¿Bʉmaarã cãrẽda maʉ̃ Bibliada?
¿Bʉa jaraica...
... librora ẽberã quĩchada?
... zocãrã nẽbʉrʉɗada?
... Ãcõrẽ Beɗeada?
BIBLIABA JARA ƁɄRA
“Ãcõrẽbʉrʉ jũma Idji Beɗeara ɓʉbisia” (2 Timoteo 3:16, Ãcõrẽ Beɗea).
CÃRẼÃ BIA ƁɄDA CAWAIRA
Ununida sãʉ̃gʉ beɗeada biara ɓʉda (Proverbios 2:1-5).
Jipa wãnida bia panani carea (Mateo 7:12).
Ne bia jʉ̃ã panʉ ewari djiwiɗi zebʉrʉɗe (Romano 15:4).
¿BIBLIABA JARA ƁɄRA POYA ĨJÃNIDA WÃRÃDA?
Mãẽ, ũbea beɗeaɗe:
Waa awara jaracaa. Cuarenta umaquĩrãrãba ɓʉsiɗaa Bibliara. Dãrãsiɗaa ɓʉɗi carea mil seisciento poaga. Ãdjirãya ununacaa mina, Bibliaba awara jaracaa maʉ̃ cãyãbara Ãcõrẽ trʉ̃da, Ãcõrẽ Jũmarã Boroda cawabi ɓʉ.
Ɓʉ ɓeara wãrãda jarasiɗaa. Ɓʉɗara nẽbʉrʉɗara jaraɗacaa ãdji puru aduasiɗaɗe. Baribʉrʉ, ɓʉpeɗaɗara Bibliada mĩrũnaé basi ãdji ne cadjirua oɗara idjaɓa ãdji puru siɗa (Numero 20:2-12).
Jaraɗara wãrãda obari. 2.000 poaga naẽna Ãcõrẽ Beɗeaba jarasida naʉ̃ ewariɗera cãrẽ ne cadjirua mãwãi basia idjaɓa jarasia ẽberãrãra sãwã panani basia (Mateo 24:7, 8; 2 Timoteo 3:1-5).
Ne zocãrã ɓʉɓʉ Bibliaɗe jũma osiɗaa. Jãʉ̃ra dadjirãba jʉ̃ã panʉda Ãcõrẽ beɗeaɗe (2 Pedro 1:21.)
BɄDUƁA IDIDUA
¿Sãwã poya carebaida dji Ãcõrẽ Beɗeaba mʉ̃ra?
Ununida dji panunara Bibliaɗe ISAÍAS 48:17, 18 y 2 TIMOTEO 3:16, 17.