Noé jãba droma

Dãrãbʉrʉɗeda bio barasida ẽberãrã naʉ̃ ẽjũãne. Ʉ̃cʉrʉ ẽberãrã dji cadjirua osiɗaa, idjaɓa ʉ̃cʉrʉ angelera bio cadjiruara. Ãdjirã zesiɗada bajãne pananada naʉ̃ ẽjũãnaa. ¿Cãrẽ cãrẽã? Quima edaɗi carea.

Angelera zocãrã warra eropanasiɗada wẽrãrãme. Jãʉ̃gʉra warrarãra bio zarea panasiɗada. Ãdjirãba ne cadjirua oɗa bẽrã, Jeowaba dopapada zeɓipeda jũma quinisiɗada.

Aɓa ɓasida umaquĩrã so biada, trʉ̃ jarabada Noé. Noéba bio quĩrĩã ɓasida Jeowara. Jãʉ̃gʉ ẽberã quima eroɓasida, warrarã eroɓasida. Dji warrara trʉ̃ jarasida Seʉ̃, Caʉ̃ idjaɓa Jape. Jãʉ̃gʉra, warrarãra quima bara ɓeasida. Jeowaba jarasida Noéa jãba waibua oi carea. Jãʉ̃ jãbaɗe idjia poya ɓʉida dji cuariara, ʉ̃cʉrʉ animarãme, ẽdrʉi carea dopapa zebʉrʉɗe.

Ara maʉ̃da Noéba jãbada osi, dji cuariarãme dãrãsiɗada 50 poa jãba o panʉda. Jeowaba jarasida Noéra jaraida ẽberãrã dopapa zeboɗo bẽrã. Ni aɓaʉba ĩjãnaẽ́ basída.

Jãʉ̃ ewarira jũẽsida, jãbaɗe eɗaa wãni carea. ¿Cawa quĩrĩã ɓʉda cãrẽda mãwãsida?