¿AƁAɄBA OSIDA?
Bagabaga i
BAGABAGA ira ɓʉgʉzoaia quiruda. Idji ira begueaibʉrʉ, poraba mititiaibʉrʉ poya wã ɓarĩẽ́da. Maʉ̃ bʉrʉ idji ira bio põãsa quiruda idjaɓa memeaẽ́ quiruda. ¿Cãrẽ cãrẽã?
Bagabaga ira ɓeda ecama quĩrãca ɓʉda
Crĩchadua araarebemada: Carta cawa ɓeaba bio cawasiɗada bagabagara dji ira, ɓeda ecama quĩrãca bʉda. Jaʉ̃gʉba careba ɓʉda beguearãmãrẽã, idjaɓa memearãmãrẽã. Ingenierorãba oɗa quĩrĩã panʉda bagabaga i quĩrãca bio biara. Idjaɓa medicoba ne awara eroɓaida bio pora neẽ́ quiruda. Mãwãra cacua biẽ́ ɓeaɗaẽ́da.
Jãʉ̃gʉba acʉbi quĩrĩã ɓʉda, ingenierorãba oɗa quĩrĩã panʉda Jeowaba oɗa quĩrãca. “Naʉ̃ ẽjũãne djubibi queɗeaɗeba, idjaɓa waiɓʉa ɓeaɗeba, jãʉ̃gʉɗeba unu panʉda ẽberãrãba biara panani carea”. Jãʉ̃da jãwã jarasida Bharat Bhushan.
¿Bʉa cãrẽda crĩcha ɓʉ? ¿Bagababa ira idjiduɓa zesida? O ¿dewaraʉba osiɗada?