É angele Jehôva a kame Ezequías

Édjié ye Asiria é nga wun édjié ya Israel é mbe é bele awôm meyong. Ve Senaquerib, kéza ye Asiria, a nga kômô lighi ya édjiè ya Judá, é mbe é bele meyong mebèn. Ane a nga sum naa a ñong bekisoan mboo-a-mboo. É kisoan a nga dang kômô ñong a mbe Jerusalén. Ve é dzam Senaquerib a mbe éé dzimi é mbe naa, Jehôva a mbe é kame Jerusalén.

Ezequías, keza ya Judá, a nga ve Senaquerib abuiñ mono naa a bo kaa zu lumane Jerusalén. Afang bo naa Senaquerib a nga ñong mono, ve a nga lôm nsama bizima wèñ naa ô ke lumane Jerusalén. Bôr be ya Jerusalén be nga bira ko wong amu bôr be ye Asiria be mbe bé yire be bébéñ. Ane Ezequías a nga dzô be naa : “Mine taa ko wong. Basirios nge ki Bassyrien be fiang bo ngu’u, ve Jehôva a ye bia ve é ngu’u da dang é ngu’u dzeba.”

Senaquerib a nga lôm mbo-ésèñ wèñ, Rabsaqué, naa a ke poghe bôr be ya Jerusalén. Niène Rabsaqué a nga ke kuiñ bebèñ kisoan, a nga yônane naa : “Jehôva aa se ki mina vole. Mine taa likh naa Ezequías a dukh mina. Nzame ézing aa se ki mina kôre é mo mam.”

Ezequías a nga sili Jehôva é dzam a yiène bo. Ane Jehôva a nga yalane ñe naa : “Ô taa ko wong akal é mam Rabsaqué a dzô. Senaquerib aa ye ki ñong Jerusalén.” Akôre ye vèè, Ezequías a nga ñong bekalare be nga so ébe Senaquerib. Bekalare beté be mbe bé dzô naa : “Jehôva a se mina kôre. Yebeghane fave naa mia ku aluman. Dzameghane de.” Éyong té Ezequías a nga yaghlane naa : “Éngôngoo, a Jehôva, kôreghe bia, nfa ye naa bôr be yem naa wa étam ô ne é Nzame a ne bebela.” Jehôva a nga yalane ñe naa : “Kéza ye Asiria aa ye ki ñi a Jerusalén. Ma ye kam é kisoan dzam.”

Senaquerib a mbe a bele mebun naa a nkune zu ñong Jerusalén. Ve alu ézing, Jehôva a nga lôm angele mboo é vôm bizima bi mbe bi yan, a kisoan a tan. Angele mboo té, a nga wiñ bizima 185 000 ! Kéza Senaquerib a nga dzimle bizima bièñ bi nga dang ngu’u. É nga lighe ñe fave naa a bulane é nda dzèñ ya ôsoan. Jehôva a nga kam Ezequías ya Jerusalén, aval a nga kiagh de. Nge ô mbe a Jerusalén tam té, ye ô nga ye bele mebun ébe Jehôva ?