndịk ẹban̄a nditọ Israel?

4. Nso ewụhọ ke Pharaoh ọkọnọ iban oro ẹkemụmde iban Israel uman?

Mme mbụme efen:

1. Kot Exodus 1:6-22.

   1. Didie ke Jehovah ọkọtọn̄ọ ndisu un̄wọn̄ọ oro enye akanamde ọnọ Abraham? (Ex. 1:7; Gen. 12:2; Utom 7:17)

   2. Didie ke mme omụm uman Hebrew ẹkeda uwem ke akpan n̄kpọ? (Ex. 1:17; Gen. 9:6)

   3. Nso utịp ke ẹkenọ mme omụm uman oro ke mmọ ndinam akpanikọ nnọ Jehovah? (Ex. 1:20, 21; N̄ke 19:17)

   4. Didie ke Satan okodomo ndibiat uduak Jehovah kaban̄a Mfri Abraham oro ẹken̄wọn̄ọde? (Ex. 1:22; Matt. 2:16)

Mbụk 28

Nte Ẹkenyan̄ade Nsek Moses

1. Ewe nsekeyen idi emi ke ndise, ndien nnuenubọk anie ke enye omụm oro?

2. Nso ke eka Moses akanam man anyan̄a eyen esie?

3. Anie edi ekpri eyenan̄wan emi ke ndise, ndien nso ke enye akanam?

4. Ke ini eyenan̄wan Pharaoh okokụtde nsekeyen oro, nso ekikere ke Miriam ọkọnọ?

5. Nso ke eyen edidem ọkọdọhọ eka Moses?

Mbụme efen:

1. Kot Exodus 2:1-10.

   Nso ifet ke eka Moses ekenyene ndibọk nnyụn̄ n̄kpep Moses ke ini enye ekedide nsekeyen, ndien nso uwụtn̄kpọ ke emi ọnọ mme ete ye eka mfịn? (Ex. 2:9, 10; Deut. 6:6-9; N̄ke 22:6; Eph. 6:4; 2 Tim. 3:15)

Mbụk 29

Ntak Moses Ekefehede

1. Moses ọkọkọri okpon ke m̀mọ̀n̄, edi nso ke enye ọkọfiọk aban̄a ete ye eka esie?

2. Nso ke Moses akanam ke ini enye ekedide isua 40?

3. Nso ke Moses eketịn̄ ye eyen Israel emi akan̄wanade, ndien nso ke owo oro ọkọbọrọ enye?

4. Ntak emi Moses ekefehede ọkpọn̄ Egypt?

5. Moses ekefehe aka m̀mọ̀n̄, ndien anie ke enye okokụt do?

6. Nso k1e Moses akanam ke isua 40 ke enye ama ekefehe ọkpọn̄ Egypt?

Mme mbụme efen:

1. Kot Exodus 2:11-25.

   Okposụkedi akabiatde ediwak isua ekpep ọniọn̄ nditọ Egypt, didie ke Moses akanam akpanikọ ọnọ Jehovah ye ikọt esie? (Ex. 2:11, 12; Heb. 11:24)

2. Kot Utom 7:22-29.

   Nso ke ikeme ndikpep nto Moses ndidomo ndinyan̄a nditọ Israel nsio ke ufụn Egypt ke odudu idemesie? (Utom 7:23-25; 1 Pet. 5:6, 10)

Mbụk 30

Ikọt oro Asakde Ikan̄

1. Obot oro ke ndise emi ekere didie?

2. Tịn̄ ban̄a esen esen n̄kpọ oro Moses okokụtde ke ini enye akadade mme erọn̄ esie ọdọk obot oro.

3. Uyo oro eketịn̄de ikọ ke ikọt oro asakde ikan̄ ọkọdọhọ didie, ndien uyo anie ekedi oro?

4. Nso ke Moses ọkọbọrọ ke ini Abasi ọkọdọhọde ke enye edida ikọt Abasi ọwọrọ ke Egypt?

5. Abasi ọkọdọhọ Moses etịn̄ nso edieke nditọ Israel ẹbụpde m̀mê anie ọkọdọn̄ enye?

6. Didie ke Moses ediwụt ke Abasi ọkọdọn̄ imọ?

Mme mbụme efen:

1. Kot Exodus 3:1-22.

   Didie ke se iketịbede inọ Moses ọsọn̄ọ nnyịn idem nte ke Jehovah ekeme ndibere ye nnyịn idem edieke ikerede ke nnyịn idikemeke ndinam utom ukara Abasi oro ẹdọn̄de nnyịn? (Ex. 3:11, 13; 2 Cor. 3:5, 6)

2. Kot Exodus 4:1-20.

   1. Nso ukpụhọde ekikere ke Moses ekenyene ke ama akabiat isua 40 ke Midian, ndien nso ke mbon oro ẹnyanarede ẹbịne ifetutom ke esop ẹkpekpep ẹto emi? (Ex. 2:11, 12; 4:10, 13; Mic. 6:8; 1 Tim. 3:1, 6, 10)

   2. Idem edieke Jehovah adade esop esie otụnọ nnyịn, didie ke uwụtn̄kpọ Moses ekeme ndisọn̄ọ nnyịn idem? (Ex. 4:12-14; Ps. 103:14; Heb. 12:4-11)

Mbụk 31

Moses ye Aaron Ẹkụt Pharaoh

1. Didie ke mme utịben̄kpọ oro Moses ye Aaron ẹkenamde ẹketụk nditọ Israel?

2. Nso ke Moses ye Aaron ẹketịn̄ ẹnọ Pharaoh, ndien nso ke Pharaoh ọkọbọrọ?

3. Nte ẹwụtde ke ndise emi, nso iketịbe ke ini Aaron ọkọduọkde esan̄ esie ke isọn̄?

4. Didie ke Jehovah okotụnọ Pharaoh, ndien didie ke Pharaoh akanam n̄kpọ?

5. Nso iketịbe ke ọyọhọ ufen duop ama ekebe?

Mme mbụme efen:

1. Kot Exodus 4:27-31 ye 5:1-23.

   Nso ke ikọ Pharaoh ọkọwọrọ ke ini enye ọkọdọhọde ete: “Mfiọkke Jehovah”? (Ex. 5:2; 1 Sam. 2:12; Rome 1:21)

2. Kot Exodus 6:1-13, 26-30.

   1. Ke nso usụn̄ ke Jehovah mîkayarakede idem esie inọ Abraham, Isaac, ye Jacob? (Ex. 3:13, 14; 6:3; Gen. 12:8)

   2. Etie nnyịn didie ke idem ndifiọk nte ke Jehovah okosụk adada Moses anam n̄kpọ, okposụkedi Moses ekekerede ke imọ idotke ndinam utom oro ẹkedọn̄de imọ? (Ex. 6:12, 30; Luke 21:13-15)

3. Kot Exodus 7:1-13.

   1. Ke ini Moses ye Aaron ẹketịn̄de ubiereikpe Jehovah uko uko ẹnọ Pharaoh, nso uwụtn̄kpọ ke mmọ ẹkenịm ẹnọ mme asan̄autom Abasi mfịn? (Ex. 7:2, 3, 6; Utom 4:29-31)

   2. Didie ke Jehovah okowụt ke imokpon ikan mme abasi Egypt? (Ex. 7:12; 1 Chron. 29:12)

Mbụk 32

Mme Ufen 10 Oro

1. Ke adade mme ndise oro ẹwụtde mi, tịn̄ ban̄a akpa ufen ita oro Jehovah ọkọnọde Egypt.

2. Didie ke akpa ufen ita emi ẹkekpụhọde ye mme ufen eken?

3. Nso ikedi ọyọhọ ufen inan̄, ition, ye itiokiet?

4. Tịn̄ ban̄a ọyọhọ ufen itiaba, itiaita, ye usụkkiet.

5. Nso ke Jehovah ọkọdọhọ nditọ Israel ẹnam mbemiso ọyọhọ ufen duop?

6. Nso ikedi ọyọhọ ufen duop, ndien nso iketịbe ke oro ebede?

Mme mbụme efen:

1. Kot Exodus 7:19–8:23.

   1. Okposụkedi mbiaidiọn̄ Egypt ẹkekemede ndinam ukem akpa ufen iba oro Jehovah ọkọnọde Egypt, nso ke mmọ ẹkenyịme ke ọyọhọ ufen ita ama ekebe? (Ex. 8:18, 19; Matt. 12:24-28)

   2. Didie ke ọyọhọ ufen inan̄ okowụt ke Jehovah enyene ukeme ndikpeme ikọt esie, ndien emi anam ikọt Abasi ẹkere nso nte mmọ ẹsakde iso ẹse “akwa ukụt” emi ẹkebemde iso ẹtịn̄ ẹban̄a”? (Ex. 8:22, 23; Edi. 7:13, 14; 2 Chron. 16:9)

2. Kot Exodus 8:24; 9:3, 6, 10, 11, 14, 16, 23-25; ye 10:13-15, 21-23.

   1. Ewe otu iba ke Mme Ufen Duop Oro akayarade, ndien didie ke emi otụk nte nnyịn isede otu iba emi mfịn? (Ex. 8:10, 18, 19; 9:14)

   2. Didie ke Exodus 9:16 an̄wam nnyịn ndifiọk ntak emi Jehovah ayakde Satan odu tutu esịm emi? (Rome 9:21, 22)

3. Kot Exodus 12:21-32.

   Didie ke Passover akanam ediwak owo ẹkeme ndinyene edinyan̄a, ndien nso ke Passover oro akada aban̄a? (Ex. 12:21-23; John 1:29; Rome 5:18, 19, 21; 1 Cor. 5:7)

Mbụk 33

Ndibe Ididuot Inyan̄

1. Iren nditọ Isreal ifan̄, ọkọrọ ye iban ye nditọwọn̄ ẹkekpọn̄ Egypt, ndien mmanie ẹketiene mmọ ẹkpọn̄?

2. Eketie Pharaoh didie ke idem ke enye ama akayak nditọ Israel ẹnyọn̄ọ, ndien nso ke enye akanam?

3. Nso ke Jehovah akanam man akpan mbon Egypt ndin̄wana ye ikọt esie?

4. Nso iketịbe ke ini Moses akanyande esan̄ esie ke Ididuot Inyan̄, ndien nso ke nditọ Israel ẹkenam?

5. Nso iketịbe ke ini mbon Egypt ẹkefen̄ede ẹdụk inyan̄ ẹbịne nditọ Israel?

6. Didie ke nditọ Israel ẹkewụt ke mmimọ imenem esịt inyụn̄ itoro Jehovah ke mmimọ ndibọhọ?

Mme mbụme efen:

1. Kot Exodus 12:33-36.

   Didie ke Jehovah okokụt ke ẹkpe ikọt imọ utịp ke ofụri isua oro mmọ ẹkedụkde ufụn ẹnọ nditọ Egypt? (Ex. 3:21, 22; 12:35, 36)

2. Kot Exodus 14:1-31.

   Didie ke mme ikọ Moses oro ẹwetde ke Exodus 14:13, 14 ẹtụk ikọt Jehovah mfịn nte mmọ ẹsakde iso ẹse ekọn̄ Armageddon? (2 Chron. 20:17; Ps. 91:8)

3. Kot Exodus 15:1-8, 20, 21.

   1. Ntak emi mme asan̄autom Jehovah ẹkpedade ikwọ ẹtoro enye? (Ex. 15:1, 2; Ps. 105:2, 3; Edi. 15:3, 4)

   2. Nso uwụtn̄kpọ editoro Jehovah ke Miriam ye iban eken emi ẹkebede Ididuot Inyan̄ ẹkenịm ẹnọ iban Christian mfịn? (Ex. 15:20, 21; Ps. 68:11)

Mbụk 34

Obufa Orụk Udia

1. Ke ndise emi, nso ke mme owo emi ẹtan̄ ke isọn̄, ndien ẹkot enye didie?

2. Nso item ke Moses ọnọ mme owo ke nte ẹkpetan̄de manna oro?

3. Nso ke Jehovah ọdọhọ mmọ ẹnam ke ọyọhọ usen itiokiet, ndien ntak-a?

4. Nso utịben̄kpọ ke Jehovah anam ke ini ẹsụhọde manna oro ẹnọ ọyọhọ usen itiaba?

5. Isua ifan̄ ke Jehovah ada manna ọbọk mmọ?

Mme mbụme efen:

1. Kot Exodus 16:1-36 ye Numbers 11:7-9.

   1. Didie ke Exodus 16:8 owụt ufọn edikpono mbon oro ẹmekde ke ndausụn̄ ukara Abasi ke esop Christian? (Heb. 13:17)

   2. Ke wilderness, didie ke ẹkesiti nditọ Israel ke usen ke usen ndiberi edem ke Jehovah? (Ex. 16:14-16, 35; Deut. 8:2, 3)

   3. Nso ke Jesus ekemen odomo ye manna, ndien didie ke nnyịn ibọ ufọn ito “uyo eke otode ke heaven”? (John 6:31-35, 40)

2. Kot Joshua 5:10-12.

   Isua ifan̄ ke nditọ Israel ẹkedia manna, didie ke emi okodomo mmọ, ndien nso ke nnyịn ikeme ndikpep nto mbụk emi? (Ex. 16:35; Num. 11:4-6; 1 Cor. 10:10, 11)

Mbụk 35

Jehovah Ọnọ Mme Ibet Esie

1. M̀mọ̀n̄ ke nditọ Israel ẹnam nna n̄kpọ nte ọfiọn̄ iba ke mmọ ẹma ẹkekpọn̄ Egypt?

2. Nso ke Jehovah ọdọhọ mmọ ẹnam, ndien didie ke mmọ ẹbọrọ?

3. Ntak emi Jehovah ọnọde Moses n̄kpakpana itiat iba?

4. Ke adianade ye Ibet Duop oro, nso mme ibet efen ke Jehovah ọkọnọ nditọ Israel?

5. Mme ibet iba ewe ke Jesus Christ ọkọdọhọ ke ẹdi n̄kponn̄kan?

Mme mbụme efen:

1. Kot Exodus 19:1-25; 20:1-21; 24:12-18; ye 31:18.

   Didie ke mme ikọ oro ẹwetde ke Exodus 19:8 ẹn̄wam nnyịn ndifiọk se ibuanade ke Christian ndiyak idem nnọ? (Matt. 16:24; 1 Pet. 4:1-3)

2. Kot Deuteronomy 6:4-6; Leviticus 19:18; ye Matthew 22:36-40.

   Didie ke mme Christian ẹwụt ke imama Abasi ye mbọhọidụn̄? (Mark 6:34; Utom 4:20; Rome 15:2)

Mbụk 36

Eyen Enan̄ O-Gold

1. Nso ke mme owo ke ndise emi ẹnam, ndien ntak-a?

2. Ntak emi Jehovah ayatde esịt-e, ndien nso ke Moses anam ke ini enye okụtde se mme owo ẹnamde?

3. Nso ke Moses ọdọhọ ndusụk irenowo ẹnam?

4. Nso ke nnyịn ikpekpep ito mbụk emi?

Mme mbụme efen:

1. Kot Exodus 32:1-35.

   1. Didie ke mbụk emi owụt nte Jehovah esede edibuak nsunsu ido ukpono ye utuakibuot akpanikọ? (Ex. 32:4-6, 10; 1 Cor. 10:7, 11)

   2. Didie ke mme Christian ẹkpekpeme idem ke mme edinam unọ idem inemesịt, utọ nte ikwọ m̀mê unek oro mmọ ẹmekde? (Ex. 32:18, 19; Eph. 5:15, 16; 1 John 2:15-17)

   3. Didie ke esien Levi ẹkenịm eti uwụtn̄kpọ ke ndisọn̄ọ nda nnọ edinen ido? (Ex. 32:25-28; Ps. 18:25, NW)

Mbụk 37

Ataya Utuak Ibuot

1. Ẹkot didie ufọk emi ke ndise emi, ndien nso ke ẹsinam do?

2. Ntak oro Jehovah ọkọdọhọde Moses ọbọp ataya emi ke usụn̄ oro ememde ndikpọk enye n̄kama?

3. Nso ekebe idi emi ke ekpri ubet oro odude ke mben ataya, ndien nso isịne ke ekebe emi?

4. Anie ke Jehovah emek nte akwa oku, ndien nso ke akwa oku esinam?

5. Siak n̄kpọ ita emi ẹdude ke akamba ubet ataya oro.

6. Nso n̄kpọ iba idu ke okụre ataya oro, ndien ẹsida mmọ ẹnam nso?

Mme mbụme efen:

1. Kot Exodus 25:8-40; 26:1-37; 27:1-8; ye 28:1.

   Nso ke mme cherub oro ẹdorode ke “ekebe n̄kpọ-ntiense” ẹkeda ẹban̄a? (Ex. 25:20, 22; Num. 7:89; 2 Ndi. 19:15)

2. Kot Exodus 30:1-10, 17-21; 34:1, 2; ye Mme Hebrew 9:1-5.

   1. Ntak emi Jehovah ọkọsọn̄ọde ọdọhọ mme oku emi ẹkenamde utom ke efe esop ete ke oyom mmọ ẹsana idem-e, ndien didie ke emi ekpebehe nnyịn mfịn? (Ex. 30:18-21; 40:30, 31; Heb. 10:22)

   2. Didie ke apostle Paul owụt ke ataya ye Ibet ediomi ikenyeneke aba ufọn ke ini enye ekewetde leta esie ọnọ mme Christian ẹdide mme Hebrew? (Heb. 9:1, 9; 10:1)

Mbụk 38

Mbon Uyep 12

1. Nso ke afo okụt ke etuek grape oro odude ke ndise emi, ndien ẹkeda enye ẹto m̀mọ̀n̄?

2. Ntak emi Moses ọdọn̄de mbon uyep 12 ẹka isọn̄ Canaan?

3. Nso ke mbon uyep duop ẹtịn̄ ẹnọ Moses?

4. Didie ke mbon uyep iba ẹwụt mbuọtidem ke Jehovah, ndien mmọ ẹkere didie?

5. Ntak emi Jehovah ayatde esịt-e, ndien nso ke enye ọdọhọ Moses?

Mme mbụme efen:

1. Kot Numbers 13:1-33.

   1. Mmanie ke ẹkemek ndikeyep isọn̄ oro, ndien nso akwa ifet ke mmọ ẹkenyene? (Num. 13:2, 3, 18-20)

   2. Ntak emi ekikere Joshua ye Caleb ẹkekpụhọrede ye eke mbon uyep eken, ndien nso ke emi ekpep nnyịn? (Num. 13:28-30; Matt. 17:20; 2 Cor. 5:7)

2. Kot Numbers 14:1-38.

   1. Nso ntọt aban̄ade edisụk mbon oro Jehovah emekde ke isọn̄ uyo ke nnyịn ikpokop? (Num. 14:2, 3, 27; Matt. 25:40, 45; 1 Cor. 10:10)

   2. Didie ke Numbers 14:24 owụt ke Jehovah enyene ọkpọkpọ udọn̄ ke idem asan̄autom esie kiet kiet? (1 Ndi. 19:18; N̄ke 15:3)

