Yésu a fubu templo

Bébéñ é Ngoan ñi ye mbu 30 ye metam mèè, Yésu a nga ke a Jerusalén nge ki Jérusalem. Abuiñ bôt befe be nga ke fe a Jerusalén naa ba ke dzemle Pascua nge ki Pâque. É dzam évôo be mbe bé bo éyong fet té, é mbe naa, be nga ke ve betsit ane metungha a templo. Bôr bézing be mbe bé so betsit beba, ve, é bôr bevoo be nga yiène be kus a Jerusalén.

Niène Yésu a nga siène a templo, a nga yen é bôr bézing ba kuane betsit. Be mbe bé bo ôkira a nda ékang Jehôva été ! Za dzam Yésu a nga bo ? A nga bo nkas ya minkoo naa a tsirane mintôma ya biña a templo. A nga ke fe a soghle ô si beteble é bôr ba tsen mono, aval é nga ve naa minsang mi-mono mi mane kube ô si. Ane Yésu a nga dzô é bôr be mbe bé kuane bezum nge ki abeng naa : “Vèèghane biôm bité va ! Mii taa likh naa é nda é Tare wom é venghan é vôm ba bo ôkira !”

Bôt be nga bira yaghan é dzam Yésu a nga bo alé. Beyeghe béñ be nga siman é dzam nkulan adzô ô nga dzô nfa Mesías, naa : “Ma ye tobe ndzalane ya ayông akal é nda Jehôva.”

Niène tam é nga lôt, mbu 33 ye melu mèè, Yésu a nga bera fubu templo éyong bèè. Éé mbe ki é likh naa môr ézing a bian é nda Ésaa.