¿Cãrẽda osida Jesuba naʉ̃ ẽjũãne ɓasiɗe?

Ẽberãrãba quĩchabʉdaɗe Jesuɗera, quĩchabadada Jesura wãwã zaque quĩrãca ɓʉda, dewararãba quĩchabadada idjira Ãcõrẽneba beɗeabaria idjaɓa dewararãba unubadada beuibariboɗo quĩrãca. Baribʉrʉ, ¿bʉa bio cawaibʉrʉ idjia oɗara naʉ̃ ẽjũãne ɓasiɗe mĩga poya cawaida idjiɗebemada? Naʉ̃ beɗeaɗe acʉɗida cãrẽda bio bia osida Jesuba idjaɓa jãʉ̃gʉba sãwã poya carebaida bʉra.

1. ¿Cãrẽda bio biara osida Jesuba?

Jesuba jarasia: Mʉ̃a “jaradiaida ɓʉa Ãcõrẽra zebʉrʉda ãdji Boro bai carea” (Leadua Luca 4:43). Idji carea jãʉ̃gʉra bio biara ɓasida dewara cãyãbara jũma ara oya ne cadjiruara.a Idjia jaradiasida Ãcõrẽ Boroɗeba jũma ne cadjirua mãwã panʉra jõbiya. Poa ũbea ẽsãarebema Jesuba jaradiasida jãʉ̃gʉ beɗea biara (Mateo 9:35).

2. ¿Sãwã carebasida ne ununaca Jesuba oɗaba?

Ãcõrẽ Beɗeaba jara ɓʉda “ne ununaca waiɓʉa ɓeada bãrã tãẽna obicuasia. Mãwã o ɓʉɗeba Jesuba cawabisia Ãcõrẽra idji ume ɓʉda” (Hecho 2:22). Ãcõrẽ ʉɓʉaɗeba Jesura nãũrã jũma tuma nũmesia, ne cobicuasida jarra queɗeara, biabicuasida cacua caya queɗeara idjaɓa ʉ̃rẽbabicuasia beuɗarãra (Mateo 8:23-27; 14:15-21; Marco 6:56; Luca 7:11-17). Jũma Jesuba ne ununaca oɗaɗeba acʉbisida Ãcõrẽba diabueɗa. Idjaɓa acʉbisida Ãcõrẽba ne jũma cadjirua mãwã panʉra ara oida.

3. ¿Cãrẽda jaradia ɓʉda Jesuba oɗaba naʉ̃ ẽjũãne ɓasiɗe?

Jesuba jũma osida Ãcõrẽba quĩrĩã ɓʉra (Leadua Juaʉ̃ 8:29). Idjira jipa ɓasida aɓa beubʉrʉɗaa idjaɓa osida dji zezaba jũma jaraɗara. Idjia acʉbisida jũmarãra poya droaɗida ne cadjirua mãwã panʉmĩna, maʉ̃ne Jesu “bia mĩgasiɗe unubisia [dadjirã] mĩgabʉdaɗe sãwã nĩbaɗida panʉda” (1 Pedro 2:21).

5. Jesuba ne zocãrã bio bia jaradiasia

Idjia jaradiasida beɗea bia Ãcõrẽnebemada idjaɓa idjia oɗaɗeba ne zocãrã bia jaradiasida. Ne jara ɓʉ quĩrãca, acʉɗida idjia Jaraɗa eyaɗe. Leaɗapeɗa Mateo 6:14, 34 idjaɓa 7:12, beɗeaɗadua:

• ¿Cãrẽ ʉ̃rãga biada Jesuba jarasida naʉ̃gʉ textoɗe?

• Bʉmaarã, ¿jãʉ̃ ʉ̃rãga biaba poya carebaida ẽberãrãa naʉ̃ ewariɗera?

6. Jesuba ne ununaca osia

Jeowaba ʉɓʉada diasia Jesua ne ununaca omãrẽã. Jãʉ̃gʉ cawai carea, leaɗadua Marco 5:25-34 wa acʉɗadua dji VIDEODA. Mãwãnacarea beɗeaɗadua.

VIDEO: Wẽrã cacua biẽ́ ɓeada biabisia (5:10)

• ¿Naʉ̃ video ununa quĩrãca dji wẽrãda cãrẽda quĩcha ɓabadjida?

• ¿Cãrẽ ne biada ununacada bio quĩrĩãsi?

Leaɗapeɗa Juaʉ̃ 5:36, beɗeaɗadua:

• ¿Cãrẽda acʉbisida Jesuba ne ununaca oɗa?

JŨMA BEƊEAƊA

Jesuba jaradiasida Ãcõrẽ Boroɗebemada, ne ununaca osia idjaɓa ewariza ĩjã ɓasida Jeowaɗera.

Cawaɗara

• ¿Cãrẽ trajuda bio biara ɓasida Jesuba eroɓaɗara naʉ̃ ẽjũãne ɓasiɗe?

• ¿Cãrẽda acʉbisida ne ununaca Jesuba oɗara?

• ¿Cãrẽda jaradiasida Jesuba idjia oɗaɗeba?

CAWADUA MÃSA

¿Cãrẽ beɗea bio biara ɓʉda jaradiasida Jesuba?

“Jesumaarã, ¿cãrẽ cãrẽã bio biara ɓʉda Ãcõrẽ Boroda?” (Cartaba Jara ɓʉda, 2014, Octubre 1)

Acʉdua cãrẽ cãrẽã wãrãda ĩjã panʉda Jesuba ne ununaca osida.

“Jesu ne ununaca oɗaɗeba, ¿cãrẽda poya cawaɗida?” (Cartaba Jara ɓʉda, 2004, Julio 15)

Umaquĩrãba leapeɗa Jesuba quĩrĩã ɓʉ quĩrãca oẽ́ ɓasida, jãʉ̃gʉba awara ɓesida.

“Mʉ̃maarã mʉ̃ra bio biara ɓabadjida dewara cãyãbara” (Cartaba Jara ɓʉda, 2014, Octubre 1)

Acʉdua Jesuba oɗara mãwãna quĩrãca.

“Jesuba oɗara naʉ̃ ẽjũãne ɓasiɗe” (La Biblia. Traducción del Nuevo Mundo, apéndice A7)