Mbụk 39

Esan̄ Aaron Ọkọri Frawa

1. Mmanie ẹsọn̄ ibuot ye odudu ukara Moses ye Aaron ndien nso ke mmọ ẹtịn̄ ye Moses?

2. Nso ke Moses ọdọhọ Korah ye mme anditiene enye 250 ẹnam?

3. Nso ke Moses ọdọhọ mme owo, ndien nso itịbe ke ndondo oro enye etrede ikọ esie?

4. Nso itịbe inọ Korah ye nsan̄a esie 250?

5. Nso ke Eleazar, eyen Aaron, anam ye n̄kpọ ukama ikan̄ mmọ oro ẹkpade, ndien ntak-a?

6. Ntak emi Jehovah akanamde esan̄ Aaron ọkọri frawa? (Se ndise.)

Mme mbụme efen:

1. Kot Numbers 16:1-49.

   1. Nso ke Korah ye nsan̄a esie ẹkenam, ndien ntak emi ekedide edisọn̄ ibuot ye Jehovah? (Num. 16:9, 10, 18; Lev. 10:1, 2; N̄ke 11:2)

   2. Nso ukwan̄ ekikere ke Korah ye “ikpọ owo esop” 250 ẹkenyene? (Num. 16:1-3; N̄ke 15:33; Isa. 49:7)

2. Kot Numbers 17:1-11 ye 26:10.

   1. Nso ke esan̄ Aaron ndikọri frawa okowụt, ndien ntak emi Jehovah ọkọdọhọde ẹsịn enye ke ekebe ediomi? (Num. 17:5, 8, 10)

   2. Nso akpan n̄kpọ ke nnyịn ikeme ndikpep nto idiọn̄ọ oro esan̄ Aaron ekenyenede? (Num. 17:10; Utom 20:28; Phil. 2:14; Heb. 13:17)

Mbụk 40

Moses Amia Itiat

1. Didie ke Jehovah ese aban̄a nditọ Israel ke ini mmọ ẹdude ke wilderness?

2. Nso ke nditọ Israel ẹseme ẹban̄a ke ini ẹnamde nna ke Kadesh?

3. Didie ke Jehovah ọnọ mme owo ye unam, mmọn̄?

4. Ke ndise emi, anie owụk ubọk ke esịt esie, ndien ntak emi enye anamde ntre?

5. Ntak emi Jehovah ayatde esịt ye Moses ye Aaron, ndien didie ke ẹnọ mmọ ufen?

6. Nso itịbe ke Obot Hor, ndien anie akabade edi akwa oku ke Israel?

Mme mbụme efen:

1. Kot Numbers 20:1-13, 22-29 ye Deuteronomy 29:5.

   1. Nso ke nnyịn ikpep ito usụn̄ oro Jehovah ekesede aban̄a nditọ Israel ke wilderness? (Deut. 29:5; Matt. 6:31; Heb. 13:5; Jas. 1:17)

   2. Didie ke Jehovah ekese Moses ye Aaron ke ini mmọ ẹkekpude ndikpono enye ke iso nditọ Israel? (Num. 20:12; 1 Cor. 10:12; Edi. 4:11)

   3. Nso ke ikeme ndikpep nto usụn̄ nte Moses akanamde n̄kpọ aban̄a ntụnọ oro Jehovah ọkọnọde enye? (Num. 12:3; 20:12, 27, 28; Deut. 32:4; Heb. 12:7-11)

Mbụk 41

Urụkikọt Okpoho

1. Ke ndise emi, nso ke ẹwan̄ oro ke eto, ndien ntak emi Jehovah ọkọdọhọde Moses awan̄ enye ke eto oro?

2. Didie ke mme owo ẹnana esịtekọm ẹban̄a kpukpru se Abasi anamde ọnọ mmọ?

3. Nso ke mme owo ẹdọhọ Moses anam ke Jehovah ama ọkọdọn̄ urụkikọt ọkọnọ mmọ ufen?

4. Ntak emi Jehovah ọdọhọde Moses anam urụkikọt okpoho?

5. Nso ke nnyịn ikeme ndikpep nto mbụk emi?

Mme mbụme efen:

1. Kot Numbers 21:4-9.

   1. Nso ke ikpep ito eseme oro nditọ Israel ẹkesemede ẹban̄a mme n̄kpọ oro Jehovah ọkọnọde? (Num. 21:5, 6; Rome 2:4)

   2. Ke ediwak isua ikie ke ukperedem, didie ke nditọ Israel ẹkeda urụkikọt okpoho ẹnam n̄kpọ, ndien nso ke Edidem Hezekiah akanam? (Num. 21:9; 2 Ndi. 18:1-4)

2. Kot John 3:14, 15.

   Didie ke edikọn̄ urụkikọt okpoho ke anyan eto ekenen̄ede ada aban̄a ediwot Jesus Christ ke eto? (Gal. 3:13; 1 Pet. 2:24)

Mbụk 42

Ass Etịn̄ Ikọ

1. Anie edi Balak, ndien ntak emi enye ọdọn̄de ẹkekot Balaam?

2. Ntak emi ass Balaam ọduọde ana ke usụn̄?

3. Nso ke Balaam okop nte ass etịn̄de?

4. Nso ke angel etịn̄ ye Balaam?

5. Nso itịbe ke ini Balaam odomode ndisụn̄i Israel?

Mme mbụme efen:

1. Kot Numbers 21:21-35.

   Ntak emi Israel ẹkekande Edidem Sihon eke Amorite ye Edidem Og eke Bashan? (Num. 21:21, 23, 33, 34)

2. Kot Numbers 22:1-40.

   Nso ikedi uduak Balaam ke ini enye okodomode ndisụn̄i Israel, ndien nso ke ikeme ndikpep nto emi? (Num. 22:16, 17; N̄ke 6:16, 18; 2 Pet. 2:15; Jude 11)

3. Kot Numbers 23:1-30.

   Okposụkedi Balaam eketịn̄de ikọ nte andikpono Jehovah, didie ke mme edinam esie ẹkewụt ke enye ikokponoke Jehovah? (Num. 23:3, 11-14; 1 Sam. 15:22)

4. Kot Numbers 24:1-25.

   Didie ke mbụk Bible emi ọsọn̄ọ mbuọtidem nnyịn ke edisu uduak Jehovah? (Num. 24:10; Isa. 54:17)

Mbụk 43

Joshua Akabade Edi Etubom

1. Mmanie ẹda ye Moses ke ndise emi?

2. Nso ke Jehovah ọdọhọ Joshua?

3. Ntak emi Moses ọdọkde aka ata enyọn̄ Obot Nebo, ndien nso ke Jehovah ọdọhọ enye?

4. Moses edi isua ifan̄ ke ini enye akpade?

5. Ntak emi mme owo ẹfụhọde, edi nso ntak ke mmọ ẹnyene ndinem esịt?

Mme mbụme efen:

1. Kot Numbers 27:12-23.

   Ewe ndodobi utom ke Jehovah ọkọnọ Joshua, ndien didie ke Jehovah esise aban̄a ikọt Esie mfịn? (Num. 27:15-19; Utom 20:28; Heb. 13:7)

2. Kot Deuteronomy 3:23-29.

   Ntak emi Jehovah mîkayakke Moses ye Aaron ẹbe ẹdụk isọn̄ un̄wọn̄ọ, ndien nso ke nnyịn ikeme ndikpep nto emi? (Deut. 3:25-27; Num. 20:12, 13)

3. Kot Deuteronomy 31:1-8, 14-23.

   Didie ke ikọ unyọn̄ Moses owụt ke enye ama osụhọde idem ọbọ ntụnọ Jehovah? (Deut. 31:6-8, 23)

4. Kot Deuteronomy 32:45-52.

   Didie ke Ikọ Abasi okpotụk uwem nnyịn? (Deut. 32:47; Lev. 18:5; Heb. 4:12)

5. Kot Deuteronomy 34:1-12.

   Okposụkedi Moses mîkekwe Jehovah iso ye iso, nso ke Deuteronomy 34:10 owụt aban̄a itie ebuana esie ye Jehovah? (Ex. 33:11, 20; Num. 12:8)

Mbụk 44

Rahab Odịp Mbon Uyep

1. Rahab odụn̄ ke m̀mọ̀n̄?

2. Iren iba emi ẹdude ke ndise emi ẹdi mmanie, ndien ntak emi mmọ ẹdude ke Jericho?

3. Nso ke edidem Jericho owụk Rahab anam, ndien nso ke enye ọkọbọrọ?

4. Didie ke Rahab an̄wam iren iba oro, ndien nso ke enye eben̄e mmọ?

5. Nso un̄wọn̄ọ ke mbon uyep iba oro ẹkenam ẹnọ Rahab?

Mme mbụme efen:

1. Kot Joshua 2:1-24.

   Didie ke un̄wọn̄ọ Jehovah oro ẹwetde ke Exodus 23:28 okosu ke ini nditọ Israel ẹken̄wanade ye Jericho? (Josh. 2:9-11)

2. Kot Mme Hebrew 11:31.

   Didie ke uwụtn̄kpọ Rahab owụt nte mbuọtidem edide akpan n̄kpọ? (Rome 1:17; Heb. 10:39; Jas. 2:25)

Mbụk 45

Ndibe Akpa Jordan

1. Nso utịben̄kpọ ke Jehovah anam man nditọ Israel ẹkeme ndibe Akpa Jordan?

2. Nso edinam mbuọtidem ke nditọ Israel ẹnyene ndinam man ẹbe Akpa Jordan?

3. Ntak emi Jehovah ọdọhọde Joshua atan̄ ikpọ itiat 12 ke isọn̄ akpa oro?

4. Nso itịbe ke ndondo oro mme oku ẹsan̄ade ẹwọrọ ke Jordan?

Mme mbụme efen:

1. Kot Joshua 3:1-17.

   1. Nte ẹnamde an̄wan̄a ke mbụk emi, nso ke oyom nnyịn inam man Jehovah ọdiọn̄ onyụn̄ an̄wam nnyịn? (Josh. 3:13, 15; N̄ke 3:5; Jas. 2:22, 26)

   2. Nso iketịbe inọ Akpa Jordan ke ini nditọ Israel ẹkesan̄ade ẹbe ẹdụk Isọn̄ Unwọn̄ọ, ndien didie ke emi ọkọnọ enyịn̄ Jehovah ubọn̄? (Josh. 3:15; 4:18; Ps. 66:5-7)

2. Kot Joshua 4:1-18.

   Ntak emi ẹkebokde itiat 12 oro ẹketan̄de ke Jordan ke Gilgal? (Josh. 4:4-7)

Mbụk 46

Mme Ibibene Jericho

1. Nso ke Jehovah ọdọhọ mbon ekọn̄ ye mme oku ẹnam ke usen itiokiet?

2. Nso ke iren oro ẹnyene ndinam ke ọyọhọ usen itiaba?

3. Nte afo okụtde ke ndise emi, nso itịbe inọ mme ibibene Jericho?

4. Ntak ẹkọn̄de ididuot urụk ke window?

5. Nso ke Joshua ọdọhọ mbon ekọn̄ ẹnam mme owo ye obio oro, edi nso kaban̄a silver, gold, copper, ye ukwak?

6. Nso ke ẹdọhọ mbon uyep iba oro ẹnam?

Mme mbụme efen:

1. Kot Joshua 6:1-25.

   1. Didie ke isan̄ oro nditọ Israel ẹkesan̄ade ẹkanade Jericho ke ọyọhọ usen itiaba ebiet utom ukwọrọikọ oro Mme Ntiense Jehovah ẹnamde ke mme akpatre usen emi? (Josh. 6:15, 16; Isa. 60:22; Matt. 24:14; 1 Cor. 9:16)

   2. Didie ke ntịn̄nnịm ikọ oro ẹwetde ke Joshua 6:26 okosu ke n̄kpọ isua 500 ke ukperedem, ndien nso ke emi ekpep nnyịn aban̄a ikọ Jehovah? (1 Ndi. 16:34; Isa. 55:11)

Mbụk 47

Inọ ke Israel

1. Ke ndise emi, anie edi owo emi obụkde mme inyene ẹdade ẹto Jericho ke isọn̄, ndien mmanie ẹn̄wam enye?

2. Ntak emi edinam Achan ye ubon esie ẹnen̄erede ẹdiọk?

3. Nso ke Jehovah etịn̄ ke ini Joshua obụpde ntak ẹkekande nditọ Israel ke ekọn̄ ke Ai?

4. Ke ẹma ẹkeda Achan ye ubon esie ẹsọk Joshua, nso ke ẹnam mmọ?

5. Nso akpan n̄kpọ ke ubiereikpe Achan ekpep nnyịn?

Mme mbụme efen:

1. Kot Joshua 7:1-26.

   1. Nso ke akam Joshua owụt aban̄a itie ebuana esie ye Andibot enye? (Josh. 7:7-9; Ps. 119:145; 1 John 5:14)

   2. Nso ke n̄kpọntịbe Achan owụt, ndien nso ke nnyịn ikpep ito emi? (Josh. 7:11, 14, 15; N̄ke 15:3; 1 Tim. 5:24; Heb. 4:13)

2. Kot Joshua 8:1-29.

   Nso mbiomo ke nnyịn owo kiet kiet inyene ke esop Christian mfịn? (Josh. 7:13; Lev. 5:1; N̄ke 28:13)

Mbụk 48

Mbon Ọniọn̄ Nditọ Gibeon

1. Didie ke mbon Gibeon ẹkpụhọde ye mbon Canaan emi ẹdude ke mme n̄kpet n̄kpet obio?

2. Nte ẹwụtde ke ndise emi, nso ke mbon Gibeon ẹnam, ndien ntak-a?

3. Nso ke Joshua ye mbọn̄ Israel ẹn̄wọn̄ọ ndinam nnọ mbon Gibeon, edi nso ke mmọ ẹdifiọk ke usen ita ẹbede?

4. Nso itịbe ke ini ndidem obio eken ẹkopde ke mbon Gibeon ẹnam emem ye Israel?

Mme mbụme efen:

1. Kot Joshua 9:1-27.

   1. Sia Jehovah eketemede nditọ Israel ete ‘ẹsobo kpukpru mme andidụn̄ isọn̄ oro,’ nso ke enye ndinịm mbon Gibeon uwem okowụt? (Josh. 9:22, 24; Matt. 9:13; Utom 10:34, 35; 2 Pet. 3:9)

   2. Ke ndisọn̄ọ nda ye ediomi emi enye akanamde ye mbon Gibeon, didie ke Joshua ekenịm eti uwụtn̄kpọ ọnọ mme Christian mfịn? (Josh. 9:18, 19; Matt. 5:37; Eph. 4:25)

2. Kot Joshua 10:1-5.

   Didie ke akwa otuowo mfịn ẹkpebe uwụtn̄kpọ mbon Gibeon, ntem ẹkabarede edi iso en̄wan anie? (Josh. 10:4; Zech. 8:23; Matt. 25:35-40; Edi. 12:17)

Mbụk 49

Utịn Atuak Ada

1. Nso ke Joshua etịn̄ ke ndise emi, ndien ntak-a?

2. Didie ke Jehovah an̄wam Joshua ye mbonekọn̄ esie?

3. Ndiọi ndidem ifan̄ ke Joshua akan, ndien ada enye isua ífan̄?

4. Ntak emi Joshua abaharede isọn̄ Canaan?

5. Joshua edi isua ifan̄ ke ini enye akpade, ndien nso itịbe inọ mme owo ke enye ama akakpa?

Mme mbụme efen:

1. Kot Joshua 10:6-15.

   Nnyịn ndifiọk ke Jehovah ama anam utịn ye ọfiọn̄ ẹtuak ẹda ẹnọ Israel anam nnyịn inyene nso mbuọtidem mfịn? (Josh. 10:8, 10, 12, 13; Ps. 18:3; N̄ke 18:10)

2. Kot Joshua 12:7-24.

   Anie ekenen̄ede anam ẹkan ndidem 31 ke Canaan, ndien ntak emi edide akpan n̄kpọ ọnọ nnyịn mfịn? (Josh. 12:7; 24:11-13; Deut. 31:8; Luke 21:9, 25-28)

3. Kot Joshua 14:1-5.

   Didie ke ẹkebahade isọn̄ ẹnọ mme esien Israel, ndien nso ke emi owụt aban̄a udeme emi ẹdinyenede ke Paradise? (Josh. 14:2; Isa. 65:21; Ezek. 47:21-23; 1 Cor. 14:33)

4. Kot Judges 2:8-13.

   Like Joshua in Israel, who today act as a restraint against apostasy? (Judg. 2:8, 10, 11; Matt. 24:45-47; 2 Thess. 2:3-6; Titus 1:7-9; Edi. 1:1; 2:1, 2)

Mbụk 50

Iban Uko Iba

1. Mmanie ẹdi mme ebiereikpe, ndien ndusụk mmọ ẹkere didie?

2. Nso akpan ifetutom ke Deborah enyene, ndien nso ke emi abuana?

3. Ke ini Edidem Jabin ye etubom ekọn̄ esie, Sisera, ẹdịghede Israel, nso etop emi otode Jehovah ke Deborah ọnọ Barak Ebiereikpe, ndien anie ke enye ọdọhọ ke edida ukpono?

