BEƊEA 60
Ãcõrẽ Borora dãrã ɓaya
Aɓaʉ diamasiɗe dji boro Nabucodonosorba cãĩmocarasida. Jãʉ̃ cãĩmocaraɗeba ununa bẽrã idjira poya cãĩẽ́ basida. Maʉ̃ carea trʉ̃sida daubararãda idjía idi carea. Idjia jarasida: “Mʉ̃a jaraɗadua cãrẽda mʉ̃a cãĩmocarasida”. Baribʉrʉ dji daubararãda jarasiɗada: “Dai Boro, jaradua cãrẽda cãĩmocarasida”. Baribʉrʉ Nabucodonosorba jarasida: “Bãrãba mʉ̃́a cãĩmocaraɗada jaraɗaẽ́bʉrʉ bãrãra mʉ̃a beacuaya”. Wãya ãdjia idisiɗada: “Jaradua, bʉa cãrẽda cãĩmocarasida”. Baribʉrʉ dji Boroba jarasiɗada: “Bãrãba jaraɗadua”. Ãdjia idjía panusiɗada: “Ni aɓaʉ ẽberãba cawaɗaẽ́da bʉ́a cãĩmocaraɗara”.
Nabucodonosorba bio quĩrũ ɓaɗa bẽrã jarasida: “Jũma daubadararã beaɗadua”. Idjaɓa beaɗi basida Daniel, Sadra, Mesa idjaɓa Abednego. Baribʉrʉ Danielba jarasida dji boroa quĩrã djuburia ɓamãrẽã. Idjaɓa Daniel dji biarãra ʉ̃taa dji idisiɗada Jeowaa, idjia carebamãrẽã. Maʉ̃ne ¿Jeowaba cãrẽda osida?
Jeowaba unubisida Daniel cãĩmocaraɗeba Nabucodonosorba cãĩmocaraɗara idjaɓa jãʉ̃ba cãrẽda jara basida. Nũrema baɗacarea Danielera wãsida dji boro nezoca ɓabarima, beɗeai carea. Idjia jarasida: “Bearãnadua ni aɓaʉra. Mʉ̃a ara cawa ɓʉa cãrẽ jara ɓʉda jãʉ̃neba ãdji boroba cãĩmocaraɗara”. Mãwãnacarea nezoca bariba Danielera ede wãsida dji boromaa, beɗeamãrẽã. Danielba jarasida dji Boroa: “Ãcõrẽba unubisida jãʉ̃ jẽdaribema ewariɗe mãwãira. Unusida ẽberã quĩrãca waiɓʉa ɓʉda. Dji borora oroda. Dji pecho idjaɓa dji jʉwarã siɗa parataɗebema quĩrãca ɓʉda. Dji biɗeba, ɓacaraɗebema cobreɗe basida. Jĩrũpotorã jiorroɗebema basida. Idjaɓa idji jĩrũrã jiorro egoro ãɓaa oɗa quĩrãca ɓasida. Mãwãnacarea mõgara waiɓʉada eyaɗeba ɓʉrabari zesida, baeɗe wãsida, jãʉ̃ ẽberã quĩrãca waiɓʉa ɓʉ jĩrũ ʉ̃rʉ̃. Jãʉ̃ ẽberã waiɓʉa quĩrãca ɓʉra ãrĩsida, pora basida. Jãʉ̃ mõgarara eya droma ɓasida”.
Maʉ̃ne Danielba jarasida: “Bʉa cãĩmocaraɗara nãwã jara quĩrĩã ɓʉda: Bʉa manda ɓʉra dji borora oroda ɓʉda. Parataɗebema jara quĩrĩã ɓʉda dji boroba bʉ tẽãbe baɗacare. Dji cobreɗebemaba jara quĩrĩã ɓʉda tẽãbebʉrʉ ɓaida dji boro jũma gobernai carea naʉ̃ ẽjũãnebemarã. Dji boro tẽãbe ɓaira zarea ɓaida jiorro quĩrãca. Mãwãnacarea dji boro tẽãbemara zarea ɓaida jiorro quĩrãca idjaɓa zareaẽ́ ɓaida egoro susua quĩrãca. Dji mõgara eya ɓaɗara jãʉ̃ra Ãcõrẽ Boroda. Idjia jũma ãrĩda dewara bororãra idjaɓa idji Borora dãrã ɓaida”.
Nabucodonosora quĩrãpita chũmesida Danielmae. Idjia jarasida: “Bʉ Ãcõrẽba jarasida mʉ̃a cãĩmocaraɗara. Ni aɓaʉra neẽ́da bʉ Ãcõrẽ quĩrãca naʉ̃ ẽjũãne”. Maʉ̃bebʉrʉ beaẽ́ basida Daniel. Mãwãnacarea Nabucodonosorba ɓʉsida dji boro quĩrãca Babilonia puruɗe. ¿Bʉa cawasida Jeowaba sãwã ũrĩsida Danielba ʉ̃taa dji iwiɗiɗara?
“Maʉ̃ bororãra ẽjũã Armagedoʉ̃ abadamaa djõne edesiɗaa. Maʉ̃ trʉ̃ra hebreo beɗeaa” (Apocalipsi 16:16).