¿Bʉa sãwã poya jaradiaida beɗea bia Ãcõrẽ Beɗeaɗebema?

Bʉa cawapeɗa Ãcõrẽ Beɗeaɗebemada bʉa poya quĩchaida: “¡Jũma ẽberãrã jãʉ̃gʉ cawaɗibara!”. Mãwã; jũmarãba cawaɗibara. Baribʉrʉ eɗauɗe bʉra poya ne wayaida jaradiai carea dewararãa Ãcõrẽ Beɗea. Ara naʉ̃da poya cawaida cãrẽda oida necai ɓeaɗi carea, jaradiai carea Ãcõrẽ Beɗea idjaɓa ɓʉsriɗa ɓai carea jãʉ̃gʉ obʉrʉɗe.

1. ¿Bʉa sãwã poya nẽbʉrʉida bʉ dji biarã bʉa cawaɗara?

Jesu nĩbabadarãba jarasiɗaa: “Daiba unupeɗaɗada, ũrĩpeɗaɗa siɗa jaradia panania. Poya chupeaɗaẽ́a” (Hecho 4:20). Ãdjirãba dewararãa jaradia quĩrĩã panasiɗaa bia ununa bẽrã dji wãrãda Ãcõrẽnebemada. ¿Bʉa biɗa aɓari quĩcha ɓʉca? Maʉ̃ carea beɗeadua bʉ cuariarãme idjaɓa bʉ dji biarãme Ãcõrẽ Beɗeaɗebemada (Leadua Colosa 4:6).

2. ¿Cãrẽ cãrẽã bio biara ɓʉda jaradiaida Ãcõrẽ Beɗea dadji djabarãme?

Jesu nĩbabadarãba jũmarãra jaradiabadjiɗada Ãcõrẽ Beɗeaɗebemada. Jesuba “puruza umé uméa wãbisia” Ãcõrẽ Beɗeada jaradiaɗamãrẽã (Luca 10:1). Deza wãida idjaɓa puru ɓeaza wãida jãʉ̃gʉba carebasida jũmarã ẽberãrãba ũrĩnamãrẽã Ãcõrẽ Beɗeaɗe. Idjaɓa ãdjirãra bio ɓʉsriɗa panasiɗada Ãcõrẽ Beɗea ãbaa jaradia panʉ bẽrã (Luca 10:17). ¿Bʉa biɗa poya quĩchaida jaradiaɗe wãi carea Ãcõrẽ Beɗea djabarãme?

BIO CAWAƊIDA NAɄ̃ BEƊEAƊE

3. Jeowara bʉme ɓaida

Ʉ̃cʉrʉ ẽberãrã jaradia quĩrĩã panʉmĩna pera sentibada ẽberãrãba quĩcha panʉra ãdjiɗeda.

• ¿Bʉa sopua ɓʉda jaradiai carea Ãcõrẽ Beɗeaɗebemada dewararãa? ¿Mãwãda wa mãwãẽ́da?

Acʉɗapeɗa dji VIDEODA, beɗeaɗadua.

VIDEO: Iwiɗisia Jeowaa so zarea ɓai carea (4:05)

• ¿Cũdrarãba sãwã acʉbisiɗada so zarea panani carea?

Leaɗapeɗa Isaías 41:10, beɗeaɗadua:

• ¿Cãrẽã ʉ̃taa dji idiɗibara wãbʉrʉɗe jaradiai carea?

¿Cawa ɓasida?

Zocãrã Beɗea ɓeara Jeowaɗebemara quĩchabadjiɗada poya jaradiaɗaẽ́da Ãcõrẽ Beɗeara. Ejemploda, aɓa ẽberã Sergey abada biẽ́ quĩchabadjida idjiɗebemada idjaɓa idjimaarã zarea ɓasida beɗeai carea dewararãa. Baribʉrʉ ewari aɓaʉɗe cawasia Ãcõrẽ Beɗea. Idjia jarasia: “Mʉ̃ra pera ɓasimĩna jaradiasida Ãcõrẽ Beɗea dewararãa. Jãʉ̃gʉba carebasida mʉ̃ra bia senti carea idjaɓa quĩrãdoaẽ́ carea Ãcõrẽ Beɗeaba jara ɓʉra”.

4. Ibiya beɗeadua

Bʉa jaradiai naẽna quĩchadua cãrẽ jaraida idjaɓa sãwã jaraida. Leaɗapeɗa 2 Timoteo 2:24 idjaɓa 1 Pedro 3:15, beɗeaɗadua:

• ¿Sãwã poya ĩjãida jãʉ̃ beɗeara jaradiabʉrʉɗe Ãcõrẽ Beɗea dewararãa?

• Bʉ dji biarã, bʉ cuariara biɗa bʉ quĩrãca quĩchaɗaẽ́mĩna, ¿cãrẽda poya oida idjaɓa cãrẽda poya oẽ́da?

• ¿Cãrẽã bio biara ɓʉda ibiya beɗeaida bʉ cuariarãme quẽãi cãyãbara ãdjirãra?

5. Beɗeabʉdaɗe Ãcõrẽ Beɗea bia ɓʉsriɗa panʉda

Jeowaba jarasida Jesua jaradiaida beɗea bia. ¿Jesuba sãwã unusi Jeowaba jaraɗara? Leaɗapeɗa Juaʉ̃ 4:34, beɗeaɗadua:

• Ne co panʉne paɗa wuarrada mãwãra capipia pananida idjaɓa ibiya pananida. ¿Cãrẽã Jesuba jarasi jaradiaida beɗea bia Ãcõrẽnebemada ne co ɓʉ quĩrãca ɓʉda?

• Bʉmaarã jaradiaida beɗea bia Ãcõrẽnebemada, ¿cãrẽ ne bia poya eroɓaida?

JŨMA BEƊEAƊA

Beɗeabʉrʉɗe Ãcõrẽ Beɗea bia ɓʉsriɗa ɓaida. Beɗeaira Ãcõrẽnera zareaẽ́ ɓʉa.

Cawaɗara

• ¿Cãrẽneba careba ɓʉda jaradiai carea Ãcõrẽ Beɗeara?

• ¿Sãwã ibiya beɗeaida jaradiabʉrʉɗe?

• ¿Cãrẽda poya o ɓʉda necai ɓai carea jaradiabʉrʉɗe?

CAWADUA MÃSA

Unudua beɗeara quĩmãrẽ jaradiai carea tarjeta zaqueɗeba jw.org ɗe.

Ʉ̃rãga bia jaradiai carea tarjeta zaqueɗeba JW.ORG ɗe (1:43)

Cawadua ne bia quĩmãrẽ necesita ɓʉa jaradiai carea beɗea bia.

“¿Bʉra umaquĩrã ɓeda beabari quĩrãca ɓaida ɓʉ?”(Cartaba jara ɓʉda, 2020, Septiembre)

Cawadua nẽbʉrʉɗada Ãcõrẽ Beɗeaɗebema so zarea ɓeaɗi carea jaradiabʉrʉɗe cũdra ɓʉmĩna.

Jeowaba bʉ́a so zareabi ɓaida (11:59)

Acʉdua sãwã poya beɗeaida bʉ cuariarãme Ãcõrẽ Beɗea adua ɓeara.

“Sãwã poya carebaida bʉ cuariarãa quĩrĩãi carea Jeowaa soɗeba” (Cartaba jara ɓʉda, 2014, Marzo 15)