4. Didie ke Jael owụt ke imọ idi n̄wan uko?

5. Nso itịbe ke Edidem Jabin akpade?

Mme mbụme efen:

1. Kot Judges 2:14-22.

   Didie ke nditọ Israel ẹkeyat Jehovah esịt, ndien nso ke nnyịn ikeme ndikpep nto emi? (Judg. 2:20; N̄ke 3:1, 2; Ezek. 18:21-23)

2. Kot Judges 4:1-24.

   Nso ukpepn̄kpọ mbuọtidem ye uko ke iban Christian ẹkeme ndikpep mfịn nto uwụtn̄kpọ Deborah ye Jael? (Judg. 4:4, 8, 9, 14, 21, 22; N̄ke 31:30; 1 Cor. 16:13)

3. Kot Judges 5:1-31.

   Didie ke ẹkeme ndida ikwọ edikan Barak ye Deborah mbọn̄ akam mban̄a ekọn̄ Har–Magedon emi edide? (Judg. 5:3, 31; 1 Chron. 16:8-10; Edi. 7:9, 10; 16:16; 19:19-21)

Mbụk 51

Ruth ye Naomi

1. Naomi asan̄a didie edidu ke idụt Moab?

2. Ruth ye Orpah ẹdi mmanie?

3. Didie ke Ruth ye Orpah ẹnam n̄kpọ ke ini Naomi ọdọhọde mmọ ẹfiak ẹnyọn̄ ẹbịne ikọt mmọ?

4. Anie edi Boaz, ndien didie ke enye an̄wam Ruth ye Naomi?

5. Eyen emi amanade ọnọ Boaz ye Ruth ekere didie, ndien ntak nnyịn ikpetide enye?

Mme mbụme efen:

1. Kot Ruth 1:1-17.

   1. Nso inem inem ikọ ima nsọn̄ọnda ke Ruth etịn̄? (Ruth 1:16, 17)

   2. Didie ke idaha ekikere Ruth enen̄ede owụt ekikere oro “mme erọn̄ en̄wen” ẹnyenede ẹban̄a mbon oro ẹyetde aran ke isọn̄ mfịn? (John 10:16; Zech. 8:23)

2. Kot Ruth 2:1-23.

   Didie ke Ruth enịm eti uwụtn̄kpọ ọnọ mme n̄kaiferi mfịn? (Ruth 2:17, 18; N̄ke 23:22; 31:15)

3. Kot Ruth 3:5-13.

   1. Didie ke Boaz ekese Ruth ndinyịme ndidọ imọ utu ke ndidọ akparawa?

   2. Nso ke edu Ruth ekpep nnyịn aban̄a ima nsọn̄ọnda? (Ruth 3:10; 1 Cor. 13:4, 5)

4. Kot Ruth 4:7-17.

   Didie ke iren Christian mfịn ẹkpekpebe Boaz? (Ruth 4:9, 10; 1 Tim. 3:1, 12, 13; 5:8)

Mbụk 52

Gideon ye Mme Owo 300 Esie

1. Didie, ndien ntak emi nditọ Israel ẹdụkde ekese afanikọn̄?

2. Ntak emi Jehovah ọdọhọde Gideon ke enye enyene mme owo awak akaha ke udịmekọn̄ esie?

3. Owo ifan̄ isụhọ ke Gideon ama ọkọdọhọ mbon ndịk ẹnyọn̄ọ ufọk?

4. Da ndise emi nam an̄wan̄a nte Jehovah osụhọrede ibat udịmekọn̄ Gideon ekesịm owo 300 kpọt.

5. Didie ke Gideon etịm owo 300 esie, ndien didie ke Israel ẹkan ke ekọn̄ oro?

Mme mbụme efen:

1. Kot Judges 6:36-40.

   1. Didie ke Gideon ọkọfiọk se uduak Jehovah edide?

   2. Didie ke nnyịn ikeme ndifiọk se uduak Jehovah edide mfịn? (N̄ke 2:3-6; Matt. 7:7-11; 2 Tim. 3:16, 17)

2. Kot Judges 7:1-25.

   1. Nso ke nnyịn ikeme ndikpep nto owo 300 emi ẹkedude ke ukpeme ye mbon oro mîkodụhe ke ukpeme? (Judg. 7:3, 6; Rome 13:11, 12; Eph. 5:15-17)

   2. Ukem nte owo 300 oro ẹkesede, ẹnyụn̄ ẹnamde kpa nte Gideon akanamde, didie ke nnyịn ikpebe Jesus Christ, kpa Akamba Gideon? (Judg. 7:17; Matt. 11:29, 30; 28:19, 20; 1 Pet. 2:21)

   3. Didie ke Judges 7:21 an̄wam nnyịn ndiyụhọ ye utom ekededi oro ẹnọde nnyịn ke esop Jehovah? (1 Cor. 4:2; 12:14-18; Jas. 4:10)

3. Kot Judges 8:1-3.

   Nso ke ikeme ndikpep nto usụn̄ oro Gideon ekebierede utọk ye mbon Ephraim ke ini iyomde ndibiere utọk ye nditọete nnyịn? (N̄ke 15:1; Matt. 5:23, 24; Luke 9:48)

Mbụk 53

Un̄wọn̄ọ Jephthah

1. Anie edi Jephthah, ndien enye okodu ke ini ewe?

2. Nso ke Jephthah ọn̄wọn̄ọ ndinam nnọ Jehovah?

3. Ntak emi Jephthah ofụhọde ke ini ọnyọn̄de ke ama akakan mbon Ammon?

4. Nso ke adiaha Jephthah etịn̄ ke ọfiọkde aban̄a se ete esie ọkọn̄wọn̄ọde?

5. Ntak emi mme owo ẹmade adiaha Jephthah?

Mme mbụme efen:

1. Kot Judges 10:6-18.

   Nso ke nditọ Israel nditre ndinam akpanikọ nnọ Jehovah ekpekpep nnyịn? (Judg. 10:6, 15, 16; Rome 15:4; Edi. 2:10)

2. Kot Judges 11:1-11, 29-40.

   1. Nnyịn isan̄a didie ifiọk ke Jephthah ndinọ adiaha esie nte “edifọp uwa” ikọwọrọke ndifọp eyen esie ke ikan̄? (Judg. 11:31; Lev. 16:24; Deut. 18:10, 12)

   2. Ke nso usụn̄ ke Jephthah ọkọnọ adiaha esie nte uwa?

   3. Nso ke nnyịn ikeme ndikpep nto edu Jephthah kaban̄a un̄wọn̄ọ emi enye akanamde ọnọ Jehovah? (Judg. 11:35, 39; Eccl. 5:4, 5; Matt. 16:24)

   4. Nso eti uwụtn̄kpọ ke adiaha Jephthah enịm ọnọ mme uyen Christian ke ndinam utom uyọhọ ini nte ubọkọkọ? (Judg. 11:36; Matt. 6:33; Phil. 3:8)

Mbụk 54

Owo emi Okopde Odudu Akan

1. Owo emi okokopde odudu akan owo efen ekededi ekekere didie, ndien anie ọkọnọ enye odudu?

2. Nte ekemede ndikụt ke ndise emi, nso ke Samson anam akwa lion?

3. Nso ndịben̄kpọ ke Samson ayarade ọnọ Delilah ke ndise emi, ndien didie ke emi anam mme Philistine ẹmụm enye?

4. Didie ke Samson owot n̄kpọ nte mme Philistine 3,000 emi ẹdide mme asua ke usen n̄kpa esie?

Mme mbụme efen:

1. Kot Judges 13:1-14.

   Didie ke Manoah ye n̄wan esie ẹkenịm eti uwụtn̄kpọ ẹnọ mme ete ye eka ke ndibọk nditọ mmọ? (Judg. 13:8; Ps. 127:3; Eph. 6:4)

2. Kot Judges 14:5-9 ye 15:9-16.

   1. Nso ke mbụk aban̄ade Samson ndiwot lion, ndikịbi mbufa urụk oro ẹkedade ẹbọp enye, ye edikama mban̄ ass n̄wot owo 1,000 ayarade aban̄a odudu edisana spirit Jehovah?

   2. Didie ke edisana spirit esin̄wam nnyịn mfịn? (Judg. 14:6; 15:14; Zech. 4:6; Utom 4:31)

3. Kot Judges 16:18-31.

   Nso ke ndiọi nsan̄a ẹkenam Samson, ndien nso ke nnyịn ikeme ndikpep nto emi? (Judg. 16:18, 19; 1 Cor. 15:33)

Mbụk 55

Ekpri Eyeneren Anam N̄kpọ Abasi

1. Ekpri eyeneren oro ke ndise emi ekere didie, ndien mbon eken ẹdi mmanie?

2. Nso akam ke Hannah ọbọn̄ usen kiet ke ini enye akade ataya Jehovah, ndien didie ke Jehovah ọbọrọ akam esie?

3. Samuel edi isua ifan̄ ke ini ẹdade enye edi man edinam utom ke ataya Jehovah, ndien nso ke eka esie esinam ọnọ enye kpukpru isua?

4. Nditọ Eli ẹkere didie, ndien nso orụk owo ke mmọ ẹdi?

5. Didie ke Jehovah okot Samuel, ndien nso etop ke Enye ọnọ enye?

6. Nso ke Samuel akabade edi ke ini enye ọkọride, ndien nso itịbe ke ini enye ọsọn̄de?

Mme mbụme efen:

1. Kot 1 Samuel 1:1-28.

   1. Nso eti uwụtn̄kpọ ke Elkanah enịm ọnọ mme ibuot ufọk ke ndida usụn̄ ke utuakibuot akpanikọ? (1 Sam. 1:3, 21; Matt. 6:33; Phil. 1:10)

   2. Nso ke ikeme ndikpep nto uwụtn̄kpọ Hannah ke ini iyọde akamba mfịna? (1 Sam. 1:10, 11; Ps. 55:22; Rome 12:12)

2. Kot 1 Samuel 2:11-36.

   Didie ke Eli okokpono nditọ esie akan Jehovah, ndien nso ke ikeme ndikpep nto emi? (1 Sam. 2:22-24, 27, 29; Deut. 21:18-21; Matt. 10:36, 37)

3. Kot 1 Samuel 4:16-18.

   Ewe ndiọi etop inan̄ ke ẹkebọ ẹto udịmekọn̄, ndien didie ke emi okotụk Eli?

4. Kot 1 Samuel 8:4-9.

   Didie ke Israel akanam esịt enen̄ede ayat Jehovah, ndien didie ke nnyịn mfịn ikeme ndisọn̄ọ nda nnọ Obio Ubọn̄ esie ibetedem? (1 Sam. 8:5, 7; John 17:16; Jas. 4:4)

Mbụk 56

Saul—Akpa Edidem Israel

1. Nso ke Samuel anam ke ndise emi, ndien ntak-a?

2. Ntak emi Jehovah amade Saul, ndien nso orụk owo ke enye edi?

3. Eyen Saul ekere didie, ndien nso ke eyen oro anam?

4. Ntak emi Saul awade uwa utu ke ndibet Samuel ediwa?

5. Nso ke ikeme ndikpep nto mbụk Saul?

Mme mbụme efen:

1. Kot 1 Samuel 9:15-21 ye 10:17-27.

   Didie ke edu nsụkidem akan̄wam Saul ndifep ibụmede ibụmede edinam ke ini ndusụk owo ẹketịn̄de ikọ ke unana ukpono ye enye? (1 Sam. 9:21; 10:21, 22, 27; N̄ke 17:27)

2. Kot 1 Samuel 13:5-14.

   Nso idiọkn̄kpọ ke Saul akanam ke Gilgal? (1 Sam. 10:8; 13:8, 9, 13)

3. Kot 1 Samuel 15:1-35.

   1. Nso akwa idiọkn̄kpọ ke Saul akanam ke ebuana ye Agag, edidem Amalek? (1 Sam. 15:2, 3, 8, 9, 22)

   2. Didie ke Saul okodomo ndiwụt ke se ikanamde enen nnyụn̄ nduọhọ mbon en̄wen? (1 Sam. 15:24)

   3. Nso ntọt ke nnyịn ikpada isịn ke edinam mfịn ke ini ẹnọde nnyịn item? (1 Sam. 15:19-21; Ps. 141:5; N̄ke 9:8, 9; 11:2)

Mbụk 57

Abasi Emek David

1. Eyeneren oro odude ke ndise emi ekere didie, ndien nnyịn isan̄a didie ifiọk ke enye okop odudu?

2. David odụn̄ ke m̀mọ̀n̄, ndien ete ye ete ete esie ẹkere didie?

3. Ntak emi Jehovah ọdọhọde Samuel aka ufọk Jesse ke Bethlehem?

4. Nso itịbe ke ini Jesse adade nditọ iren esie itiaba ọsọk Samuel?

5. Nso ke Jehovah etịn̄ ọnọ Samuel ke ini ẹdade David ẹdi?

Mme mbụme efen:

1. Kot 1 Samuel 17:34, 35.

   Didie ke mme n̄kpọntịbe emi ẹsọn̄ọ uko ye nsọn̄ọnda emi David ekenyenede ke Jehovah? (1 Sam. 17:37)

2. Kot 1 Samuel 16:1-14.

   1. Didie ke mme ikọ Jehovah ke 1 Samuel 16:7 ẹn̄wam nnyịn nditre asari ye usua etiene nte owo etiede ke enyọn̄ idem? (Utom 10:34, 35; 1 Tim. 2:4)

   2. Didie ke uwụtn̄kpọ Saul owụt ke edieke Jehovah ọbọde owo edisana spirit esie, idiọk spirit m̀mê ekikere edinam idiọkn̄kpọ ekeme ndidụk owo emi esịt? (1 Sam. 16:14; Matt. 12:43-45; Gal. 5:16)

Mbụk 58

David ye Goliath

1. Nso ata ke Goliath amia ye udịmekọn̄ Israel?

2. Goliath okpon didie, ndien nso ke Edidem Saul ọn̄wọn̄ọ ndinọ owo emi ediwotde Goliath?

3. Nso ke David etịn̄ ke ini Saul ọdọhọde ke enye ikemeke ndin̄wana ye Goliath sia enye edide eyenọwọn̄?

4. Ke ibọrọ emi David ọnọde Goliath, didie ke enye owụt ke imeberi edem ye Jehovah?

5. Nte afo ekemede ndikụt ke ndise emi, nso ke David ada owot Goliath, ndien nso itịbe inọ mme Philistine ke emi ebede?

Mme mbụme efen:

1. Kot 1 Samuel 17:1-54.

   1. Nso ikanam David okûkop ndịk, ndien didie ke nnyịn ikeme ndikpebe uko esie? (1 Sam. 17:37, 45; Eph. 6:10, 11)

   2. Ntak emi mme Christian ẹkpefepde ẹdu umia mbuba nte eke Goliath ke ini ẹbrede mbre m̀mê ẹbuanade ke edinam ini nduọkodudu? (1 Sam. 17:8; Gal. 5:26; 1 Tim. 4:8)

   3. Didie ke mme ikọ David ẹwụt ke enye ama enyene mbuọtidem nte ke Abasi ayada ye imọ? (1 Sam. 17:45-47; 2 Chron. 20:15)

   4. Utu ke nditịn̄ mban̄a en̄wan emi otu mbon ekọn̄ iba ẹn̄wanade, didie ke mbụk emi owụt ke en̄wan emi ekenen̄ede edi ke ufọt nsunsu abasi ye Jehovah, kpa ata Abasi? (1 Sam. 17:43, 46, 47)

   5. Didie ke nsụhọ oro ẹyetde aran ẹkpebe uwụtn̄kpọ David ke ndibuọt idem ye Jehovah? (1 Sam. 17:37; Jer. 1:17-19; Edi. 12:17)

Mbụk 59

Ntak Anade David Efehe

1. Ntak emi Saul efịbede David, edi didie ke Jonathan eyen Saul okpụhọde?

2. Nso itịbe usen kiet ke ini David ebrede harp ọnọ Saul?

3. Nso ke Saul ọdọhọ David anam mbemiso ọdọde Michal eyen esie, ndien ntak Saul etịn̄de emi?

4. Ke ini David ebrede harp ọnọ Saul, nso itịbe ọyọhọ utịm ikata nte ndise emi owụtde?

5. Didie ke Michal anyan̄a David, ndien ọtọn̄ọde ke ini oro nso ke ana David anam ke isua itiaba?

Mme mbụme efen:

1. Kot 1 Samuel 18:1-30.

   1. Didie ke ọkpọsọn̄ ima oro Jonathan ekenyenede ọnọ David ada aban̄a ata ima oro odude ke ufọt “mme erọn̄ en̄wen” ye “ekpri otu erọn̄”? (1 Sam. 18:1; John 10:16; Luke 12:32; Zech. 8:23)

   2. Sia Jonathan ekpekedide adiakpa Saul, didie ke 1 Samuel 18:4 owụt ke Jonathan ama enen̄ede osụhọde idem ọnọ enye emi ẹkemekde nte edidem?

   3. Didie ke uwụtn̄kpọ Saul owụt ke ufụp ekeme ndida nsịm akwa idiọkn̄kpọ, ndien nso ke emi ekpep nnyịn? (1 Sam. 18:7-9, 25; Jas. 3:14-16)

2. Kot 1 Samuel 19:1-17.

   Didie ke Jonathan ekesịn uwem esie ke itiendịk ke ini enye okosobode Saul? (1 Sam. 19:1, 4-6; N̄ke 16:14)

Mbụk 60

Abigail ye David

1. N̄wan emi edide ndisobo ye David ke ndise emi ekere didie, ndien nso orụk owo ke enye edi?

2. Anie edi Nabal?

3. Ntak emi David ọdọn̄de ndusụk ikọt esie ẹkenam eben̄e ẹto Nabal?

4. Nso ke Nabal ọdọhọ ikọt David, ndien didie ke David anam n̄kpọ?

5. Didie ke Abigail owụt ke imọ idi n̄wan eti ibuot?

Mme mbụme efen:

1. Kot 1 Samuel 22:1-4.

   Didie ke ubon David ẹkenịm eti uwụtn̄kpọ ke nte ikpan̄wamde nditọete Christian nnyịn? (N̄ke 17:17; 1 Thess. 5:14)

2. Kot 1 Samuel 25:1-43.

   1. Ntak ẹtịn̄de ikọ ẹban̄a Nabal ke usụn̄ oro mîwụtke ukpono? (1 Sam. 25:2-5, 10, 14, 21, 25)

   2. Nso ke iban Christian mfịn ẹkeme ndikpep nto uwụtn̄kpọ Abigail? (1 Sam. 25:32, 33; N̄ke 31:26; Eph. 5:24)

   3. Ewe ndiọi n̄kpọ iba ke Abigail akakpan David? (1 Sam. 25:31, 33; Rome 12:19; Eph. 4:26)

   4. Didie ke usụn̄ oro David akanamde n̄kpọ aban̄a ikọ Abigail an̄wam iren mfịn ndise iban nte Jehovah esede? (Utom 21:8, 9; Rome 2:11; 1 Pet. 3:7)

Mbụk 61

Ẹnam David Edidem

1. Nso ke David ye Abishai ẹkenam ke ini Saul edede ke nna esie?

2. Mme mbụme ewe ke David obụp Saul?

3. Ke ama ọkọkpọn̄ Saul, David akaka m̀mọ̀n̄?

4. Nso inam David otịm ofụhọ tutu enye ewet edinem ikwọ?

5. David edi isua ifan̄ ke ini ẹnamde enye edidem ke Hebron, ndien ndusụk nditọ iren esie ẹkere didie?

6. Nte ini akade, m̀mọ̀n̄ ke David akakara nte edidem?

Mme mbụme efen:

1. Kot 1 Samuel 26:1-25.

   1. Ikọ David oro ẹwetde ke 1 Samuel 26:11 owụt ke enye ekese didie ndutịm ukara Abasi? (Ps. 37:7; Rome 13:2)

   2. Ke ini isịnde ifịk iwụt mme owo ima-mfọnido, edi mmọ iwụtke esịtekọm iban̄a emi, didie ke ikọ David oro ẹkụtde ke 1 Samuel 26:23 ekeme ndin̄wam nnyịn ndinyene nnennen idaha ekikere? (1 Ndi. 8:32; Ps. 18:20)

2. Kot 2 Samuel 1:26.

   Didie ke mme Christian mfịn ẹkeme ndinyene ukem ‘ufiop ufiop ima nnọ kiet eken’ ukem nte David ye Jonathan ẹkenyenede? (1 Pet. 4:8; Col. 3:14; 1 John 4:12)

3. Kot 2 Samuel 5:1-10.

   1. Isua ifan̄ ke David akakara nte edidem, ndien didie ke ẹbahade mme isua emi? (2 Sam. 5:4, 5)

   2. Nso ikanam David ọwọrọ etop, ndien didie ke emi edi n̄kpọ editi ọnọ nnyịn mfịn? (2 Sam. 5:10; 1 Sam. 16:13; 1 Cor. 1:31; Phil. 4:13)

