¿Caiba eroɓʉ wãrã arada naʉ̃ ẽjũãra?

BIBLIABA JARA ƁɄRA

“Jũma naʉ̃ ẽjũãne Ãcõrẽ adua ɓeara Diauru jʉwa eɗa panʉda” (1 Juaʉ̃ 5:19, Ãcõrẽ Beɗea).

“Ãcõrẽ warrara naʉ̃ ẽjũãnaa zesia Diauruba o ɓʉ poyai carea” (1 Juaʉ̃ 3:8).

CÃRẼÃ BIA ƁɄDA CAWAIRA

Cawaɗi carea cãrẽã ɓʉda beɗea droma (Apocalipsi 12:12).

Poya jʉ̃ãnida naʉ̃ ẽjũãra biara ɓaida (1 Juaʉ̃ 2:17).

¿BIBLIABA JARA ƁɄRA POYA ĨJÃNIDA WÃRÃDA?

Mãẽ, ũbea beɗeaɗe:

• Satana Boro jõbi. Jeowaba aɓeɗa jõbiya Satanaba oɓaɗa naʉ̃ ẽjũãne. Idjia jara ɓʉ “Diaurura poyapeɗa bãrã jʉwaeɗa ɓʉya” idjaɓa jõbiya Diauruba oɗa (Romano 16:20).

• Jesucritoda Jeowaba jʉrʉetasia Boro bai carea. Jesura aɓeɗa awara basida dji Boro iɗi bema cãyãbara Diaurura dji cadjirua bẽrã idjaɓa ne bia dia quĩrĩãcaa djãrãa. Ãcõrẽ Beɗeaba jara ɓʉda Ãcõrẽda “idjia ɓʉɗa ewariɗe jũma naʉ̃ ẽjũãnebemarã jipa cawa oi bẽrã. Maʉ̃ awara aɓa edasia mãwã omãrẽã” Jãʉ̃gʉ umaquĩrã Jesucritora, Ãcõrẽ warrada (Hecho 17:31).

• Ãcõrẽ sewa ocaada. Ãcõrẽ Beɗeaba ebuɗa jara ɓʉda “Ãcõrẽra sewa ocaa” (Hebreo 6:18). Maʉ̃ bʉrʉ Ãcõrẽba jara ɓʉra wãrã arada o ɓʉ (Josue 23:14). Idjia jaraɗa “ʉ̃rãbʉrʉ Diauru, naʉ̃ ẽjũãnebema borora Ãcõrẽba poyaya” (Juaʉ̃ 12:31).