¿Beɗea bia Bibliaɗebemada wãrã arada Ãcõrẽnebemada?

1. ¿Caiba ɓʉbisi Bibliara?

Ẽberãrãra dãrã poya pananida naʉ̃ ẽjũãne, jãʉ̃ beɗeara Bibliaba jara ɓʉda (Mateo 5:5). Bibliaba eroɓʉda 66 carta zaquerã. 40 umaquĩrãrãba jipa ɓeada Ãcõrẽba jʉrʉ edasida ɓʉɗi carea. Carta nabema juesuma Moiseba ɓʉsida tres mil quinientos poaga naẽna. Jĩrũarebema cartaɗe dji apóstol Juaʉ̃ba ɓʉsida mil novecientos poaga naẽna. Jũma beɗea Bibliaɗe Ãcõrẽnebemada. Ãcõrẽba beɗeasida ãdjirãme idji jaureɗeba (2 Samuel 23:2). Ãdjirãba ara ãdji quĩchaɗeba ni maãrĩ biɗa ɓʉɗaẽ́ basía, maʉ̃ cãyãbara ãdjirãba beɗeasiɗaa Ãcõrẽba jaraɗara. Maʉ̃ bẽrã Jeowaba Bibliara ɓʉbisia. Leadua 2 Timoteo 3:16; 2 Pedro 1:20, 21.

Acʉdua dji video ¿Caiba ɓʉbisi Bibliara?

2. ¿Cãrẽ cãrẽã wãrãda poya ĩjãnida Bibliaba jara ɓʉra?

Dadjirãba cawa panʉda Bibliara Ãcõrẽnebemada. Jãʉ̃ba wãrãda jara ɓʉ bẽrã cãrẽda mãwãida ewari zebʉrʉɗera (Josue 23:14). Ẽberãrãba jãʉ̃ra poya oɗaẽ́da, aɓabe bʉrʉ Ãcõrẽba poya oida idjira ʉɓʉa ɓʉ bẽrã. Leadua Tito 1:2, 3.

Aɓa cartada zebʉrʉ Ãcõrẽnebemada maʉ̃ra bia ɓaida. Bibliara bio biara ɓʉda. Bibliara zocãrã ɓʉda awara awara beɗeaɗe naʉ̃ ẽjũãne. Naẽnaena ɓʉsiɗamĩna, ne zocãrã ẽberãba cawaɗara naʉ̃ ewariɗera ẽjũãnebemada Bibliaba naẽnaena jara ɓaɗa. 40 umaquĩrãrãba ɓʉbadara awara awara panasiɗamĩna aɓa ɓʉ ɓʉɗada. Idjaɓa, jãʉ̃ carta enterora acʉbi panʉda Ãcõrẽba wãrãda quĩrĩã ɓʉda dadjirã, maʉ̃ carea waɗi Bibliaba poya ara obi ɓʉ ẽberãrãba o panʉra. Maʉ̃ bẽrã zocãrã ẽberãrãba wãrãda quĩcha panʉda Bibliara Ãcõrẽ Beɗeada. Leadua 1 Tesalonica 2:13.

Acʉdua dji video ¿Beɗea bia Bibliaɗebemada wãrã arada Ãcõrẽnebemada?

3. ¿Cãrẽne beɗea ɓʉda Bibliara?

Bibliaba naʉ̃gʉ beɗea bia jara ɓʉda: Ãcõrẽba ne bia dia quĩrĩã ɓʉ ẽberãrã carea. Bibliaba jara ɓʉda naẽnaeɗa Ãcõrẽba osiɗe ẽberãda ãdjirãba ĩjãnaẽ́ ɓasiɗada idjiɗera maʉ̃ carea ẽberãrãba ẽjũã quĩrãwãrẽada aduasiɗada idjaɓa jara ɓʉda Ãcõrẽba sãwã wãya diaida jãʉ̃ ẽjũã mera quiruda. Leadua Apocalipsi 21:4, 5.

Ãcõrẽ Beɗeaba jara ɓʉda leyra, beɗea wãrãda Ãcõrẽnebemada, ʉ̃rãga bia siɗa. Idjaɓa jara ɓʉda Jeowaba sãwã oɗa ẽberãrã itea, jãʉ̃gʉba acʉbi ɓʉda idjira sãwãbʉrʉ ɓʉda. Maʉ̃ bẽrã Bibliaba poya careba ɓʉda bio cawaɗamãrẽã Ãcõrẽra. Idjaɓa jaradia ɓʉda cãrẽ poya oɗida dji biarã panani carea idjime. Leadua Hebreo 8:10; Santiago 2:23; 4:8.

4. ¿Sãwã oɗida dadjirãba cawaɗi carea Bibliaɗe?

Jesuba beɗea ɓasiɗe Ãcõrẽ beɗeaɗebemada jarabadjia idjaɓa bio jaradiabadjia ẽberãrãba bio cawaɗamãrẽã Ãcõrẽ Beɗeaɗe. Naʉ̃ folletoba aɓarida o ɓʉda ẽberãrãba bio cawaɗi carea Bibliaba jara ɓʉra. Leadua Luca 24:27, 45.

Ni aɓaʉda bio biya quirua Ãcõrẽ Beɗea cãyãbara. Maʉ̃nebemada ʉ̃cʉrʉ ẽberãrãba quĩrĩãnacada Ãcõrẽ Beɗeara, ni ũrĩ quĩrĩãnacada Bibliaba jara ɓʉra. Baribʉrʉ sopuarãdua. Bʉa poya dãrã ɓaida cawa ɓʉbʉrʉ Ãcõrẽneda. Leadua Juaʉ̃ 5:24.