Mbụk 62

Afanikọn̄ ke Ufọk David

1. Ye un̄wam Jehovah, nso itịbe inọ isọn̄ Canaan ke akpatre?

2. Nso itịbe mbubịteyo usen kiet ke ini David odude ke ọkọm ufọk ubọn̄ esie?

3. Ntak emi Jehovah otịmde ayat esịt ye David?

4. Ke ndise emi, anie ke Jehovah ọdọn̄ akasian David mme idiọkn̄kpọ esie, ndien owo oro ọdọhọ ke nso iditịbe inọ David?

5. Nso afanikọn̄ ke David enyene?

6. Anie akabade edi edidem Israel ke David ama akakpa?

Mme mbụme efen:

1. Kot 2 Samuel 11:1-27.

   1. Didie ke ndinam utom Jehovah kpukpru ini edi n̄kpọ ukpeme ọnọ nnyịn?

   2. Nso ikanam David anam idiọkn̄kpọ, ndien nso ke mme asan̄autom Jehovah mfịn ẹkpep ẹto emi? (2 Sam. 11:2; Matt. 5:27-29; 1 Cor. 10:12; Jas. 1:14, 15)

2. Kot 2 Samuel 12:1-18.

   1. Nso ke mbiowo ye mme ete ye eka ẹkeme ndikpep nto usụn̄ oro Nathan ọkọnọde David item? (2 Sam. 12:1-4; N̄ke 12:18; Matt. 13:34)

   2. Ntak emi Jehovah akatuade David mbọm? (2 Sam. 12:13; Ps. 32:5; 2 Cor. 7:9, 10)

Mbụk 63

Enyene Ọniọn̄ Edidem Solomon

1. Nso ke Jehovah obụp Solomon, ndien nso ke enye ọbọrọ?

2. Sia Jehovah enemde esịt ye eben̄e Solomon, nso ke enye ọn̄wọn̄ọ ndinọ Solomon?

3. Nso ọkpọsọn̄ mfịna ke iban iba ẹnịm Solomon ke iso?

4. Nte ekemede ndikụt ke ndise emi, didie ke Solomon akakan mfịna emi?

5. Ukara Solomon etie didie, ndien ntak-a?

Mme mbụme efen:

1. Kot 1 Ndidem 3:3-28.

   1. Nso ke iren oro ẹnọde mbiomo ke esop Abasi mfịn ẹkeme ndikpep nto mme ikọ emi Solomon eketịn̄de ke ofụri esịt mi ke 1 Ndidem 3:7? (Ps. 119:105; N̄ke 3:5, 6)

   2. Didie ke eben̄e Solomon edi eti uwụtn̄kpọ ke se ẹkpebọn̄de akam ẹben̄e? (1 Ndi. 3:9, 11; N̄ke 30:8, 9; 1 John 5:14)

   3. Nso nsọn̄ọ ke usụn̄ oro Solomon ekebierede utọk iban iba oro ọnọ nnyịn kaban̄a ukara ini iso oro Jesus Christ kpa Akamba Solomon edikarade? (1 Ndi. 3:28; Isa. 9:6, 7; 11:2-4)

2. Kot 1 Ndidem 4:29-34.

   1. Didie ke Jehovah ọkọbọrọ eben̄e oro Solomon ekeben̄ede oyom esịt ọniọn̄? (1 Ndi. 4:29)

   2. Ke ikerede iban̄a nte mme owo ẹkesịnde ukeme ndikop ọniọn̄ Solomon, nso ikpedi edu nnyịn kaban̄a edikpep Ikọ Abasi? (1 Ndi. 4:29, 34; John 17:3; 2 Tim. 3:16)

Mbụk 64

Solomon Ọbọp Temple

1. Ada Solomon isua ifan̄ ndikụre edibọp temple Jehovah, ndien ntak emi enye akpade ekese okụk ntre?

2. Temple oro enyene akpan ubet ifan̄, ndien nso ke ẹsịn ke esịt ubet?

3. Nso ke Solomon etịn̄ ke akam esie ke ini ẹkụrede temple oro?

4. Didie ke Jehovah owụt ke imọ imenem esịt ye akam Solomon?

5. Nso ke iban Solomon ẹnam enye anam, ndien nso itịbe inọ Solomon?

6. Ntak emi Jehovah ayatde esịt ye Solomon, ndien nso ke Jehovah asian enye?

Mme mbụme efen:

1. Kot 1 Chronicles 28:9, 10.

   Ke ikerede iban̄a mme ikọ David oro ẹwetde ke 1 Chronicles 28:9, 10, nso ke ikpodomo ndida uwem nnyịn nnam ke usen ke usen? (Ps. 19:14; Phil. 4:8, 9)

2. Kot 2 Chronicles 6:12-21, 32-42.

   1. Didie ke Solomon okowụt ke ufọk emi owo ọbọpde ikemeke ndikem Ata Edikon̄ Abasi? (2 Chron. 6:18; Utom 17:24, 25)

   2. Nso ke mme ikọ Solomon oro ẹkụtde ke 2 Chronicles 6:32, 33 ẹwụt ẹban̄a Jehovah? (Utom 10:34, 35; Gal. 2:6)

3. Kot 2 Chronicles 7:1-5.

   Ukem nte okonụkde nditọ Israel nditoro Jehovah ke ini ẹkekụtde ubọn̄ esie, didie ke okpotụk nnyịn mfịn ke ini ikerede iban̄a mme edidiọn̄ oro Jehovah ọnọde ikọt esie? (2 Chron. 7:3; Ps. 22:22; 34:1; 96:2)

4. Kot 1 Ndidem 11:9-13.

   Didie ke usụn̄ uwem Solomon owụt nte edide akpan n̄kpọ ndisọn̄ọ nda tutu esịm akpatre? (1 Ndi. 11:4, 9; Matt. 10:22; Edi. 2:10)

Mbụk 65

Ẹbahade Obio Ubọn̄

1. Owo iba oro ẹdude ke ndise emi ẹkere didie, ndien mmanie ke mmọ ẹdi?

2. Nso ke Ahijah anam ye ọfọn̄idem esie, ndien nso ke emi ọwọrọ?

3. Nso ke Solomon odomo ndinam Jeroboam?

4. Ntak emi mme owo ẹnamde Jeroboam edidem ndikara esien duop?

5. Ntak emi Jeroboam anamde nditọ enan̄ gold iba, ndien nso itịbe inọ isọn̄ oro ke mîbịghike?

6. Nso itịbe inọ obio ubọn̄ esien iba ye temple Jehovah ke Jerusalem?

Mme mbụme efen:

1. Kot 1 Ndidem 11:26-43.

   Nso orụk owo ke Jeroboam ekedi, ndien nso ke Jehovah ọkọn̄wọn̄ọ ọnọ enye edieke enye edinịmde mme ibet Abasi? (1 Ndi. 11:28, 38)

2. Kot 1 Ndidem 12:1-33.

   1. Nso ke mme ete ye eka ọkọrọ ye mbiowo ẹkeme ndikpep nto idiọk uwụtn̄kpọ oro Rehoboam ekenịmde ke ndikama odudu ke idiọk usụn̄? (1 Ndi. 12:13; Eccl. 7:7; 1 Pet. 5:2, 3)

   2. M̀mọ̀n̄ ke mme uyen mfịn ẹkpeyom eti ndausụn̄ ẹto ke ini ẹnamde ikpọ ubiere ke uwem? (1 Ndi. 12:6, 7; N̄ke 1:8, 9; 2 Tim. 3:16, 17; Heb. 13:7)

   3. Nso ikanam Jeroboam anam itie ukpono ndem iba, ndien didie ke emi okowụt unana mbuọtidem ke Jehovah? (1 Ndi. 11:37; 12:26-28)

   4. Anie akada mbon obio ubọn̄ esien duop oro usụn̄ ke ndifiak edem n̄kpọn̄ utuakibuot akpanikọ? (1 Ndi. 12:32, 33)

Mbụk 66

Jezebel—Idiọk Ọbọn̄ An̄wan

1. Anie edi Jezebel?

2. Ntak emi Edidem Ahab ofụhọde usen kiet-e?

3. Nso ke Jezebel anam man ọbọ in̄wan̄ vine Naboth ọnọ ebe esie, Ahab?

4. Anie ke Jehovah ọdọn̄ ọkọnọ Jezebel ufen?

5. Nte afo ekemede ndikụt ke ndise emi, nso itịbe ke ini Jehu edide edisịm ufọk ubọn̄ Jezebel?

Mme mbụme efen:

1. Kot 1 Ndidem 16:29-33 ye 18:3, 4.

   Mme idaha ẹkediọk adan̄a didie ke Israel ke ini ukara Edidem Ahab? (1 Ndi. 14:9)

2. Kot 1 Ndidem 21:1-16.

   1. Didie ke Naboth ekenyene uko ye nsọn̄ọnda ke Jehovah? (1 Ndi. 21:1-3; Lev. 25:23-28)

   2. Nso ke nnyịn ikeme ndikpep nto uwụtn̄kpọ Ahab ke ndiyọ mme edikpu? (1 Ndi. 21:4; Rome 5:3-5)

3. Kot 2 Ndidem 9:30-37.

   Nso ke nnyịn ikeme ndikpep nto ifịk emi Jehu ekenyenede ke ndinam uduak Jehovah? (2 Ndi. 9:4-10; 2 Cor. 9:1, 2; 2 Tim. 4:2)

Mbụk 67

Jehoshaphat Ọbuọt Idem ye Jehovah

1. Anie edi Jehoshaphat, ndien ini ewe ke enye odu uwem?

2. Ntak emi nditọ Israel ẹkopde ndịk, ndien nso ke ediwak mmọ ẹnam?

3. Didie ke Jehovah ọbọrọ akam Jehoshaphat?

4. Nso ke Jehovah anam etịbe mbemiso ẹsịmde an̄wa ekọn̄?

5. Nso ke nnyịn ikeme ndikpep nto Jehoshaphat?

Mme mbụme efen:

1. Kot 2 Chronicles 20:1-30.

   1. Didie ke Jehoshaphat okowụt se mme anam-akpanikọ asan̄autom Abasi ẹkpenamde ke ini ẹsobode n̄kpọsọn̄ idaha? (2 Chron. 20:12; Ps. 25:15; 62:1)

   2. Sia Jehovah ekesiwakde ndida usụn̄ kiet nnyene nneme ye ikọt esie, ewe usụn̄ ke enye ada enyene nneme mfịn? (2 Chron. 20:14, 15; Matt. 24:45-47; John 15:15)

   3. Ke ini Abasi ọtọn̄ọde ndin̄wana “ekọn̄ akwa usen Abasi Ata Ọkpọsọn̄,” didie ke idaha nnyịn editie ukem nte eke Jehoshaphat? (2 Chron. 20:15, 17; 32:8; Edi. 16:14, 16)

   4. Ke ndikpebe mme Levite, didie ke mme asiakusụn̄ ye mme isụn̄utom ẹtịp ẹsịn ke utom ukwọrọikọ ofụri ererimbot mfịn? (2 Chron. 20:19, 21; Rome 10:13-15; 2 Tim. 4:2)

Mbụk 68

Nditọ Iren Iba Ẹfiakde Ẹdu Uwem

1. Owo ita oro ke ndise emi ẹdi mmanie, ndien nso itịbe inọ ekpri eyeneren emi?

2. Nso akam ke Elijah ọbọn̄ aban̄a ekpri eyeneren emi, ndien nso itịbe ke oro ebede?

3. Andin̄wam Elijah ekere didie?

4. Ntak emi ẹkotde Elisha edi ufọk n̄wan kiet ke Shunem?

5. Nso ke Elisha anam, ndien nso itịbe inọ okpo eyen oro?

6. Nte Elijah ye Elisha ẹwụtde, nso odudu ke Jehovah enyene?

Mme mbụme efen:

1. Kot 1 Ndidem 17:8-24.

   1. Didie ke ẹkedomo mbuọtidem ye n̄kopitem Elijah ẹse? (1 Ndi. 17:9; 19:1-4, 10)

   2. Ntak oro mbuọtidem emi ebeakpa oro ke Zarephath ekenyenede edide n̄wọrọnda? (1 Ndi. 17:12-16; Luke 4:25, 26)

   3. Didie ke se iketịbede inọ ebeakpa oro ke Zarephath owụt nte ikọ Jesus emi ẹwetde ke Matthew 10:41, 42 edide akpanikọ? (1 Ndi. 17:10-12, 17, 23, 24)

2. Kot 2 Ndidem 4:8-37.

   1. Nso ke n̄wan Shunem ekpep nnyịn aban̄a ukama isenowo? (2 Ndi. 4:8; Luke 6:38; Rome 12:13; 1 John 3:17)

   2. Mme usụn̄ ewe ke nnyịn ikeme ndiwụt mme asan̄autom Abasi mfọnido mfịn? (Utom 20:35; 28:1, 2; Gal. 6:9, 10; Heb. 6:10)

Mbụk 69

N̄kaiferi An̄wam Eren Uko

1. Nso ke ekpri n̄kaiferi oro asian n̄wan emi ke ndise?

2. N̄wan oro ke ndise edi anie, ndien nso ke n̄kaiferi oro anam ke ufọk n̄wan oro?

3. Nso ke Elisha ọdọn̄ asan̄autom esie ọdọhọ Naaman, ndien ntak emi Naaman ayatde esịt?

4. Nso itịbe ke ini Naaman okopde uyo asan̄autom esie?

5. Ntak emi Elisha mînyịmeke ndibọ enọ Naaman, edi nso ke Gehazi anam?

6. Nso itịbe inọ Gehazi, ndien nso ke nnyịn ikeme ndikpep nto emi?

Mme mbụme efen:

1. Kot 2 Ndidem 5:1-27.

   1. Didie ke uwụtn̄kpọ oro ekpri n̄kaiferi Israel oro ekenịmde ekeme ndisịn udọn̄ nnọ mme uyen mfịn? (2 Ndi. 5:3; Ps. 8:2; 148:12, 13)

   2. Ntak ọfọnde nditi uwụtn̄kpọ Naaman ke ini ibọde item N̄wed Abasi? (2 Ndi. 5:15; Heb. 12:5, 6; Jas. 4:6)

   3. Nso ke nnyịn ikeme ndikpep ke ini imende uwụtn̄kpọ Elisha idomo ye eke Gehazi? (2 Ndi. 5:9, 10, 14-16, 20; Matt. 10:8; Utom 5:1-5; 2 Cor. 2:17)

Mbụk 70

Jonah ye Akamba Iyak

1. Anie edi Jonah, ndien nso ke Jehovah ọdọhọ enye?

2. Sia Jonah mîyomke ndika ebiet oro Jehovah ọdọhọde enye aka, nso ke Jonah anam?

3. Nso ke Jonah ọdọhọ mme awat ubom ẹnam man oyobio etre?

4. Nte afo ekemede ndikụt ke ndise emi, nso itịbe ke ini Jonah eden̄ide ke mmọn̄?

5. Jonah odu usen ifan̄ ke idịbi iyak, ndien nso ke enye anam do?

6. M̀mọ̀n̄ ke Jonah aka ke akamba iyak oro ama ọkọkpọhi enye, ndien nso ke emi ekpep nnyịn?

Mme mbụme efen:

1. Kot Jonah 1:1-17.

   Nte an̄wan̄ade, didie ke Jonah ekese utom esie ndikwọrọ ikọ nnọ mbon Nineveh? (Jonah 1:2, 3; N̄ke 3:7; Eccl. 8:12)

2. Kot Jonah 2:1, 2, 10.

   Didie ke se iketịbede inọ Jonah anam nnyịn inyene mbuọtidem nte ke Jehovah ọyọbọrọ mme akam nnyịn? (Ps. 22:24; 34:6; 1 John 5:14)

3. Kot Jonah 3:1-10.

   1. Nso nsịnudọn̄ ke nnyịn ibọ ito Jehovah ndika iso nda Jonah nnam n̄kpọ kpa ye oro enye okokpude ndinam se ẹkedọn̄de enye ke akpa? (Ps. 103:14; 1 Pet. 5:10)

   2. Nso ke ifiọk n̄kpọntịbe Jonah ye mbon Nineveh ekpep nnyịn aban̄a edibem iso mbiere ikpe nnọ mbon oro ẹdude ke efakutom nnyịn? (Jonah 3:6-9; Eccl. 11:6; Utom 13:48)

Mbụk 71

Abasi Ọn̄wọn̄ọ Paradise

1. Anie ekedi Isaiah, ini ewe ke enye okodu uwem, ndien nso ke Jehovah okowụt enye?

2. Nso ke ikọ oro “paradise” ọwọrọ, ndien nso ke enye eti fi?

3. Nso ke Jehovah ọkọdọhọ Isaiah ewet aban̄a obufa Paradise?

4. Ntak emi Adam ye Eve ẹketabade ediye ebietidụn̄ mmọ?

5. Nso ke Jehovah ọn̄wọn̄ọ ọnọ mbon oro ẹmade enye?

Mme mbụme efen:

1. Kot Isaiah 11:6-9.

   1. Didie ke Ikọ Abasi owụt emem oro edidude ke ufọt unam ye owo ke obufa ererimbot? (Ps. 148:10, 13; Isa. 65:25; Ezek. 34:25)

   2. Ewe ikọ Isaiah ẹsu idahaemi ke otu ikọt Jehovah ke n̄kan̄ eke spirit? (Rome 12:2; Eph. 4:23, 24)

   3. Anie odot se ẹtorode ke ukpụhọde oro mme owo ẹnamde ke edu uwem mmọ idahaemi ye ke obufa ererimbot? (Isa. 48:17, 18; Gal. 5:22, 23; Phil. 4:7)

2. Kot Ediyarade 21:3, 4.

   1. Didie ke N̄wed Abasi owụt ke Abasi edidu ye mme owo ke ndamban̄a usụn̄, idịghe ndisụhọde ndidu ye mme owo ke isọn̄? (Lev. 26:11, 12; 2 Chron. 6:18; Isa. 66:1; Edi. 21:2, 3, 22-24)

   2. Nso orụk mmọn̄eyet ye ubiak ke ẹdisio ẹfep? (Luke 8:49-52; Rome 8:21, 22; Edi. 21:4)

Mbụk 72

Abasi An̄wam Edidem Hezekiah

1. Anie edi emi ke ndise, ndien ntak emi enye odude ke akwa mfịna?

2. Ewe leta ke Hezekiah obon emi ke iso Abasi, ndien nso ke Hezekiah eben̄e?

3. Nso utọ edidem ke Hezekiah edi, ndien nso etop ke Jehovah ọdọn̄ Isaiah otobo enye?

4. Nte ẹwụtde ke ndise emi, nso ke angel Jehovah anam mbon Assyria?

5. Okposụkedi emem odude ke obio ubọn̄ esien iba ke ekpri ini, nso itịbe ke Hezekiah akpade?

Mme mbụme efen:

1. Kot 2 Ndidem 18:1-36.

   1. Didie ke Rabshakeh, kpa etịn̄ikọ ke ibuot mbon Assyria okodomo ndinam mbuọtidem nditọ Israel emem? (2 Ndi. 18:19, 21; Ex. 5:2; Ps. 64:3)

   2. Ke ini ẹnamde n̄kpọ ye mme andibiọn̄ọ, didie ke Mme Ntiense Jehovah ẹsitiene uwụtn̄kpọ Hezekiah? (2 Ndi. 18:36; Ps. 39:1; N̄ke 26:4; 2 Tim. 2:24)

2. Kot 2 Ndidem 19:1-37.

   1. Didie ke ikọt Jehovah mfịn ẹkpebe Hezekiah ke mme ini afanikọn̄? (2 Ndi. 19:1, 2; N̄ke 3:5, 6; Heb. 10:24, 25; Jas. 5:14, 15)

   2. Didie ke ẹkekpu Edidem Sennacherib utịm ikata, ndien anie ke enye ada aban̄a? (2 Ndi. 19:32, 35, 37; Edi. 20:2, 3)

3. Kot 2 Ndidem 21:1-6, 16.

   Ntak ẹkemede ndidọhọ ke Manasseh ekedi ndiọkn̄kan edidem oro akanam akarade Jerusalem? (2 Chron. 33:4-6, 9)

Mbụk 73

Akpatre Eti Edidem Israel

1. Josiah edi isua ifan̄ ke ini enye akabarede edidem, ndien nso ke enye ọtọn̄ọ ndinam ke ama ekedi edidem ke isua itiaba?

