3 Ne bia jʉ̃ã panʉ

Bibliaba jara ɓʉda ẽberãrãra bio beɗea droma eropananaera, dãrã pananaẽ́da naʉ̃ ẽjũãnera, idjaɓa djuburia pananaera (Job 14:1). Maʉ̃ bʉrʉ ẽberãrãba crĩchabadada beɗea dromara jõẽ́da. Baribʉrʉ Ãcõrẽ Beɗeaba jaraɗia ɓʉda beɗea biara ɓʉda dadjirã carea. Ejemploda:

• Jeowaba osida dadjirãra necai pananamãrẽã naʉ̃ ẽjũãne (Genesi 1:28).

• Jeowaba jarasida naʉ̃ ẽjũãra wãya djiwiɗida oida (Isaías 65:21-25).

• Jeowaba jaraɗara wãrã arada obarida. Apocalipsi 21:3, 4 jara ɓʉda:

  “Iɗira Ãcõrẽra ẽberãrã tãẽna ɓʉa. Idjira ãdjirã ume ɓaya. Maʉ̃ne ãdjirãra idji ẽberãrãda ɓeaɗia. Wãrãda idjidrʉ ãdjirã ume ɓaya idjaɓa ãdjirã Ãcõrẽ baya. Ãdji dauɓara idjia jũma jareya. Jũma naẽna ɓaɗara jõna bẽrã waa beuɗaẽ́a, jĩãnaẽ́a, aujĩãnaẽ́a, idjaɓa puara neẽ́ ɓaya”.

Jãʉ̃ra wãrã arada Ãcõrẽba jaraɗa bẽrã. Idjira sewa ocada, ne quĩrã awara ocada. Beɗea aɓabe eroɓʉ bẽrã, jãʉ̃ra oya. Maʉ̃ bʉrʉ zocai panana quĩrĩã panʉda, mĩã djuburia panʉmĩna.

QUĨRÃNEBADUA: Eɗauɗe ewariza sopua crĩcha nũme barida, bio sopuabarida. Maʉne Ãcõrẽ Beɗeaba beɗea bia jaraɗa bẽrã dadjía sobiabibarida.

CÃRẼDA POYA OIBARA: Cawaɗida ne biada Ãcõrẽ Beɗeaɗebemada. Beɗea ɓeara Jeowaɗebemarãba bʉra bio carebaɗida mãsa cawai carea, idjaɓa jʉrʉdua internene jw.org.a