1 Reye

1 Reye 16:29-34

Israel druaɗebema boro Acabo

29 Asa 38 poa Juda druaɗebema boroda ɓeɗacarea Omri warra Acaboda Israel druaɗebema boroda ɓesia. Maʉ̃ Acaboba israelerãra 22 poa pe eroɓasia. Idjira Samaria puruɗe ɓabadjia. 30 Jũma idji naẽna ɓeaɗa bororã cãyãbara idjia Ãcõrẽ quĩrãpita wetara cadjiruada osia. 31 Idjimaarã Nabat warra Jeroboaʉ̃ba cadjirua oɗa quĩrãca o ɓaira bia ɓasia. Maʉ̃ awara Sidoʉ̃nebema boro Et-baal cau Jezabelda edapeɗa Sidoʉ̃nebema jʉwaba oɗa ãcõrẽ Baalda ẽpẽsia. 32 Samaria puruɗe Baal deda opeɗa animarã babue diabadada Baal itea osia. 33 Maʉ̃ awara Acaboba ãcõrẽwẽrã Aseráda aɓa osia. Mãwã jũma idji naẽna ɓeaɗa bororã cãyãbara idjia israelerã Ãcõrẽra wetara quĩrũbisia.

34 Acabo ewariɗe ẽberã Betel puruɗebema Hiel abadada ɓasia. Maʉ̃ Hielba Jerico purura wayacusa osia. Baribʉrʉ dji mõgara jũrã ca ɓaɗa obʉrʉɗe idji warra iwina Abiraʉ̃da beusia. Dji eɗa wãbada pãrãbʉrʉɗe idji warra tẽãbema Seguda beusia. Ãcõrẽba Nuʉ̃ warra Josueɗeba jaraɗa quĩrãca mãwãsia.*