2. Ke akpa ndise emi, nso ke Josiah anam?

3. Nso ke akwa oku okụt ke ini mme owo ẹdiọn̄de temple?

4. Ntak emi Josiah awaide mme ọfọn̄ esie?

5. Nso etop otode Jehovah ke Huldah prọfet an̄wan ọnọ Josiah?

Mme mbụme efen:

1. Kot 2 Chronicles 34:1-28.

   1. Nso uwụtn̄kpọ ke Josiah enịm ọnọ mbon oro ẹkesobode n̄kpọsọn̄ idaha ke ini uyen mmọ? (2 Chron. 33:21-25; 34:1, 2; Ps. 27:10)

   2. Mme akpan usio-ukot ewe ke Josiah akanam man anam utuakibuot akpanikọ aka iso ke ọyọhọ isua ukara esie 8, 12 ye 18? (2 Chron. 34:3, 8)

   3. Mme ukpepn̄kpọ ewe ẹban̄ade editịm n̄kama mme itie utuakibuot nnyịn ke ikeme ndikpep nto uwụtn̄kpọ Edidem Josiah ye Hilkiah akwa oku? (2 Chron. 34:9-13; N̄ke 11:14; 1 Cor. 10:31)

Mbụk 74

Owo emi Mîfeheke Ndịk

1. Akparawa oro ke ndise emi edi anie?

2. Nso ke Jeremiah ekere aban̄a imọ ndikabade ndi prọfet, edi nso ke Jehovah ọdọhọ enye?

3. Nso etop ke Jeremiah aka iso asian mme owo?

4. Didie ke mme oku ẹdomo ndikpan Jeremiah, edi didie ke enye owụt ke imọ ifeheke ndịk?

5. Nso itịbe ke ini nditọ Israel mîkpọn̄ke idiọk usụn̄ uwem mmọ?

Mme mbụme efen:

1. Kot Jeremiah 1:1-8.

   1. Nte uwụtn̄kpọ Jeremiah owụtde, nso inam owo odot ndinam n̄kpọ Jehovah? (2 Cor. 3:5, 6)

   2. Nso nsịnudọn̄ ke uwụtn̄kpọ Jeremiah ọnọ mme uyen Christian mfịn? (Eccl. 12:1; 1 Tim. 4:12)

2. Kot Jeremiah 10:1-5.

   Nso okopodudu uwụtn̄kpọ ke Jeremiah ọnọ ndiwụt ke ndibuọt idem ye ndisọi mbiet inyeneke ufọn? (Jer. 10:5; Isa. 46:7; Hab. 2:19)

3. Kot Jeremiah 26:1-16.

   1. Ke ini nsụhọ oro ẹyetde aran ọnọde ntọt mfịn, didie ke enye esinam item oro Jehovah ọkọnọde Jeremiah ete ‘okûsio baba ikọ kiet efep’? (Jer. 26:2; Deut. 4:2; Utom 20:27)

   2. Nso eti uwụtn̄kpọ ke Jeremiah ekenịm ọnọ Mme Ntiense Jehovah mfịn ke nditan̄a etop Jehovah nnọ mme idụt? (Jer. 26:8, 12, 14, 15; 2 Tim. 4:1-5)

4. Kot 2 Ndidem 24:1-17.

   Nso idiọk utịp ikosụn̄ọ ito ntak oro mbon Judah mîkanamke akpanikọ inọ Jehovah? (2 Ndi. 24:2-4, 14)

Mbụk 75

N̄kparawa Inan̄ ke Babylon

1. Mmanie ẹdi n̄kparawa inan̄ emi ke ndise, ndien ntak emi mmọ ẹdude ke Babylon?

2. Nso ke Nebuchadnezzar odiomi ọnọ n̄kparawa inan̄ emi, ndien nso ke enye owụk mme asan̄autom esie?

3. Nso eben̄e ke Daniel esịn aban̄a udia ye edin̄wọn̄ n̄kpọ esie ye eke mme ufan esie ita?

4. Ke ẹma ẹkedia ikọn̄ in̄wan̄ ke usen duop, Daniel ye mme ufan esie ita ẹtie didie ke ẹmende ẹdomo ye n̄kparawa eken?

5. Daniel ye mme ufan esie ita ẹsan̄a didie ẹdidu ke ufọk ubọn̄ edidem, ndien ke nso usụn̄ ke mmọ ẹfọn ẹkan mme oku ye mme ọfiọkn̄kpọ owo?

Mme mbụme efen:

1. Kot Daniel 1:1-21.

   1. Nso ukeme ke oyom isịn edieke iyomde ndibiọn̄ọ mme idomo nnyụn̄ n̄kan mmemidem? (Dan. 1:8; Gen. 39:7, 10; Gal. 6:9)

   2. Ke mme usụn̄ ewe ke ẹkeme ndidomo m̀mê ndinyịk mme uyen mfịn ndiyak idem nsịn ke se ndusụk owo ẹdade nte “udia”? (Dan. 1:8; N̄ke 20:1; 2 Cor. 6:17–7:1)

   3. Nso ke mbụk Bible aban̄ade n̄kparawa Hebrew inan̄ an̄wam nnyịn ndifiọk mban̄a edikọ ifiọkn̄wed ererimbot? (Dan. 1:20; Isa. 54:13; 1 Cor. 3:18-20)

Mbụk 76

Ẹsobo Jerusalem

1. Nso itịbe inọ Jerusalem ye nditọ Israel emi ẹwụtde ke ndise emi?

2. Anie edi Ezekiel, ndien nso mme enyene-ndịk n̄kpọ ke Jehovah owụt enye?

3. Nso ke Jehovah ọn̄wọn̄ọ ndinam ke ntak oro nditọ Israel mîkponoke enye?

4. Nso ke Edidem Nebuchadnezzar anam ke nditọ Israel ẹma ẹkesọn̄ ibuot ye enye?

5. Ntak emi Jehovah ayakde enyene-ndịk nsobo emi etịbe ọnọ nditọ Israel?

6. Didie ke obio Israel mînyeneke owo baba kiet, ndien ke isua ifan̄?

Mme mbụme efen:

1. Kot 2 Ndidem 25:1-26.

   1. Anie ekedi Zedekiah, nso iketịbe inọ enye, ndien didie ke emi okosu ntịn̄nnịm ikọ Bible? (2 Ndi. 25:5-7; Ezek. 12:13-15)

   2. Jehovah ọkọdọhọ ke mmanie ẹdi ntak kpukpru idiọkn̄kpọ oro Israel ẹkenamde? (2 Ndi. 25:9, 11, 12, 18, 19; 2 Chron. 36:14, 17)

2. Kot Ezekiel 8:1-18.

   Didie ke Christendom ekpebe mbon nsọn̄ibuot nditọ Israel emi ẹketuakde ibuot ẹnọ utịn? (Ezek. 8:16; Isa. 5:20, 21; John 3:19-21; 2 Tim. 4:3)

Mbụk 77

Mmọ Idinụhọke

1. Nso ewụhọ ke Nebuchadnezzar, edidem Babylon, ọnọ mme owo?

2. Ntak emi mme ufan Daniel ita mînụhọke inọ mbiet o-gold?

3. Ke ini Nebuchadnezzar ọnọde nditọ Hebrew ita ifet efen ndinụhọ, didie ke mmọ ẹwụt mbuọtidem ke Jehovah?

4. Nso ke Nebuchadnezzar ọdọhọ ikọt esie ẹnam ye Shadrach, Meshach, ye Abednego?

5. Nso ke Nebuchadnezzar okụt ke ini enye esede esịt akwa ikan̄?

6. Ntak emi edidem otorode Abasi Shadrach, Meshach, ye Abednego, ndien nso uwụtn̄kpọ ke mmọ ẹnọ nnyịn?

Mme mbụme efen:

1. Kot Daniel 3:1-30.

   1. Ewe edu oro n̄kparawa Hebrew ita oro ẹkewụtde ke kpukpru mme asan̄autom Abasi ẹkpekpebe ke ini ẹsobode idomo edimụm nsọn̄ọnda n̄kama? (Dan. 3:17, 18; Matt. 10:28; Rome 14:7, 8)

   2. Nso akpan ukpepn̄kpọ ke Jehovah Abasi ekekpep Nebuchadnezzar? (Dan. 3:28, 29; 4:34, 35)

Mbụk 78

Ubọkn̄wed Ewetde ke Ibibene

1. Nso itịbe ke ini edidem Babylon enyenede akwa udia onyụn̄ akamade mme cup ye usan ẹkedade ẹto temple Jehovah ke Jerusalem?

2. Nso ke Belshazzar ọdọhọ ntaifiọk esie, edi nso ke mmọ mîkemeke ndinam?

3. Nso ke eka edidem ọdọhọ enye anam?

4. Nte Daniel etịn̄de ọnọ edidem, nso isịn Abasi ọdọn̄ ubọk ewet n̄kpọ ke ibibene?

5. Didie ke Daniel anam mme ikọ oro ẹwetde ke ibibene ẹn̄wan̄a?

6. Nso itịbe ke ini Daniel osụk etịn̄de ikọ?

Mme mbụme efen:

1. Kot Daniel 5:1-31.

   1. Men mbak Abasi domo ye ndịk oro Belshazzar okokopde ke ini enye okokụtde ubọkn̄wed oro ke ibibene. (Dan. 5:6, 7; Ps. 19:9; Rome 8:35-39)

   2. Didie ke Daniel ekenyene akwa uko ke ini etịn̄de ikọ ọnọ Belshazzar ye ikpọ mbon ukara esie? (Dan. 5:17, 18, 22, 26-28; Utom 4:29)

   3. Ke nso usụn̄ ke Daniel ibuot 5 ọsọn̄ọ etịn̄ aban̄a itie edikara Jehovah eke ofụri ekondo? (Dan. 4:17, 25; 5:21)

Mbụk 79

Daniel ke Obube Mme Lion

1. Anie edi Darius, ndien didie ke enye ada Daniel?

2. Nso ke ndusụk mbon ufụp ẹdọhọ Darius anam?

3. Nso ke Daniel anam ke ini enye ọfiọkde aban̄a obufa ibet oro?

4. Ntak emi esịt otịmde afịna Darius tutu enye ikemeke ndide, ndien nso ke enye anam ke ndan̄nsiere?

5. Nso ke Daniel ọbọrọ Darius?

6. Nso itịbe inọ mme idiọk owo oro ẹkedomode ndiwot Daniel, ndien nso ke Darius ewet ọnọ ofụri owo ke obio ubọn̄ esie?

Mme mbụme efen:

1. Kot Daniel 6:1-28.

   1. Didie ke odu oro ẹkedụkde ẹban̄a Daniel eti nnyịn aban̄a nte mme andibiọn̄ọ ẹsidomode ndikpan utom Mme Ntiense Jehovah mfịn? (Dan. 6:7; Ps. 94:20; Isa. 10:1; Rome 8:31)

   2. Didie ke mme asan̄autom Abasi mfịn ẹkeme ndikpebe Daniel ke ndisụk ibuot nnọ “mme odudu eke ẹkponde ẹkan”? (Dan. 6:5, 10; Rome 13:1; Utom 5:29)

   3. Didie ke nnyịn ikeme ndikpebe uwụtn̄kpọ Daniel ke ndinam n̄kpọ Jehovah “kpukpru ini”? (Dan. 6:16, 20; Phil. 3:16; Edi. 7:15)

Mbụk 80

Ikọt Abasi Ẹkpọn̄ Babylon

1. Nte ẹwụtde ke ndise emi, nso ke nditọ Israel ẹnam?

2. Didie ke Cyrus okosu ntịn̄nnịm ikọ emi Jehovah akadade Isaiah etịn̄?

3. Nso ke Cyrus asian nditọ Israel oro mîkemeke ndifiak nnyọn̄ Jerusalem?

4. Nso ke Cyrus ọnọ mme owo ẹda ẹnyọn̄ Jerusalem?

5. Nditọ Israel ẹkesan̄a ọfiọn̄ ifan̄ ẹkesịm Jerusalem?

6. Isua ifan̄ ibe tọn̄ọ nte isọn̄ akana ukpọk ofụri ofụri anana owo?

Mme mbụme efen:

1. Kot Isaiah 44:28 ye 45:1-4.

   1. Didie ke Jehovah ọkọsọn̄ọ owụt ke ntịn̄nnịm ikọ aban̄ade Cyrus oyosu? (Isa. 55:10, 11; Rome 4:17)

   2. Didie ke ntịn̄nnịm ikọ Isaiah aban̄ade Cyrus owụt ke Jehovah Abasi enyene ukeme nditịn̄ ini iso? (Isa. 42:9; 45:21; 46:10, 11; 2 Pet. 1:20)

2. Kot Ezra 1:1-11.

   Ke itienede uwụtn̄kpọ mbon oro mîkekemeke ndifiak nnyọn̄ Jerusalem, didie ke nnyịn mfịn ikeme ‘ndisọn̄ọ ubọk’ mbon oro ẹkemede ndidụk utom uyọhọ ini? (Ezra 1:4, 6; Rome 12:13; Col. 4:12)

Mbụk 81

Ndibuọt Idem ke Un̄wam Abasi

1. Owo ifan̄ ẹnam anyan isan̄ ẹto Babylon ẹka Jerusalem, edi nso ke mmọ ẹkụt ke ini mmọ ẹsịmde?

2. Nso ke nditọ Israel ẹtọn̄ọ ndibọp ke ẹma ẹkesịm, edi nso ke mme asua mmọ ẹnam?

3. Mmanie ẹdi Haggai ye Zechariah, ndien nso ke mmọ ẹsian mme owo?

4. Ntak emi Tattenai ọdọn̄de n̄wed ẹka Babylon, ndien nso ibọrọ ke ẹnọ enye?

5. Nso ke Ezra anam ke ini enye ọfiọkde aban̄a udọn̄ ndikọdiọn̄ temple Abasi?

6. Ke ndise emi, nso ke Ezra ọbọn̄ akam eben̄e, didie ke ẹbọrọ akam esie, ndien nso ke emi ekpep nnyịn?

Mme mbụme efen:

1. Kot Ezra 3:1-13.

   Edieke nnyịn ke ini ekededi idude ke ebiet oro esop ikọt Abasi mîdụhe, nso ke nnyịn ikpaka iso ndinam? (Ezra 3:3, 6; Utom 17:16, 17; Heb. 13:15)

2. Kot Ezra 4:1-7.

   Nso uwụtn̄kpọ aban̄ade mbuaha mbuọtidem ke Zerrubbabel ekenịm ọnọ ikọt Jehovah? (Ex. 34:12; 1 Cor. 15:33; 2 Cor. 6:14-17)

3. Kot Ezra 5:1-5, 17 ye 6:1-22.

   1. Ntak emi mme andibiọn̄ọ mîkekemeke nditre utom ubọp temple? (Ezra 5:5; Isa. 54:17)

   2. Didie ke se mbiowo mme Jew ẹkenamde esịn udọn̄ ọnọ mbiowo Christian ndiyom ndausụn̄ Jehovah ke ini ẹsobode mme andibiọn̄ọ? (Ezra 6:14; Ps. 32:8; Rome 8:31; Jas. 1:5)

4. Kot Ezra 8:21-23, 28-36.

   Mbemiso nnyịn inamde n̄kpọ ekededi, ewe uwụtn̄kpọ Ezra edifọn nnyịn ikpebe? (Ezra 8:23; Ps. 127:1; N̄ke 10:22; Jas. 4:13-15)

Mbụk 82

Mordecai ye Esther

1. Mmanie ẹdi Mordecai ye Esther?

2. Ntak emi Edidem Ahasuerus oyomde obufa n̄wan, ndien anie ke enye emek?

3. Anie edi Haman, ndien nso inam enye otịm ayat esịt?

4. Nso ibet ke ẹnam, ndien nso ke Esther anam ke ama ọkọbọ etop oto Mordecai?

5. Nso itịbe inọ Haman ye Mordecai?

6. Didie ke ẹnam nditọ Israel ẹbọhọ mme asua mmọ?

Mme mbụme efen:

1. Kot Esther 2:12-18.

   Didie ke Esther okowụt ufọn edinyene “sụn̄sụn̄ ye ifụre ifụre edu”? (Esther 2:15; 1 Pet. 3:1-5)

2. Kot Esther 4:1-17.

   Ukem nte ẹkenọde Esther ifet ndimenede utuakibuot akpanikọ ke enyọn̄, mfịn, nso ifet ke ẹnọ nnyịn ndituak ibuot nnyụn̄ nnam akpanikọ nnọ Jehovah? (Esther 4:13, 14; Matt. 5:14-16; 24:14)

3. Kot Esther 7:1-6.

   Didie ke ediwak ikọt Abasi mfịn ẹsịn uwem mmọ ke itiendịk ukem nte Esther? (Esther 7:4; Matt. 10:16-22; 1 Pet. 2:12)

Mbụk 83

Mme Ibibene Jerusalem

1. Eketie nditọ Israel didie ke idem ndidụn̄ ke Jerusalem oro owo mîbọpke ibibene ikanade?

2. Anie edi Nehemiah?

3. Nso utom ke Nehemiah anam, ndien ntak emi enye edide akpan utom?

4. Nso etop anam Nehemiah ofụhọ, ndien nso ke enye anam?

5. Didie ke Edidem Artaxerxes ọfọn ido ye Nehemiah?

6. Didie ke Nehemiah odiomi ndinam utom ubọpn̄kpọ oro man mme asua nditọ Israel ẹkûkeme ndikpan enye?

Mme mbụme efen:

1. Kot Nehemiah 1:4-6 ye 2:1-20.

   Didie ke Nehemiah okoyom ndausụn̄ Jehovah? (Neh. 2:4, 5; Rome 12:12; 1 Pet. 4:7)

