AYÈGÈ 12

Bò osesa ai mvam

1 Tésaloni 2:7, 8

OBALBAS: Lerege é bot ba vogolo wò na wò ding bò ai na wò nòng ngap ai bò.

Tsogo é bot ba vogolo wò. Komezen nnem woé, bindigi fe mindzug bot ba toben ai miè. Dzeng na o fas é mam ba woren.
Bò okala éyòng wò tòb bibug wò yi belen ai biè. Dzeng na o wono ai na o vòli é bot ba vogolo wò. Saala bibug bi ne bò bali; te wò belen ai minkòbò mi ébiandi asu é ba be seki beboala be Yéhova ngeki a kpele bò asu nyebe waba.
Lerege na wò nòng ngap ai bot. Belen ai king nkòbò é toa ébubut ai mimbembe minfongʼen mi nyòl, akia té wò yi lere bot na wò mvamen ai bò. Bò okala ai minfongʼen mi asu mié; o karege fe mung.

Te wò dzeng na o ngoné é dzam wò woren ki. Éyòng wò lang éfus zing, bò na é namba bot minnem, veda te wò bò minyéné. Kòbega ai osesa, o lerege é ba ba vogolo wò na wò ding bò.