¿Cãrẽ cãrẽã bʉa mãsa cawaibara Ãcõrẽ Beɗeada?

1. ¿Sãwã careba ɓʉa bʉ́a cawaida Ãcõrẽ Beɗeaɗe?

Jũma bʉa cawaɗara Ãcõrẽ Beɗeaɗe bio biara ɓʉda mãsa quĩrĩãi carea Jeowara. Baribʉrʉ mĩga cawaida ɓʉa Ãcõrẽnebemada mãsa quĩrĩãi carea idjira (1 Pedro 2:2). Bʉa jãʉ̃da oibʉrʉ dãrã ɓaida idjaɓa ara caita ɓaida Jeowame. Leadua Juaʉ̃ 17:3; Juda 21.

Mãsa cawaibʉrʉ Ãcõrẽnebemada bʉra ĩjã ɓaida Ãcõrẽra idjia quĩrĩã ɓʉ quĩrãca bʉa oi carea (Hebreo 11:1, 6). Wãrãda ĩjã panʉbʉrʉ Ãcõrẽnera ne cadjirua igaraɗida idjaɓa awara oɗida. Leadua Hecho 3:19.

2. ¿Sãwã bʉa dewarara poya carebaida?

Ãcõrẽ Beɗeara beɗea bia eroɓʉ bẽrã bʉra jũma cawaɗara poya beɗeaida dewara caita ɓeara bʉme. Maãrĩ maãrĩ bʉra Bibliaɗeba poya acʉbida Jeowaba jara ɓʉra ẽberãrã carea. Leadua Romano 10:13-15.

Bʉa poya beɗeaida bʉ cuariarãme, idjaɓa bʉ dji biarãme siɗa. Jũmarãme aduá ɓaida ɓʉa idjaɓa bio wayaida ɓʉa. Ijararãdua, maʉ̃ cãyãbara beɗea bia Ãcõrẽnebema jaradua. Idjaɓa ne jũma cawaɗara bʉa odua. Leadua 2 Timoteo 2:24, 25.

3. ¿Cãrẽda bʉa poya oida ɓʉ ãbaa ɓai carea Ãcõrẽme?

Bʉa Ãcõrẽ Beɗeara mĩga cawa ɓʉbʉrʉ dji biada ɓaida Jeowame. Idjaɓa bʉra poya ɓaida Ãcõrẽ cuaria quĩrãca. Leadua 2 Corinto 6:18.

4. ¿Cãrẽba poya carebaida mãsa cawa ɓai carea?

Ãcõrẽ Beɗea igararãdua (Hebreo 5:13, 14). Beɗea ɓeara Jeowaɗebemarame cawadua dji libro ¿Qué nos enseña la Biblia? Cawaibʉrʉ Jeowaɗebemada bia wãida. Leadua 1 Timoteo 4:15, 16; Romano 12:2.

Quĩrãnebadua Ãcõrẽ Beɗeada Jeowaɗebemara. Idjira capipia ɓʉa idjia quĩrĩã ɓʉ siɗa bʉra capipia ɓamãrẽã maʉ̃ bʉrʉ ãbaa jʉrebi ɓʉ Ãcõrẽ ẽpẽbadarãra (Hebreo 10:24, 25). Bʉa oibʉrʉ Jeowaba quĩrĩã ɓʉra dãrã ɓaida. Ãcõrẽme caita ɓʉda jãʉ̃gʉra bio biara ɓʉda dewara cãyãbara. Leadua 1 Timoteo 1:11; 6:19.