2. Kot Nehemiah 3:3-5.

   Nso ke mbiowo ye mme asan̄autom unamutom ẹkeme ndikpep nto ukpụhọde emi odude ke ufọt mbio obio Tekoa ye “mbọn̄ mmọ”? (Neh. 3:5, 27; 2 Thess. 3:7-10; 1 Pet. 5:5)

3. Kot Nehemiah 4:1-23.

   1. Nso ikonụk nditọ Israel ẹka iso ẹbọp n̄kpọ kpa ye ọkpọsọn̄ ukọbọ? (Neh. 4:6, 8, 9; Ps. 50:15; Isa. 65:13, 14)

   2. Ke nso usụn̄ ke uwụtn̄kpọ nditọ Israel esịn udọn̄ ọnọ nnyịn mfịn?

4. Kot Nehemiah 6:15.

   Nso ke edibọp ibibene Jerusalem n̄kụre ke ufan̄ ọfiọn̄ iba owụt aban̄a odudu oro mbuọtidem enyenede? (Ps. 56:3, 4; Matt. 17:20; 19:26)

Mbụk 84

Angel Ekese Mary

1. Anie edi n̄wan oro odude ke ndise emi?

2. Nso ke Gabriel etịn̄ ọnọ Mary?

3. Didie ke Gabriel anam an̄wan̄a Mary nte ke enye eyenyene eyen okposụkedi enye mîkodụn̄ke ye erenowo?

4. Nso itịbe ke ini Mary akade ndise Elizabeth iman esie?

5. Nso ke Joseph ekere ke ini enye ọfiọkde ete Mary ọmọn̄ enyene nsekeyen, edi ntak emi enye okpụhọde ekikere?

Mme mbụme efen:

1. Kot Luke 1:26-56.

   1. Nso ke Luke 1:35 etịn̄ aban̄a unana mfọnmma oro Mary ọkọbọde oto Adam ke ini ẹkesiode uwem Eyen Abasi ke heaven ẹdisịn ke idịbi esie? (Hag. 2:11-13; John 6:69; Heb. 7:26; 10:5)

   2. Didie ke ẹkekpono Jesus idem mbemiso emana esie? (Luke 1:41-43)

   3. Nso eti uwụtn̄kpọ ke Mary ekenịm ọnọ mme Christian mfịn oro ẹnyenede san̄asan̄a ifetutom? (Luke 1:38, 46-49; 17:10; N̄ke 11:2)

2. Kot Matthew 1:18-25.

   Okposụkedi owo mîkosioho Jesus Immanuel, didie ke enye akanam utom oro asan̄ade ekekem ye enyịn̄ emi? (Matt. 1:22, 23; John 14:8-10; Heb. 1:1-3)

Mbụk 85

Eman Jesus ke Ufọk Ufene

1. Anie edi ekpri nsekeyen emi ke ndise, ndien Mary onịm enye ke m̀mọ̀n̄?

2. Ntak ẹkemande Jesus ke ufọk ufene?

3. Ke ndise emi, mmanie ẹdi iren emi ẹdụkde ufọk ufene mi, ndien nso ke angel eketịn̄ ọnọ mmọ?

4. Ntak emi Jesus edide ata akpan owo?

5. Ntak ẹkemede ndikot Jesus Eyen Abasi?

Mme mbụme efen:

1. Kot Luke 2:1-20.

   1. Nso ke Caesar Augustus akanam ke ndisu ntịn̄nnịm ikọ aban̄ade emana Jesus? (Luke 2:1-4; Mic. 5:2)

   2. Didie ke owo ekeme ndisịne ke otu mbon oro ẹtịn̄de ẹban̄a nte “mme owo emi [Abasi] enyịmede.”? (Luke 2:14; Matt. 16:24; John 17:3; Utom 3:19; Heb. 11:6)

   3. Edieke mme osụhọde idem ekpemerọn̄ Judah oro ẹkenyenede ntak ndidara ke emana Andinyan̄a, ewe ntak emi okponde akan oro ke mme asan̄autom Abasi ẹnyene ndidara mfịn? (Luke 2:10, 11; Eph. 3:8, 9; Edi. 11:15; 14:6)

Mbụk 86

Ntantaọfiọn̄ Ada Mme Owo Usụn̄

1. Mmanie owo ẹdi emi ke ndise, ndien ntak emi owo kiet ke otu mmọ anyande ubọk owụt nyayama ntantaọfiọn̄ oro?

2. Ntak emi esịt otịmede Edidem Herod, ndien nso ke enye anam?

3. M̀mọ̀n̄ ke nyayama ntantaọfiọn̄ oro ada mme owo emi aka, edi ntak emi mmọ ẹfiakde ke idụt mmọ ke usụn̄ efen?

4. Nso ewụhọ ke Herod ọnọ, ndien ntak-a?

5. Nso ke Jehovah ọdọhọ Joseph anam?

6. Anie akanam obufa ntantaọfiọn̄ oro ayama, ndien ntak-a?

Mbụme efen:

1. Kot Matthew 2:1-23.

   Jesus ekedi isua ifan̄ ndien enye okodụn̄ ke m̀mọ̀n̄ ke ini mme asiak ntantaọfiọn̄ oro ẹkedide ẹdise enye? (Matt. 2:1, 11, 16)

Mbụk 87

Ekpri Jesus ke Temple

1. Jesus edi isua ifan̄ ke ndise emi, ndien enye odu ke m̀mọ̀n̄?

2. Nso ke Joseph esinam ye ufọk esie kpukpru isua?

3. Ke usen kiet ama ekebe tọn̄ọ nte mmọ ẹkenam isan̄ unyọn̄, ntak emi Joseph ye Mary ẹfiakde ẹnyọn̄ Jerusalem?

4. M̀mọ̀n̄ ke Joseph ye Mary ẹkụt Jesus, ndien ntak emi mme owo do ẹkopde n̄kpaidem?

5. Nso ke Jesus etịn̄ ye Mary eka esie?

6. Didie ke nnyịn ikpekpebe Jesus ke ndikpep mban̄a Abasi?

Mme mbụme efen:

1. Kot Luke 2:41-52.

   1. Okposụkedi Ibet ọkọdọhọde irenowo ikpọn̄ ẹsidụk usọrọ eke isua ke isua, nso eti uwụtn̄kpọ ke Joseph ye Mary ẹkenịm ẹnọ mme ete ye eka mfịn? (Luke 2:41; Deut. 16:16; 31:12; N̄ke 22:6)

   2. Didie ke Jesus ekenịm eti uwụtn̄kpọ ọnọ mme uyen mfịn ke nte ẹkpesụkde ibuot ẹnọ mme ete ye eka mmọ? (Luke 2:51; Deut. 5:16; N̄ke 23:22; Col. 3:20)

2. Kot Matthew 13:53-56.

   Siak enyịn̄ nditọeka Jesus inan̄ oro ẹsiakde ke Bible, ndien nte ini akakade, didie ke ẹkeda iba ke otu mmọ ẹnam n̄kpọ ke esop Christian? (Matt. 13:55; Utom 12:17; 15:6, 13; 21:18; Gal. 1:19; Jas. 1:1; Jude 1)

Mbụk 88

John Onịm Jesus Baptism

1. Owo iba emi ke ndise ẹdi mmanie?

2. Didie ke ẹnịm owo baptism?

3. John esinịm mmanie baptism?

4. Nso akpan ntak anam Jesus ọdọhọ John enịm imọ baptism?

5. Didie ke Abasi owụt ke Imọ imenem esịt nte Jesus anade baptism?

6. Nso itịbe ke ini Jesus akade ndobo ebiet ke usen 40?

7. Mmanie ẹdi ndusụk akpa mme anditiene m̀mê mme mbet Jesus, ndien nso idi akpa utịben̄kpọ esie?

Mme mbụme efen:

1. Kot Matthew 3:13-17.

   Nso uwụtn̄kpọ kaban̄a baptism ke Jesus ekenịm ọnọ mme mbet esie? (Ps. 40:7, 8; Matt. 28:19, 20; Luke 3:21, 22)

2. Kot Matthew 4:1-11.

   Didie ke eti usụn̄ oro Jesus adade N̄wed Abasi anam n̄kpọ esịn udọn̄ ọnọ nnyịn ndikpep Bible kpukpru ini? (Matt. 4:5-7; 2 Pet. 3:17, 18; 1 John 4:1)

3. Kot John 1:29-51.

   Anie ke John Andinịm Owo Baptism okodụri ntịn̄enyịn mme mbet esie owụt, ndien didie ke nnyịn ikpekpebe enye mfịn? (John 1:29, 35, 36; 3:30; Matt. 23:10)

4. Kot John 2:1-12.

   Didie ke akpa utịben̄kpọ Jesus owụt ke Jehovah isịnke mme asan̄autom Esie eti n̄kpọ ndomokiet? (John 2:9, 10; Ps. 84:11; Jas. 1:17)

Mbụk 89

Jesus Anam Temple Asana

1. Ntak ẹnyamde mme unam ke temple?

2. Nso inam Jesus ayat esịt?

3. Nte afo ekemede ndikụt ke ndise emi, nso ke Jesus anam, ndien nso ke enye owụk mme owo oro ẹnyamde mme ibiom?

4. Ke ini mme anditiene Jesus ẹkụtde se enye anamde, nso ke mmọ eti?

5. Ewe obio ke Jesus akasan̄a ke ini enye akafiakde ọnyọn̄ Galilee?

Mbụme efen:

1. Kot John 2:13-25.

   Ke ikerede iban̄a nte Jesus akayatde esịt ye mme okpụhọ okụk ke temple, nso nnennen ekikere ke ẹkpenyene ẹban̄a edinam mbubehe ke Ufọk Mbono Obio Ubọn̄? (John 2:15, 16; 1 Cor. 10:24, 31-33)

Mbụk 90

Ye N̄wan oro ke Obube Mmọn̄

1. Ntak emi Jesus ebetde ke obube mmọn̄ ke Samaria, ndien nso ke enye etịn̄ ye n̄wan oro odude do?

2. Ntak emi n̄wan oro okopde n̄kpaidem, nso ke Jesus etịn̄ ọnọ enye, ndien ntak-a?

3. Nso utọ mmọn̄ ke n̄wan oro ekere ke Jesus etịn̄ aban̄a, edi nso mmọn̄ ke enye enen̄ede etịn̄ aban̄a?

4. Ntak emi idem akpade n̄wan oro ke adan̄a n̄kpọ emi Jesus ọfiọkde aban̄a enye, ndien anie ọkọnọ Jesus ntọt emi?

5. Nso ke ikeme ndikpep nto mbụk aban̄ade n̄wan oro ke obube mmọn̄?

Mme mbụme efen:

1. Kot John 4:5-43.

   1. Ke nditiene uwụtn̄kpọ Jesus, didie ke nnyịn ikpanam n̄kpọ ye mbon oro mîtoho ukem itie oro nnyịn itode? (John 4:9; 1 Cor. 9:22; 1 Tim. 2:3, 4; Titus 2:11)

   2. Mme ufọn eke spirit ewe ke owo oro akabarede edi mbet Jesus enyene? (John 4:14; Isa. 58:11; 2 Cor. 4:16)

   3. Didie ke ikeme ndiwụt esịtekọm ukem nte n̄wan Samaria emi ekenyịmede ndineme mme n̄kpọ oro enye ekekpepde ye mbon en̄wen? (John 4:7, 28; Matt. 6:33; Luke 10:40-42)

Mbụk 91

Jesus Ọnọ Ukpep ke Obot

1. Ke ndise emi, m̀mọ̀n̄ ke Jesus etie ekpep n̄kpọ, ndien mmanie ẹtie ẹkpere enye ẹkan?

2. Nso idi enyịn̄ mme apostle 12 oro?

3. Nso idi Obio Ubọn̄ emi Jesus ọkwọrọde aban̄a?

4. Nso ke Jesus ekpep mme owo ndibọn̄ akam mben̄e?

5. Jesus ọdọhọ ke mme owo ẹkpenam n̄kpọ didie ye kiet eken?

Mme mbụme efen:

1. Kot Matthew 5:1-12.

   Ke mme usụn̄ ewe ke ikpowụt ke imekere iban̄a unana nnyịn ke n̄kan̄ eke spirit? (Matt. 5:3; Rome 10:13-15; 1 Tim. 4:13, 15, 16)

2. Kot Matthew 5:21-26.

   Didie ke Matthew 5:23, 24 ọsọn̄ọ owụt ke nte nnyịn inamde n̄kpọ ye nditọete nnyịn otụk itie ebuana nnyịn ye Jehovah? (Matt. 6:14, 15; Ps. 133:1; Col. 3:13; 1 John 4:20)

3. Kot Matthew 6:1-8.

   Nso idi ndusụk usụn̄ edikụt idem ke edinen emi anade mme Christian ẹfep? (Luke 18:11, 12; 1 Cor. 4:6, 7; 2 Cor. 9:7)

4. Kot Matthew 6:25-34.

   Nso ke Jesus ekekpep aban̄a edibuọt idem ke Jehovah kaban̄a mme n̄kpọ obụkidem oro iyomde? (Ex. 16:4; Ps. 37:25; Phil. 4:6)

5. Kot Matthew 7:1-11.

   Nso ke in̄wan̄-in̄wan̄ uwụtn̄kpọ oro ẹkụtde ke Matthew 7:5 ekpep nnyịn? (N̄ke 26:12; Rome 2:1; 14:10; Jas. 4:11, 12)

Mbụk 92

Jesus Anam mme Akpan̄kpa Ẹset

1. Anie edi ete eyenan̄wan emi ke ndise, ndien ntak emi esịt etịmerede enye ye n̄wan esie etieti?

2. Nso ke Jairus anam ke ini enye okụtde Jesus?

3. Nso itịbe ke ini Jesus akade ufọk Jairus, ndien nso etop ke ẹtobo Jairus ke usụn̄?

4. Ntak emi mbon oro ẹdude ke ufọk Jairus ẹsakde Jesus nsahi?

5. Ke ama akada apostle ita ye ete ye eka eyenan̄wan oro odụk ubet oro eyen emi anade, nso ke Jesus anam?

6. Mmanie efen ke Jesus anam ẹset ke n̄kpa, ndien nso ke emi owụt?

Mme mbụme efen:

1. Kot Luke 8:40-56.

   Didie ke Jesus okowụt mbọm onyụn̄ ekere aban̄a n̄wan oro ọkọdọn̄ọde uwọrọ iyịp, ndien nso ke mbiowo Christian mfịn ẹkeme ndikpep nto emi? (Luke 8:43, 44, 47, 48; Lev. 15:25-27; Matt. 9:12, 13; Col. 3:12-14)

2. Kot Luke 7:11-17.

   Ntak emi mbon oro ẹtabade mbon ima mmọ ke n̄kpa ẹkpebọde akwa ndọn̄esịt ẹto usụn̄ oro Jesus akanamde n̄kpọ ye ebeakpa oro ke Nain? (Luke 7:13; 2 Cor. 1:3, 4; Heb. 4:15)

3. Kot John 11:17-44.

   Didie ke Jesus okowụt ke edi ndammana n̄kpọ nditua eyet ke ini owo ima akpade? (John 11:33-36, 38; 2 Sam. 18:33; 19:1-4)

Mbụk 93

Jesus Ọbọk Ediwak Owo

1. Nso enyene ndịk n̄kpọ itịbe inọ John Baptist, ndien didie ke emi otụk Jesus?

2. Didie ke Jesus ọbọk otuowo emi ẹketienede enye, ndien nyọhọ nsụhọ udia awak adan̄a didie?

3. Ntak emi mme mbet ẹkopde ndịk ke okoneyo, ndien nso itịbe inọ Peter?

4. Didie ke Jesus afiak ọbọk ediwak tọsịn owo?

5. Ntak emi uwem edinen̄erede enem ke ini Jesus akarade isọn̄ nte Edidem Abasi?

Mme mbụme efen:

1. Kot Matthew 14:1-32.

   1. Nso ke mbụk oro ke Matthew 14:23-32 ayarade aban̄a edu Peter?

   2. Didie ke N̄wed Abasi owụt ke Peter ama ọkọri esịm ọyọhọ idaha onyụn̄ akan ibụmede ibụmede edu unam n̄kpọ esie? (Matt. 14:27-30; John 18:10; 21:7; Utom 2:14, 37-40; 1 Pet. 5:6, 10)

2. Kot Matthew 15:29-38.

   Didie ke Jesus okowụt ukpono ọnọ mme n̄kpọ obụkidem emi Ete esie ọkọnọde enye? (Matt. 15:37; John 6:12; Col. 3:15)

3. Kot John 6:1-21.

   Didie ke mme Christian mfịn ẹkeme ndikpebe nte Jesus akanamde n̄kpọ ye ukara? (John 6:15; Matt. 22:21; Rome 12:2; 13:1-4)

Mbụk 94

Enye Ama N̄kpri Nditọ

1. Nso ke mme apostle ẹfan̄a ẹban̄a ke ini mmọ ẹnyọn̄de anyan isan̄?

2. Ntak emi Jesus okotde ekpri eyeneren onyụn̄ anamde enye ada ke iso mme apostle?

3. Ke nso usụn̄ ke mme apostle ẹkpekpep nditie nte n̄kpri nditọ?

4. Ke ọfiọn̄ ifan̄ ẹbede, didie ke Jesus owụt ke imama n̄kpri nditọ?

Mme mbụme efen:

1. Kot Matthew 18:1-4.

   Ntak emi Jesus akadade uwụtn̄kpọ ekpep n̄kpọ? (Matt. 13:34, 36; Mark 4:33, 34)

2. Kot Matthew 19:13-15.

   Ewe mme edu n̄kpri nditọ ke ana nnyịn ikpebe edieke iyomde ndibọ mme edidiọn̄ Obio Ubọn̄? (Ps. 25:9; 138:6; 1 Cor. 14:20)

3. Kot Mark 9:33-37.

   Nso ke Jesus ekekpep mme mbet esie aban̄a ediyom ikpọ itie? (Mark 9:35; Matt. 20:25, 26; Gal. 6:3; Phil. 2:5-8)

4. Kot Mark 10:13-16.

   Adan̄a didie ke mme owo ẹkekeme ndisan̄a n̄kpere Jesus, ndien nso ke mbiowo Christian ẹkeme ndikpep nto uwụtn̄kpọ esie? (Mark. 6:30-34; Phil. 2:1-4; 1 Tim. 4:12)

Mbụk 95

Usụn̄ Nte Jesus Ọnọde Ukpep

1. Ewe mbụme ke owo kiet okobụp Jesus, ndien ntak-a?

2. Nso ke Jesus esida ọnọ ukpep ndusụk ini, ndien nso ke nnyịn ikpekpep iban̄a mme Jew ye mbon Samaria?

3. Ke mbụk oro Jesus okobụkde, nso itịbe inọ owo Jew kiet emi akade isan̄ ke Jericho?

4. Nso itịbe ke ini oku Jew ye Levite ẹdide ẹdibe ke usụn̄ oro?

5. Ke ndise emi, anie an̄wam owo Jew oro ẹmiade mi?

6. Ke ama okokụre mbụk emi, nso mbụme ke Jesus obụp, ndien didie ke owo oro ọbọrọ?

Mme mbụme efen:

