Abrahaʉ̃ba Sarame Ãcõrẽra ĩjã panasiɗada

Babel purura caida ɓasida puru trʉ̃ jarabada Ur. Jãma ẽberãrãba ĩjãnaẽ́ basída Jeowaɗeda. Maʉ̃ cãyãbara ĩjã badjiɗada dewara ãcõrẽrã. Baribʉrʉ aɓa basida umaquĩrã dji trʉ̃ Abrahaʉ̃. Idjia bio ĩjã ɓabadjida Ãcõrẽ beɗeara.

Jeowaba Abrahaʉ̃a jarasia: “Amedua jũma ne eroɓʉra idjaɓa bʉ cuariarã siɗa. Wãdua mʉa jarabʉrʉmae”. Mãwãnacarea Ãcõrẽba jarasida: “Bʉa zocarã warrarã eroɓaida. Ɓʉ carea bio ne biada oida ẽberãra carea, naʉ̃ ẽjũãne biya panana mãrẽã”.

Abrahaʉ̃ba cawaẽ́ basída sãma diabueida idjira Jeowaba, mãwãmĩna bio ĩjã ɓasida Jeowaɗera. Maʉ̃ bʉrʉ Abrahaʉ̃, dji quima Sara, dji zeze Tare, idjaɓa dji cũdra Lo biɗa, bio ĩjã ɓasida Ãcõrẽra. Jũma ãdjirãra ẽdrʉ̃ wãsiɗada.

Abrahaʉ̃ba eroɓasida 75 poa, idjira dji cuariarãme Canaaʉ̃ puruɗe jũẽne wãsiɗaɗe. Jaʉ ewariɗe Jeowaba jarasida Abrahaʉa: “Jũma naʉ̃ druara bʉ warrarã diaida”. Baribʉrʉ Abrahaʉ̃, Sara, ãdjirã bio drõã panasiɗada, maʉ̃ bʉrʉ quĩchasiɗada: “¿Sãwã daiba warrarã ununida?