Josías a dzing Atsing Nzame

Josías a nga tobe kéza ya Judá a kuane naa a bele mimbu muom. Metam meté, ayong é mbe é belane magia nge ki magie ye kang biyema. Éyong Josías a nga dzale mimbu 16, Josías a nga dzeng naa a yeghe a kang Jehôva a vale da yiène. Éyong a nga kuiñ mimbu 20, a nga sum naa a tsam biyema ye baltar nge ki bautel, si té ngura. Éyong a nga dzale mimbu 26, a nga kômane naa be mane kôm é templo Jehôva.

A templo été, é fara n’nen Hilquías, a nga yen nvighlane kalare ô bele Atsing Jehôva, éyong ézing a nga yiène bo nvighlane kalare Moisés a nga tsili. Safán, ntsili bekalare Josías, a nga zu ñe kee nvighlane kalare té, ya lang Atsing ôyap ôyô. Nté sese Josías a mbe é bèè nlanghan, éde a nga yen naa, ébe abuiñ mimbu, ayong é mbe dé bo Jehôva melo. Kéza Josías a nga dzô Hilquías naa : “Jehôva a wokh édedaa ôlun ya bia. Keng, ye kobe ya ñe. Jehôva a ye bia dzô é dzam bia yiène bo.” Jehôva a nga yalane nkulu medzô minenga Huldá naa : “Ayong ya Juda é va lame ma. Ma ye be ve akira, ve se ki é tam Josías a ne kéza, amu a va lere fulu asili ñuu.”

Éyong kéza Josías a nga mana wokh fuèñ té, ane a nga ke a templo ye luè ayong ya Judá naa be kôan nsama. A nga lang Atsing Jehôva a tele ayong ngura ôsu. Josías ya ayong ngura be nga kiagh naa ba zu bo Jehôva mewokh ya n’nem ôse.

A kuè naa, é ntoo abuiñ ave ayong é dzemle fet Pascua nge ki Paque. Ve, éyong Josías a nga lang Atsing été naa ba yiène bo fet Pascua mbu ôse, ane a nga dzô ayong naa : “Bia ye dzemle fet Pascua akal Jehôva.” Éyong té Josías a nga ve abuiñ metungha betsit ya lep fe be naa, é bôr ba yiè bya ba yiène tobe a templo. Ane ayong é nga mane bo fet Pascua, a kôre ye vèè be nga bo fet minfem mi ne kaa levadura nge ki levure tang melu zangbwa. A ke kuè naa, baa be ki bera bele aval Pascua té atéé ya metam Samuel. Josías a mbe é bira dzing Atsing Nzame. Ye wa fe, ô ne dzing wa yaghe é mam ma tsinane Jehôva ?