1. Kot Luke 10:25-37.

   1. Utu ke ndinọ ibọrọ nnennen nnennen, didie ke Jesus akan̄wam ọfiọk Ibet oro ndikere n̄kpọ? (Luke 10:26; Matt. 16:13-16)

   2. Didie ke Jesus akada uwụtn̄kpọ akan asari oro mme andikpan̄ utọn̄ nnọ enye ẹkenyenede? (Luke 10:36, 37; 18:9-14; Titus 1:9)

Mbụk 96

Jesus Ọkọk Mbon Udọn̄ọ

1. Nso ke Jesus anam nte enye asan̄ade ke ofụri isọn̄?

2. N̄kpọ nte isua ita ke Jesus ama akana baptism, nso ke enye etịn̄ ọnọ mme apostle esie?

3. Mmanie ẹdi emi ke ndise, ndien nso ke Jesus anam ọnọ n̄wan emi?

4. Ntak emi ibọrọ Jesus anamde mme adaiso ido ukpono bụt?

5. Ke ini Jesus ye mme apostle esie ẹsan̄ade ẹkpere Jericho, nso ke Jesus anam ọnọ mbon eben̄e nnan iba?

6. Ntak emi Jesus anamde mme utịben̄kpọ?

Mme mbụme efen:

1. Kot Matthew 15:30, 31.

   Didie ke Jesus owụt utịbe utịbe odudu emi Jehovah enyenede, ndien didie ke emi okpotụk nte nnyịn isede un̄wọn̄ọ Jehovah kaban̄a obufa ererimbot? (Ps. 37:29; Isa. 33:24)

2. Kot Luke 13:10-17.

   Didie ke Jesus ndinam ediwak utịben̄kpọ esie ke usen Sabbath owụt utọ ubọhọ oro enye edinọde ubonowo ke Ukara Tọsịn Isua esie? (Luke 13:10-13; Ps. 46:9; Matt. 12:8; Col. 2:16, 17; Edi. 21:1-4)

3. Kot Matthew 20:29-34.

   Didie ke mbụk emi owụt ke Jesus ikananake ini ikaha ndin̄wam mme owo, ndien nso ke nnyịn ikeme ndikpep nto emi? (Deut. 15:7; Jas. 2:15, 16; 1 John 3:17)

Mbụk 97

Jesus Edi nte Edidem

1. Ke ini Jesus esịmde ekpri obio emi ekperede Jerusalem, nso ke enye ọdọhọ mbet esie ẹnam?

2. Ke ndise emi, nso itịbe ke ini Jesus asan̄ade ekpere Jerusalem?

3. Nso ke n̄kpri nditọ ẹnam ke ini mmọ ẹkụtde nte Jesus ọkọkde mme owo oro ẹdide nnan ye mbụn̄ọ?

4. Nso ke Jesus etịn̄ ọnọ mme oku emi ẹyatde esịt?

5. Didie ke nnyịn ikeme ndibiet n̄kpri nditọ oro ẹketorode Jesus?

6. Nso ke mme mbet ẹyom ndidiọn̄ọ?

Mme mbụme efen:

1. Kot Matthew 21:1-17.

   1. Didie ke Jesus ndidụk Jerusalem nte Edidem okokpụhọde ye edikan oro ikpọ mbonekọn̄ Rome ẹkekande? (Matt. 21:4, 5; Zech. 9:9; Phil. 2:5-8; Col. 2:15)

   2. Nso ke n̄kpri nditọ ẹkeme ndikpep nto nditọwọn̄ Israel emi ẹketịn̄de se idude ke Psalm 118 ke ini Jesus okodụkde temple? (Matt. 21:9, 15; Ps. 118:25, 26; 2 Tim. 3:15; 2 Pet. 3:18)

2. Kot John 12:12-16.

   Nso ke mbon oro ẹketorode Jesus ndikama ndak eyop ada aban̄a? (John 12:13; Phil. 2:10; Edi. 7:9, 10)

Mbụk 98

Ke Obot Olive

1. Ke ndise emi, anie edi Jesus, ndien mmanie ẹdu ye enye?

2. Nso ke mme oku ẹkedomo ndinam ye Jesus ke temple, ndien nso ke enye ọkọdọhọ mmọ?

3. Nso ke mme apostle ẹbụp Jesus?

4. Ntak emi Jesus etịn̄de ndusụk n̄kpọ emi editịbede ke isọn̄ ke ini enye edikarade nte Edidem ke heaven ọnọ mme apostle esie?

5. Jesus ọkọdọhọ ke nso iditịbe mbemiso imọ itrede ofụri idiọkido ke isọn̄?

Mme mbụme efen:

1. Kot Matthew 23:1-39.

   1. Okposụkedi N̄wed Abasi owụtde ke ndikot mme owo udorienyịn̄ ekeme ndifọn, nso ke mme ikọ Jesus ke Matthew 23:8-11 ẹwụt ẹban̄a edinọ mme owo ikpọ udorienyịn̄ ke esop Christian? (Utom 26:25; Rome 13:7; 1 Pet. 2:13, 14)

   2. Nso ke mme Pharisee ẹkedomo ndinam man ẹkpan mme owo ndikabade ndi mme Christian, ndien didie ke mme adaiso ido ukpono ẹnam ukem oro mfịn? (Matt. 23:13; Luke 11:52; John 9:22; 12:42; 1 Thess. 2:16)

2. Kot Matthew 24:1-14.

   1. Didie ke ẹsọn̄ọ ẹtịn̄ ẹban̄a ufọn edime ime ke Matthew 24:13?

   2. Nso ke ikọ oro “utịt” ke Matthew 24:13 ọwọrọ? (Matt. 16:27; Rome 14:10-12; 2 Cor. 5:10)

3. Kot Mark 13:3-10.

   Ewe ikọ ke Mark 13:10 owụt nte edikwọrọ eti mbụk edide usọp usọp n̄kpọ, ndien didie ke ikọ Jesus okpotụk nnyịn? (Rome 13:11, 12; 1 Cor. 7:29-31; 2 Tim. 4:2)

Mbụk 99

Ke Ubet Ufọk Enyọn̄

1. Nte ẹwụtde ke ndise emi, ntak emi Jesus ye mme apostle esie 12 ẹdude ke akwa ubet ufọk enyọn̄?

2. Anie edi owo oro ọkpọn̄de mi, ndien nso ke enye aka ndinam?

3. Nso akpan udia ke Jesus ọtọn̄ọ ke ẹma ẹkedia Passover ẹma?

4. Nso n̄kpọntịbe ke Passover eketi nditọ Israel, ndien nso ke akpan udia emi esiti mme anditiene Jesus?

5. Ke ẹma ẹkedia Udia Mbubịteyo Ọbọn̄ ẹma, nso ke Jesus etịn̄ ye mme mbet esie, ndien nso ke mmọ ẹnam?

Mme mbụme efen:

1. Kot Matthew 26:14-30.

   1. Didie ke Matthew 26:15 owụt ke Judas ọkọfọfiọk atap Jesus ọnọ?

   2. Nso uduak iba ke iyịp Jesus oro ẹkeduọkde enyene?? (Matt. 26:27, 28; Jer. 31:31-33; Eph. 1:7; Heb. 9:19, 20)

2. Kot Luke 22:1-39.

   Ke nso usụn̄ ke Satan okodụk esịt Judas? (Luke 22:3; John 13:2; Utom 1:24, 25)

3. Kot John 13:1-20.

   1. Ke ikerede iban̄a mbụk oro ke John 13:2, ndi ẹkeme ndiduọhọ Judas ke se enye akanamde, ndien nso ke mme asan̄autom Abasi ẹkeme ndikpep nto emi? (Gen. 4:7; 2 Cor. 2:11; Gal. 6:1; Jas. 1:13, 14)

   2. Nso okopodudu ukpepn̄kpọ ke Jesus ekekpep? (John 13:15; Matt. 23:11; 1 Pet. 2:21)

4. Kot John 17:1-26.

   Ke nso usụn̄ifiọk ke Jesus ekeben̄e ete mbet imọ “ẹkpedi kiet”? (John 17:11, 21-23; Rome 13:8; 14:19; Col. 3:14)

Mbụk 100

Jesus ke In̄wan̄

1. M̀mọ̀n̄ ke Jesus ye mme apostle esie ẹka ke ini mmọ ẹkpọn̄de ubet ufọk enyọn̄, ndien nso ke enye ọdọhọ mmọ ẹnam?

2. Nso ke Jesus okụt ke ini enye afiakde edi ebiet emi mme apostle esie ẹdude, ndien ikafan̄ ke emi etịbe?

3. Mmanie ẹdụk in̄wan̄, ndien nte ẹwụtde ke ndise emi, nso ke Judas Iscariot anam?

4. Ntak emi Judas etịmde Jesus inua, ndien nso ke Peter anam?

5. Nso ke Jesus ọdọhọ Peter, edi ntak emi Jesus mîben̄eke Abasi ite ọnọ angel ndomokiet edi?

Mme mbụme efen:

1. Kot Matthew 26:36-56.

   1. Didie ke usụn̄ oro Jesus ọkọnọde mme mbet esie item edi eti uwụtn̄kpọ ọnọ mbiowo Christian mfịn? (Matt. 20:25-28; 26:40, 41; Gal. 5:17; Eph. 4:29, 31, 32)

   2. Didie ke Jesus ekese edikama n̄kpọekọn̄ n̄n̄wana ekọn̄ ye ekemmọ owo? (Matt. 26:52; Luke 6:27, 28; John 18:36)

2. Kot Luke 22:39-53.

   Ke ini angel ọkọbiọn̄ọde Jesus ke iso ke in̄wan̄ Gethsemane man ọsọn̄ọ enye idem, ndi emi ọkọwọrọ ke Jesus ama emem ke mbuọtidem esie? Nam an̄wan̄a. (Luke 22:41-43; Isa. 49:8; Matt. 4:10, 11; Heb. 5:7)

3. Kot John 18:1-12.

   Didie ke Jesus ekekpeme mme mbet esie osio ke ubọk mme andibiọn̄ọ, ndien nso ke ikeme ndikpep nto uwụtn̄kpọ emi? (John 10:11, 12; 18:1, 6-9; Heb. 13:6; Jas. 2:25)

Mbụk 101

Ẹwot Jesus

1. Anie enen̄ede anam ẹwot Jesus?

2. Nso ke mme apostle ẹnam ke ini mme adaiso ido ukpono ẹdade Jesus ẹwọrọ?

3. Nso itịbe ke ufọk Caiaphas oro edide akwa oku?

4. Ntak emi Peter adahade akatua?

5. Ke ẹma ẹkefiak ẹda Jesus ẹsọk Pilate, nso ke ikpọ oku ẹfiori?

6. Nso itịbe inọ Jesus ke ntọn̄ọ uwemeyo Friday, ndien nso ke enye ọn̄wọn̄ọ ndinam nnọ anamidiọk emi ẹkọn̄de ẹkpere enye?

7. Paradise oro Jesus eketịn̄de aban̄a edidu ke m̀mọ̀n̄?

Mme mbụme efen:

1. Kot Matthew 26:57-75.

   Ewe usụn̄ ke mme andibuana ke akwa esop mme Jew ẹkewụt mbukpo esịt mmọ? (Matt. 26:59, 67, 68)

2. Kot Matthew 27:1-50.

   Ntak emi ikemede ndidọhọ ke Judas ikatuaha n̄kpọfiọk ke ofụri esịt? (Matt. 27:3, 4; Mark 3:29; 14:21; 2 Cor. 7:10, 11)

3. Kot Luke 22:54-71.

   Nso ke nnyịn ikeme ndikpep nto Peter ndikan̄ Jesus ke okoneyo oro ẹkedade enye ẹnọ ẹnyụn̄ ẹmụmde enye? (Luke 22:60-62; Matt. 26:31-35; 1 Cor. 10:12)

4. Kot Luke 23:1-49.

   Didie ke Jesus akanam n̄kpọ aban̄a kpukpru idiọkn̄kpọ oro ẹkenamde enye, ndien nso ke nnyịn ikeme ndikpep nto emi? (Luke 23:33, 34; Rome 12:17-19; 1 Pet. 2:23)

5. Kot John 18:12-40.

   Nso ke Peter ndikop ndịk ke ekpri ini ye enye ndifiak n̄kop nsọn̄idem, nnyụn̄ n̄kabade ndi n̄wọrọnda apostle owụt? (John 18:25-27; 1 Cor. 4:2; 1 Pet. 3:14, 15; 5:8, 9)

6. Kot John 19:1-30.

   1. Nso ekikere oro adade ukem ukem ke Jesus ekenyene aban̄a inyene obụkidem? (John 2:1, 2, 9, 10; 19:23, 24; Matt. 6:31, 32; 8:20)

   2. Didie ke mme ikọ oro Jesus eketịn̄de uko uko ke ini n̄kpa esie ẹwụt ke enye ama ọsọn̄ọ ada ọnọ itie edikara Jehovah? (John 16:33; 19:30; 2 Pet. 3:14; 1 John 5:4)

Mbụk 102

Jesus Odu Uwem

1. N̄wan emi ke ndise edi anie, mmanie ke irenowo iba emi ẹdi, ndien mmọ ẹdu ke m̀mọ̀n̄?

2. Ntak emi Pilate ọdọhọde mme oku ẹdọn̄ mbonekọn̄ ẹkekpeme udi Jesus?

3. Nso ke angel anam ke tụhi usenubọk ọyọhọ usen ita tọn̄ọ nte Jesus akakpa, edi nso ke mme oku ẹnam?

4. Ntak emi idem akpade ndusụk iban ke ini mmọ ẹkade ẹkese udi Jesus?

5. Ntak emi Peter ye John ẹfehede ẹka udi Jesus, ndien nso ke mmọ ẹkụt?

6. Nso iketịbe inọ okpo Jesus, edi nso ke enye anam ndiwụt mme mbet ke imọ imodu uwem?

Mme mbụme efen:

1. Kot Matthew 27:62-66 ye 28:1-15.

   Ke ini Jesus ekesetde ke n̄kpa, didie ke mbọn̄ oku, mme Pharisee, ye mbiowo ẹkenam idiọkn̄kpọ ẹdian edisana spirit? (Matt. 12:24, 31, 32; 28:11-15)

2. Kot Luke 24:1-12.

   Didie ke mbụk ediset ke n̄kpa Jesus owụt ke Jehovah ada iban nte mme ntiense oro ẹkemede ndiberi edem? (Luke 24:4, 9, 10; Matt. 28:1-7)

3. Kot John 20:1-12.

   Didie ke John 20:8, 9 an̄wam nnyịn ndikụt nte oyomde inyene ime edieke nnyịn mîtịmke ifiọk se edisu ntịn̄nnịm ikọ Bible ọwọrọde? (N̄ke 4:18; Matt. 17:22, 23; Luke 24:5-8; John 16:12)

Mbụk 103

Odụk Esịt Ubet Ẹkọbide

1. Nso ke Mary etịn̄ ye owo emi enye ekerede ke edi ekpeme in̄wan̄, edi nso inam enye ọfiọk ke owo oro enen̄ede edi Jesus?

2. Nso itịbe inọ mbet iba emi ẹsan̄ade ẹka ekpri obio Emmaus?

3. Nso n̄kpọ n̄kpaidem itịbe ke ini mbet iba ẹdọhọde mme apostle ke mmimọ imokụt Jesus?

4. Ikafan̄ ke Jesus okowụt mme anditiene enye idem?

5. Nso ke Thomas etịn̄ ke ini enye okopde ke mme mbet ẹkụt Ọbọn̄, edi nso itịbe usen itiaita ke oro ebede?

Mme mbụme efen:

1. Kot John 20:11-29.

   Ndi ikọ Jesus ke John 20:23 ọkọwọrọ ke ẹnọ mme owo odudu ndifen mme idiọkn̄kpọ? Explain. (Ps. 49:2, 7; Isa. 55:7; 1 Tim. 2:5, 6; 1 John 2:1, 2)

2. Kot Luke 24:13-43.

   Didie ke nnyịn ikeme nditịm esịt nnyịn man ikop akpanikọ Bible? (Luke 24:32, 33; Ezra 7:10; Matt. 5:3; Utom 16:14; Heb. 5:11-14)

Mbụk 104

Jesus Afiak ke Heaven

1. Mbet ifan̄ ẹkụt Jesus ini kiet, ndien nso ke enye etịn̄ ọnọ mmọ aban̄a?

2. Nso idi Obio Ubọn̄ Abasi, ndien uwem editie didie ke isọn̄ ke ini Jesus akarade nte Edidem ke isua tọsịn kiet?

3. Jesus owụt mme mbet esie idem usen ifan̄, edi nso ke enye oyom ndinam idahaemi?

4. Nso ke Jesus ọdọhọ mme mbet esie ẹnam esisịt ini mbemiso ọkpọn̄de mmọ?

5. Nso itịbe ke ndise emi, ndien ntak owo mîkemeke ndikụt Jesus aba?

Mme mbụme efen:

1. Kot 1 Corinthians 15:3-8.

   Ntak emi apostle Paul eketịn̄de uko uko aban̄a ediset ke n̄kpa Jesus, ndien nso ke mme Christian mfịn ẹkeme nditịn̄ ye uko? (1 Cor. 15:4, 7, 8; Isa. 2:2, 3; Matt. 24:14; 2 Tim. 3:1-5)

2. Kot Utom 1:1-11.

   Nte ẹkebemde iso ẹtịn̄ ke Utom 1:8, utom ukwọrọikọ akatara adan̄a didie? (Utom 6:7; 9:31; 11:19-21; Col. 1:23)

Mbụk 105

Ndibet ke Jerusalem

1. Nte ndise emi owụtde, nso itịbe inọ mme anditiene Jesus emi ẹbetde ke Jerusalem?

2. Nso n̄kpọ n̄kpaidem ke isenowo ke Jerusalem ẹkụt?

3. Nso ke Peter anam an̄wan̄a mme owo?

4. Etie mme owo ke idem didie ke mmọ ẹma ẹkekpan̄ utọn̄ ẹnọ Peter, ndien nso ke enye ọdọhọ mmọ ẹnam?

5. Owo ifan̄ ẹkena baptism ke usen Pentecost eke isua 33 E.N.?

Mme mbụme efen:

1. Kot Utom 2:1-47.

   1. Didie ke ikọ Peter oro ẹkụtde ke Utom 2:23, 36 ẹwụt ke mme Jew ke ofụri ofụri ẹma ẹnyene nduduọhọ ke n̄kpa Jesus? (1 Thess. 2:14, 15)

   2. Didie ke Peter ekenịm eti uwụtn̄kpọ ke ndida N̄wed Abasi n̄kọk ibuot ye mme owo? (Utom 2:16, 17, 29, 31, 36, 39; Col. 4:6)

   3. Didie ke Peter akada akpa ke otu “mme ukpọhọde Obio Ubọn̄ heaven,” emi Jesus ọkọn̄wọn̄ọde ndinọ enye anam n̄kpọ? (Utom 2:14, 22-24, 37, 38; Matt. 16:19)

Mbụk 106

Ẹnam Ẹbọhọ ke N̄kpọkọbi

1. Nso itịbe inọ Peter ye John ke ini mmọ ẹsan̄ade ẹka temple uwemeyo kiet?

2. Nso ke Peter etịn̄ ọnọ mbụn̄ọ kiet, ndien nso n̄kpọ emi ọsọn̄de urua akan okụk ke Peter ọnọ enye?

3. Ntak emi mme adaiso ido ukpono ẹyatde esịt, ndien nso ke mmọ ẹnam Peter ye John?

4. Nso ke Peter etịn̄ ye mme adaiso ido ukpono oro, ndien nso ntọt ke mme apostle ẹbọ?

5. Ntak emi mme adaiso ido ukpono oro ẹfụbede ufụp, edi nso itịbe ke ini ẹsịnde mme apostle ke ufọk n̄kpọkọbi ọyọhọ ikaba?

