Ʉ̃cʉrʉ ẽberãba quĩrĩãnacada cãpũrĩã, ẽberãara o torroa

¿Sãmaʉ̃ba zesiɗada ẽberãara, cãpũrĩãrã, torroarã?

“Adaʉ̃ba idji wẽrãra trʉ̃ ɓʉsia Eva, idjira jũma dadji zocai ɓea papa bẽrã” (Genesi 3:20).

CAWA ƁEABA JARAƊARA

La Organización de las Naciones Unidas para la Educación, la Ciencia y la Cultura (UNESCO), jarasida: “Jũma ẽberãrãra aɓa ɓʉɗeba zebʉdada” (Declaración sobre la raza y los prejuicios raciales, 1978de).

BIBLIABA JARA ƁɄDA

Ãcõrẽba osia Adaʉ̃ idjaɓa dji quima Eva siɗa. Ãdjía idjia jãʉ̃da jarasia: “Warra zocãrã ununadua. Naʉ̃ ẽjũãra biraɗadua idjaɓa jũma naʉ̃ ẽjũãne ɓeara bãrã jʉwaeɗa eroɓeaɗadua” (Genesi 1:28). Jũmarãda zesiɗada Adaʉ̃ Evaɗeba. Mãwãnacarea dopapa zepeɗa aɓabe ẽdrʉsida Noé dji cuariarãme. Ãdjiɗeba jũmarãda zesiɗada (Genesi 9:18, 19).

¿Ẽberãara biara ɓʉda torroara, cãpũrĩãrã cãyãbara?

“Idjia ẽberã aɓaʉɗeba puruda zocãrã yõbisia jũma naʉ̃ ẽjũãne ɓeaɗamãrẽã” (Hecho 17:26).

Ʉ̃CɄRɄBA JARAƊA

siglo veinteɗe zocãrã grupoba crĩchabadjiɗada, torroara bio biara ɓʉda dewara cãyãbara. Dji grupo naziba crĩchasida, jãʉgʉra idjiɗedrʉ biara ɓʉda. Dji organización UNESCO jarasiɗaa: “Ẽberãrã aɓaʉɗeba zesiɗada, maʉ̃ bʉrʉ purura ni aɓaʉda biara ɓʉẽ́da. Maʉ cãyãbara aɓa ɓʉ quĩrãca ɓʉda”.

BIBLIBA JARA ƁɄ

“Wãrãda Ãcõrẽba ni aɓaʉda quĩrã awara ocada. Ãtebʉrʉ puruzabema idji wayaaba jipa o ɓeada bia unubaria” (Hecho 10:34, 35). Maʉ̃ bʉrʉ crĩchaɗaẽ́da dewara razarã biara ɓʉda. Maʉ cãyãbara aɓa bʉ quĩrãca ɓʉda.

Jesu ĩjã ɓeaba jarasiɗada jũmarãda bãrãrãa djabarã quĩrãca beaɗida (Mateo 23:8). Jesura ʉ̃taa dji iwiɗisia dji zezea. Idjia dji ẽpẽbadarãra quĩrĩã basida pananida. Jãʉ̃gʉba jara quĩrĩã ɓʉda jũma ãbaa pananida (Juaʉ̃ 17:20-23; 1 Corinto 1:10).

¿Ewari aɓaʉɗe cãpũrĩã, torroa, ẽberãa dji quĩrĩã pananida?

“Ewari jõbʉrʉɗe, Ãcõrẽ eyara jipa nũmeya dewara ɓea eya cãyãbara idjaɓa ʉ̃tʉara ɓaya jãʉ̃ eya zaque cãyãbara, jãʉ̃ eyaɗaa jũma pururaɗebemarã wãnia” (Isaías 2:2).

Ʉ̃CɄRɄBA CRĨCHAƊA

Ʉ̃cʉrʉ ẽberãba jãwã crĩchabadada naʉ̃ ewariɗera, ʉ̃cʉrʉ biara ɓeada dewara cãyãbara. Baribʉrʉ ewari zebʉrʉɗera ẽberãararã ãbaa beaɗira dewaraʉme, beɗea neẽ́a.

BIBLIABA JARA ƁɄ

Jeowaba quĩrĩã ɓʉda jũma ẽberãrãra necai pananida. Baribʉrʉ dãrãẽ́ne naʉ̃ ẽjũãne idjia gobernabibʉrʉɗera, pananida dewara puruɗebema, dewara beɗea, idjaɓa dewara raza. Idjaɓa idjia quĩrĩã ɓʉda jãʉ̃gʉrara, jũma ãbaa bia pananida (Apocalipsi 7:9). Ãcõrẽ Bororã ʉ̃taare ɓʉda. Wãrã arada naʉ̃ ewariɗera, idjia quĩrĩã ɓʉda dadji ẽberãrãra jũma djabarã quĩrãca ãbaa pananida naʉ̃ ẽjũãne idjia mandabibʉrʉɗera.a