Ochobe ẽberãrãra ẽjũã djiwiɗiɗe panasiɗaa

Noé, dji cuariarã siɗa idjaɓa animarãra siɗa eɗaa wãsiɗada jãba waiɓʉaɗe. Jeowaba tapasida dji puertara, ara maʉ̃da bio cue zesida. Bio cue zepeɗa jãba waiɓʉara bõãbarisida. Pĩãca pĩãca naʉ̃ ẽjũãra ũ nũmesida doba. Jũma ẽberãrã cadjiruarãra quinisiɗada. Baribʉrʉ Noé dji cuariarãra ne cadjirua mãwãnaẽ́ basída jãbaɗe eɗaa panana bẽrã. Quĩchadua ¿Noéba sãwã sentisiɗada dji cuariarãme ĩjãna bẽrã Jeowaɗeda?

¿Cawabʉda jũmasãwã ewari carea cue zesida? 40 Ewari ãsa, diamasi biɗa. Mãwãnacarea, tausida cuera. Mãwãnacarea, dora pĩãca pĩãca errusida. Jãbara drua põãsa ɓesida. Jãʉ̃ jãbara eya quẽbʉɗe ɓesida, baribʉrʉ waɗi do waiɓʉa nũmasida. Noé dji cuariarãme ara maʉ̃da poya ẽdrʉɗaẽ́ basída.

Quĩchadua, ¿Noéra dji cuariarãme ewari jũmasãwã jãba waiɓʉaɗe panasiɗada? Panasiɗada poa aɓa. Maʉ̃ bʉrʉ, Jeowaba jarasida poya ẽdrʉɗida. ¡Jũma unusiɗada ẽjũã djiwiɗida! Maʉ̃ bʉrʉ ãdjirã bio ɓʉsriɗa sentisiɗada Jeowame. Maʉ̃ carea ne biada dia quĩrĩã.

Maʉ̃ carea, ¿cãrẽda diasiɗada? Diasiɗada oveja zaqueda edapeɗa. Maʉ̃ diaɗara Jeowaba bia unusia. Jarasida: “waa naʉ̃ ẽjũãra ũ wãẽ́a naʉ̃ ẽjũãne ɓea quininamãrẽã”. ¿Cawa ɓʉda cãrẽa eumara unubadada? Jeowaba unubiɗida jãʉ̃ eumaɗeba waa jõbiẽ́da dopapaɗeba.

Maʉ̃ne Jeowaba jarasida Noéa: “zocãrã eropananida warrarãra idjaɓa biraɗida naʉ̃ ẽjũãra”.