6. Nso ke mme apostle ẹbọrọ ke ini ẹdade mmọ ẹdi efe Sanhedrin?

Mme mbụme efen:

1. Kot Utom 3:1-10.

   Okposụkedi owo mînọhọ nnyịn odudu ndinam mme utịben̄kpọ mfịn, didie ke mme ikọ Peter oro ẹwetde ke Utom 3:6 ẹn̄wam nnyịn ndifiọk ufọn oro etop Obio Ubọn̄ enyenede? (John 17:3; 2 Cor. 5:18-20; Phil. 3:8)

2. Kot Utom 4:1-31.

   Ke ini isobode ubiọn̄ọ ke utom ukwọrọikọ, ke nso usụn̄ ke ikpekpebe nditọete Christian nnyịn eke akpa isua ikie? (Utom 4:29, 31; Eph. 6:18-20; 1 Thess. 2:2)

3. Kot Utom 5:17-42.

   Didie ke ndusụk mbon oro mîkedịghe Mme Ntiense ke eset ye idahaemi ẹnam n̄kpọ ẹban̄a utom ukwọrọikọ? (Utom 5:34-39)

Mbụk 107

Ẹtọn̄ọ Stephen ke Itiat

1. Anie edi Stephen, ndien nso ke Abasi esin̄wam enye ndinam?

2. Nso ke Stephen etịn̄ emi anamde mme adaiso ido ukpono ẹtịm ẹyat esịt?

3. Ke ini mmọ ẹdụride Stephen ẹwọrọ ke obio, nso ke mmọ ẹnam ye enye?

4. Ke ndise emi, anie akparawa ada oko ke itie oro ẹbonde mme ọfọn̄?

5. Nso akam ke Stephen ọbọn̄ ọnọ Jehovah mbemiso enye akpade?

6. Ke ndikpebe Stephen, nso ke nnyịn ikpanam ke ini owo anamde nnyịn idiọkn̄kpọ?

Mme mbụme efen:

1. Kot Utom 6:8-15.

   Mme abian̄a abian̄a edinam ewe ke mme adaiso ido ukpono ẹsidomo ndida ntre utom ukwọrọikọ Mme Ntiense Jehovah? (Utom 6:9, 11, 13)

2. Kot Utom 7:1-60.

   1. Nso ikan̄wam Stephen ndikụt unen ke ndisọn̄ọ nda n̄kwọrọ eti mbụk ke Sanhedrin, ndien nso ke nnyịn ikeme ndikpep nto uwụtn̄kpọ esie? (Utom 7:51-53; Rome 15:4; 2 Tim. 3:14-17; 1 Pet. 3:15)

   2. Didie ke nnyịn ikpese mbon oro ẹbiọn̄ọde utom nnyịn? (Utom 7:58-60; Matt. 5:44; Luke 23:33, 34)

Mbụk 108

Ke Usụn̄ Akade Damascus

1. Nso ke Saul anam ke ẹma ẹkewot Stephen?

2. Nso n̄kpọ n̄kpaidem itịbe ke ini Saul akade Damascus?

3. Nso ke Jesus ọdọhọ Saul anam?

4. Nso ke Jesus asian Ananias, ndien Saul anam didie afiak okụt usụn̄?

5. Nso idi obufa enyịn̄ Saul, ndien nso utom ke ẹda enye ẹnam?

Mme mbụme efen:

1. Kot Utom 8:1-4.

   Didie ke ọkpọsọn̄ ukọbọ oro ekesịmde obufa esop Christian oro ẹkesiakde akan̄wam ndisuan Ido Ukpono Christ, ndien ewe mbiet n̄kpọ oro etịbe mfịn? (Utom 8:4; Isa. 54:17)

2. Kot Utom 9:1-20.

   Ewe adiana-ita utom ke Jesus okoyom ndidọn̄ Saul? (Utom 9:15; 13:5; 26:1; 27:24; Rome 11:13)

3. Kot Utom 22:6-16.

   Didie ke nnyịn ikpekpebe Ananias, ndien ntak oro edide akpan n̄kpọ? (Utom 22:12; 1 Tim. 3:7; 1 Pet. 1:14-16; 2:12)

4. Kot Utom 26:8-20.

   Didie ke Saul ndikpụhọde ido ukpono esie ndụk Ido Ukpono Christ edi n̄kpọ nsịnudọn̄ ọnọ mbon oro ẹnyenede nsan̄a ndọ oro mînịmke ke akpanikọ mfịn? (Utom 26:11; 1 Tim. 1:14-16; 2 Tim. 4:2; 1 Pet. 3:1-3)

Mbụk 109

Peter Ekese Cornelius

1. Anie owo ọtọn̄ọ edọn̄ emi ke ndise?

2. Nso ke angel ọdọhọ Cornelius?

3. Nso ke Abasi owụt Peter ke ini enye odude ke ọkọm ufọk Simon ke Joppa?

4. Ntak emi Peter ọdọhọde Cornelius nte ke enye ikpọtọn̄ọke edọn̄ ituak ibuot inọ imọ?

5. Ntak emi idem akpade mme mbet Jew emi ẹdude ye Peter?

6. Nso akpan n̄kpọ ke nnyịn ikpekpep ito Peter ndika n̄kese Cornelius?

Mme mbụme efen:

1. Kot Utom 10:1-48.

   Nso ke mme ikọ Peter oro ẹkụtde ke Utom 10:43 ẹwụt ẹban̄a utom edikwọrọ eti mbụk Obio Ubọn̄? (Matt. 28:19; Mark 13:10; Utom 1:8)

2. Kot Utom 11:1-18.

   Nso edu ke Peter okowụt ke ini enye ọkọfiọkde ke Jehovah ada mme Gentile usụn̄, ndien didie ke nnyịn ikpekpebe uwụtn̄kpọ esie? (Utom 11:17, 18; 2 Cor. 10:5; Eph. 5:17)

Mbụk 110

Timothy—Obufa Andin̄wam Paul

1. Akparawa emi ke ndise edi anie, enye odụn̄ ke m̀mọ̀n̄, ndien eka esie ye ekaeka esie ẹkere didie?

2. Nso ke Timothy ọbọrọ ke ini Paul obụpde m̀mê enye akpama ndisan̄a ye imọ ye Silas n̄kwọrọ ikọ nnọ mme owo ke anyan ebiet?

3. M̀mọ̀n̄ ke ẹkot mme anditiene Jesus Christian ke akpa ini?

4. Siak ndusụk obio oro Paul, Silas, ye Timothy ẹkade ke ndondo oro mmọ ẹkpọn̄de Lystra?

5. Didie ke Timothy an̄wam Paul, ndien nso mbụme ke mme uyen mfịn ẹkpebụp idemmọ?

Mme mbụme efen:

1. Kot Utom 9:19-30.

   Didie ke apostle Paul okowụt mbufiọk ke ini ẹkebiọn̄ọde enye ke ntak eti mbụk? (Utom 9:22-25, 29, 30; Matt. 10:16)

2. Kot Utom 11:19-26.

   Didie ke mbụk oro ẹwetde ke Utom 11:19-21, 26 owụt ke spirit Jehovah ke ọnọ utom ukwọrọikọ ndausụn̄?

3. Kot Utom 13:13-16, 42-52.

   Didie ke Utom 13:51, 52 owụt ke mme mbet ikayakke ubiọn̄ọ anam idem emem mmọ? (Matt. 10:14; Utom 18:6; 1 Pet. 4:14)

4. Kot Utom 14:1-6, 19-28.

   Didie ke ikọ oro “ẹyak mmọ ẹsịn ke ubọk Jehovah” an̄wam nnyịn nditre nditịmede esịt nte mîdotke ke ini in̄wamde mbufa owo? (Utom 14:21-23; 20:32; John 6:44)

5. Kot Utom 16:1-5.

   Didie ke Timothy ndinyịme ẹnịm imọ mbobi ọsọn̄ọ owụt ke edi akpan n̄kpọ ‘ndinam kpukpru n̄kpọ kaban̄a eti mbụk’”? (Utom 16:3; 1 Cor. 9:23; 1 Thess. 2:8)

6. Kot Utom 18:1-11, 18-22.

   Didie ke Utom 18:9, 10 owụt ke Jesus ke idem esie esinọ ndausụn̄ ke utom ukwọrọikọ, ndien nso nsọn̄ọ ke oro ọnọ nnyịn mfịn? (Matt. 28:20)

Mbụk 111

Eyeneren emi Ekedede Idap

1. Ke ndise emi, anie eyeneren ana oro ke isọn̄, ndien nso iketịbe inọ enye?

2. Nso ke Paul anam ke ini okụtde ete ke eyeneren emi akpa?

3. Paul, Timothy, ye mbon oro ẹsan̄ade ye mmọ ẹka m̀mọ̀n̄, ndien nso itịbe ke ini mmọ ẹbetde ke Miletus?

4. Nso ntọt ke prọfet Agabus ọnọ Paul, ndien didie ke oro etịbe kpa nte prọfet oro etịn̄de?

Mme mbụme efen:

1. Kot Utom 20:7-38.

   1. Didie ke nnyịn ikeme ‘ndisana ke iyịp kpukpru owo,’ nte Paul etịn̄de ke Utom 20:26, 27? (Ezek. 33:8; Utom 18:6, 7)

   2. Ntak emi mbiowo ‘ẹkpesọn̄ọde ẹmụm ikọ akpanikọ ẹkama’ ke ini mmọ ẹkpepde n̄kpọ? (Utom 20:17, 29, 30; Titus 1:7-9; 2 Tim. 1:13)

2. Kot Utom 26:24-32.

   Didie ke Paul akada itie esie nte eyenisọn̄ Rome anam utom emi Jesus ọkọdọn̄de enye? (Utom 9:15; 16:37, 38; 25:11, 12; 26:32; Luke 21:12, 13)

Mbụk 112

Ubom Osịp ke Isuo Kiet

1. Nso itịbe inọ ubom emi Paul odụkde nte ubom oro ekperede isuo Crete?

2. Nso ke Paul etịn̄ ọnọ mbon oro ẹdude ke ubom?

3. Ubom anam didie anuaha mbak mbak?

4. Nso ke etubom ekọn̄ emi esede otu owo enyịn ọdọhọ, ndien owo ifan̄ ẹsịm obot ke ifụre?

5. Ẹkot didie isuo oro mmọ ẹbehede, ndien nso itịbe inọ Paul ke ini eyo ọfọnde akan?

Mme mbụme efen:

1. Kot Utom 27:1-44.

   Didie ke ẹsọn̄ọ mbuọtidem nnyịn nte ke n̄wetnnịm n̄kpọ Bible enen ke ini ikotde mbụk aban̄ade isan̄ emi Paul akakade ke Rome? (Utom 27:16-19, 27-32; Luke 1:3; 2 Tim. 3:16, 17)

2. Kot Utom 28:1-14.

   Edieke mbon Malta emi ẹkedide mme okpono ndem ẹkemade ndiwụt apostle Paul ye nsan̄a esie oro ẹkedude ke ubom oro ekesịpde “n̄wọrọnda mfọnido,” nso ke emi okponụk mme Christian ndinam, ndien akpan akpan ke nso usụn̄? (Utom 28:1, 2; Heb. 13:1, 2; 1 Pet. 4:9)

Mbụk 113

Paul ke Rome

1. Mmanie ke Paul ọkwọrọ ikọ ọnọ ke ini ẹkọbide enye ke Rome?

2. Ke ndise emi, anie edi esenowo emi ke okpokoro, ndien nso ke enye anam ọnọ Paul?

3. Anie edi Epaphroditus, ndien nso ke enye ada ọnyọn̄ Philippi?

4. Ntak emi Paul ewetde leta ọnọ Philemon, eti ufan esien?

5. Nso ke Paul anam ke ini ẹsanade enye ẹyak, ndien nso itịbe inọ enye nte ini akade?

6. Anie ke Jehovah ada ewet mme akpatre n̄wed Bible, ndien nso ke n̄wed Ediyarade etịn̄ aban̄a?

Mme mbụme efen:

1. Kot Utom 28:16-31 ye Philippi 1:13.

   Didie ke Paul akada ini esie anam n̄kpọ ke ini okodude ke ufọk n̄kpọkọbi ke Rome, ndien nso odudu ke ọkpọsọn̄ mbuọtidem esie ekenyene ke esop Christian? (Utom 28:23, 30; Phil. 1:14)

2. Kot Philippi 2:19-30.

   Nso ikọ esịtekọm ke Paul eketịn̄ aban̄a Timothy ye Epaphroditus, ndien didie ke nnyịn ikpekpebe uwụtn̄kpọ Paul? (Phil. 2:20, 22, 25, 29, 30; 1 Cor. 16:18; 1 Thess. 5:12, 13)

3. Kot Philemon 1-25.

   1. Ntak emi Paul ekesịnde udọn̄ ọnọ Philemon ndinam se ifọnde, ndien didie ke emi etie nte ndausụn̄ ọnọ mbiowo mfịn? (Philem. 9; 2 Cor. 8:8; Gal. 5:13)

   2. Didie ke ikọ Paul oro ẹkụtde ke Philemon 13, 14 owụt ke enye ama okpono ubieresịt mbon en̄wen ke esop? (1 Cor. 8:7, 13; 10:31-33)

4. Kot 2 Timothy 4:7-9.

   Ukem nte apostle Paul, didie ke nnyịn ikeme ndinyene mbuọtidem nte ke Jehovah ọyọnọ nnyịn utịp edieke isọn̄ọde ida isịm utịt? (Matt. 24:13; Heb. 6:10)

Mbụk 114

Utịt Kpukpru Idiọk Ido

1. Ntak emi Bible etịn̄de aban̄a mme horse ke heaven?

2. Ẹkot didie ekọn̄ emi Abasi edin̄wanade ye ndiọi owo ke isọn̄, ndien ntak ẹdin̄wanade ekọn̄ emi?

3. Nte ẹwụtde ke ndise emi, anie edida iso ke ndin̄wana ekọn̄ emi, ntak emi enye ayarade uyaraibuot edidem, ndien nso ke ofụt esie oro owụt?

4. Ke ini ifiakde ise Mbụk 10, 15, 33, ntak emi idem mîkpakpaha nnyịn nte ke Abasi oyosobo mme idiọk owo?

5. Didie ke Mbụk 36 ye 76 ẹwụt ke Abasi oyosobo mme idiọk owo okposụkedi mmọ ẹdọhọde ke imokpono enye?

Mme mbụme efen:

1. Kot Ediyarade 19:11-16.

   1. Didie ke N̄wed Abasi anam an̄wan̄a nte ke Jesus Christ edi andiwat afia enan̄ mbakara? (Edi. 1:5; 3:14; 19:11; Isa. 11:4)

   2. Didie ke iyịp oro ẹsịmede ke ekụra Jesus ọsọn̄ọ nte ke enye ayakan ke ekọn̄ oro? (Edi. 14:18-20; 19:13)

   3. Ekeme ndidi mmanie ẹsịne ke udịmekọn̄ emi ẹtienede Jesus ke afia enan̄ mbakara esie? (Edi. 12:7; 19:14; Matt. 25:31, 32)

Mbụk 115

Obufa Paradise ke Isọn̄

1. Mme idaha ewe ke Bible owụt nte nnyịn ididarade ke Paradise isọn̄?

2. Nso ke Bible ọn̄wọn̄ọ ọnọ mbon oro ẹdidụn̄de ke Paradise?

3. Ini ewe ke Jesus edikụt ete ke ndyọ ndyọ ukpụhọde emi etịbe?

4. Ke ini Jesus okodude ke isọn̄, nso ke enye akanam ndiwụt se imọ idinamde nte Edidem Obio Ubọn̄ Abasi?

5. Nso ke Jesus ye nsan̄a mme andikara esie ke heaven ẹdinam ke ini mmọ ẹkarade isọn̄?

Mme mbụme efen:

1. Kot Ediyarade 5:9, 10.

   Ntak emi nnyịn ikemede ndinyene mbuọtidem nte ke mbon oro ẹdikarade isọn̄ nte ndidem ye mme oku ke Tọsịn Isua Ukara oro ẹyewụt mbọm? (Eph. 4:20-24; 1 Pet. 1:7; 3:8; 5:6-10)

2. Kot Ediyarade 14:1-3.

   Nso ke ndiwet enyịn̄ Ete ye enyịn̄ Eyenerọn̄ ke ọkpọiso 144,000 owụt? (1 Cor. 3:23; 2 Tim. 2:19; Edi. 3:12)

Mbụk 116

Nte Ikemede Ndidu ke Nsinsi

1. Nso ke ana nnyịn ifiọk edieke anade idu ke nsinsi?

2. Didie ke nnyịn ikeme ndikpep n̄kpọ mban̄a Jehovah Abasi ye Jesus, nte ekpri eyenan̄wan ye mme ufan esie ẹnamde ke ndise emi?

3. Ewe n̄wed efen ke okụt ke ndise emi, ndien ntak emi ikpokotde enye kpukpru ini?

4. Ke adianade ye edikpep mban̄a Jehovah ye Jesus, nso efen ke oyom man ẹnyene nsinsi uwem?

5. Nso ke nnyịn ikpep itọ Mbụk 69?

6. Nso ke eti uwụtn̄kpọ oro ekpri Samuel enịmde ke Mbụk 55 owụt?

7. Didie ke nnyịn ikeme nditiene uwụtn̄kpọ Jesus Christ, ndien edieke inamde oro, nso ke idikeme ndinam ke ini iso?

Mme mbụme efen:

1. Kot John 17:3.

   Didie ke N̄wed Abasi owụt ke ndinyene ifiọk Jehovah Abasi ye Jesus Christ esịne se ikponde ikan editi mme akpan n̄kpọ? (Matt. 7:21; Jas. 2:18-20; 1 John 2:17)

2. Kot Psalm 145:1-21.

   1. Nso idi ndusụk ke otu ediwak ntak oro inyenede nditoro Jehovah? (Ps. 145:8-11; Edi. 4:11)

   2. Didie ke Jehovah ‘ọfọn ye kpukpru owo,’ ndien didie ke emi ekpenen̄ede odụri nnyịn ekpere enye? (Ps. 145:9; Matt. 5:43-45)

   3. Edieke nnyịn inen̄erede ima Jehovah, nso ke emi edinụk nnyịn ndinam? (Ps. 119:171, 172, 175; 145:11, 12, 21)