Nsem kéza David

Niène Saúl a nga wu, David a nga tebe ane kéza. A mbe bele mimbu 30. Ayôm mimbu é nga lôr, éde alu ézing, éyong a mbe é nda dzèñ ôyôp, éde a nga yen mbeng minenga. David a nga yem naa minenga té a ne éyôla naa Bat-seba nge ki Bethsabée, éyong té David a nga lôm naa be so a Bat-seba é nda dzèñ, a nga bo nsem évakh ya ñe, éde fe a nga ve ñe abum. David a nga dzeng naa a shuale é dzam a nga bo. Ya dzam té éde a nga lôm ntebe ôsu ya nsama bita wèñ naa a tele Urías nlong ô ne ôsu aluman, ya naa, be kôrô be likh fe ñe étam. Urías a nga wu a lumane té. Éyong té éde David a nga lughan ya Bat-seba.

Ve Jehôva a nga yen mbimbia be-mam mesese me nga mane boban. Za dzam Jehôva a nga ye bo ? A nga lôm nkulu-medzô Natán naa a ke kobe a David. Natán a nga dzô ñi naa : “Môr ézing a mbe nkukum a mbe bele abuiñ mintôma, ve é ñi mboo ña a mbe ôkukut a mbe bele fave ntôma ôvoo-ôvoo a nga bira dzing. É môr a mbe nkukum a nga vèè éñi a mbe ôkukut ntôma ôvoo-ôvoo a mbe bele.” David a nga bira yèè éde a nga dzô naa : “Nkukum môr té wa yiene wu”. Éyong té éde Natán a nga dzô ñi naa : “Wa ô ne Nkukum môr té !” David a nga bira tobe éwiñ éde a nga dzô Natán naa : « Me va bo nsem ôsu Jehôva. » Nsem té ô nga so a David ye mvông dzèñ abuiñ mindzukh. Jehôva a nga ve David akira ve a nga likh naa, a tsini naa a ning amu David a mbe é môr a ne bebela ya asili ñuu.

David a nga kômô long Jehôva templo nge ki temple, ve Jehôva a nga top Salomón é moan David naa éñe a ye da long. David a nga sum naa a kômane biôm akal Salomón éde a nga dzô naa : “É Templo Jehôva’ da yiane bo n’nen. Salomón a nghen ômômong, ya dzam té ma ye ñe vole naa be mane kôman asese.” David a nga ve abuiñ mono ne be long, a nga dzeng bebo-bisèñ be ne akeng. A nga kôane kông, ya plata nge ki argent. A nga so mebam me cedro a Tiro, ya Sidón. Éyong David a mbe naa a nkune wu, a nga kee Salomón afep é nga lere aval be nga yiane long templo. Éde a nga dzô ñe naa : “Jehôva a lôm ma naa me tsili ntaane mam wi, ya naa me kee wô wo. Jehôva émièn a ye wa vole, ô taa ko wong, wa yiane bo ngu’u ya a bo ésèñ.”