So ʉɓʉa beaɗida

Jesuba oɗara

VIDEO: Ãcõrẽ beɗea ɗebemada Jesuba Zaqueora jaradiasida

1. Acʉdua VIDEO, o leadua Luca 19:​1-7. Jãʉgʉ oɗapeɗa araarebema idiɗida.

1. ¿Cãrẽã ʉcʉrʉ ẽberãrãba Zaqueome beɗea quĩrĩãé panasiɗada?

2. Ẽberãrãba Zaqueome beɗea quĩrĩãé panasiɗamĩna, ¿cãrẽã Jesuba idjia Ãcõrẽ beɗea jaradiasida?

¿Cãrẽda cawa panʉda Jesuɗebemada?

2. Jũmarã ẽberãra Ãcõrẽ beɗea jaradiaɗi careara ʉɓʉa eropananida.

Jesuba oɗa quĩrãca oɗida

3. Bʉa ĩjã bʉbʉrʉ Jeowaba carebaida. Jeowaba carebasida Jesura ara maʉ quĩrãca oida Jeowaba dadjirãme, idjia carebaida idji jaure deba. (Mat. 10:​19, 20; Luca 4:18) Dadjirãba ne waya neẽ jaradiaɗi carea ẽberãra Ãcõrẽ beɗeara idjaɓa iwiɗida panʉda ʉɓʉa jaradiaɗi carea (Hecho 4:29).

4. Bia crĩchaɗida ẽberãra ɗebemada. Eɗauɗe dadjirã maãrã bio zarea bʉda Ãcõrẽ beɗeara jaradiaɗi carea ẽberãra adjirãra awara beɗea bea bera, parata waiɓʉa erobea, waa nẽbʉa beada jũbadada idjaɓa ʉ̃cʉrʉra dji boro bea bera maʉ bʉrʉ awara unubadada dadjirãba. Maʉne crĩchaɗida.

1. Dadjirãba jũma adua panʉda mãwãmĩna Jeowa Jesu biɗa bio cawa panʉda ẽberãrãba crĩchapanʉra.

2. Jeowaba idji quĩrĩã waiɓʉa ero baera idjia bio quĩrĩã bʉda ẽberãra.

5. Ʉɓʉa pananida idjaɓa quĩrãcuita beaɗida (Mat. 10:16). Dadjirãba Ãcõrẽ beɗea jaradia panʉne baribʉrʉ dji ẽberãba quiru bʉbʉrʉ dadjime, idjime quĩrũnaẽda maʉ careabʉrʉ ibiya beɗeaɗida idjime wa ãyã wãnida (Prov. 17:14).