Debele a bobele Yésu

Éyong Yésu a nga mane duban, ane nfufup nsisim ô nga kee ñe éyang été. A nga lôr melu 40 kaa dzi dzôm ézing, éde a nga bira wokh zèñ. Éyong té Debele a nga so naa a zu bobele Yésu, éde a nga dzô ñe naa : “Nge ô ne faa é Moan Nzame, dzôghe mekoa ma, naa me venghane minfem.” Ve, Yésu a nga yalane ñe, é belane bifiè bia so Mintsili été, ye dzô ñe naa : “É ne ntsilane naa, se bidzi étam ébie môr a yiène ning a bio. A yiène fe ning ya éfiè ése da kuiñ anu Jehôva.”

Ôsu vaa, Debele a nga bera song Yésu ya mebobelan mefe, ye dzô ñe naa : “Nge ô ne faa é Moan Nzame, tame yôô atéé ye nfa wa dang ôyap yôp ye templo. Amu é ne ntsilane naa, Nzame a ye lôm bangele naa be kas wa n’yem.” Ve, Yésu a nga bera yalan é belane Mintsili, ye dzô naa : “É ne ntsilane naa, waa yiène ki bobele Jehôva.”

Asughlan, Satan a nga lere ñe bidjié bisese bi ye émo, akum ya é duma deba, éde a nga dzô ñe naa : “Ma ye wa kee bidjié bisese bité ye é duma dzeba, nge wa ve ma ékang fave éyong daa.” Ve, Yésu a nga yalane ñe naa : “Kenghe ma ôyap, a Satan ! É ne ntsilane naa, Jehôva étam éñe wa yiène ve ékang.”

Éyong té éde Debele a nga ke, ve bangele be nga so ya zu ve Yésu bidzi. Akôre ye vaa, Yésu a nga sum naa a kanghle mbemba fuèñ ye Édjié Nzame. Akal a bo ésèñ té, éde be nga lôm ñe a si. Bôr be nga bira dzing ba wokh meyeghle Yésu a nga ve bo, ye naa, be nga tông fe ñe mevôm mesese a nga ke.