Yésu a wu a Gólgota

Befara be ne betebe ôsu, be nga k’a Yésu é nda édjié Pilato nge ki Pilate ngovina ya Judée. Pilato a nga sili be naa : “Za dzam mina buale é môr ñi ?” Éde be nga yalane ñe naa : “Amu a dzô naa a ne kéza !” Ane Pilate a nga sili Yésu naa : « Ye ô ne é kéza Bejudíos nge ki Bejuif ? » Ane a nga yalane ñe naa : « Édjié dam déé se ki ngap ya émo di. »

Asughlane ye été, Pilato a nga lôm Yésu ébe Herodes, ngovina ya Galilée, é simane naa, éñe a mbe yen dzam ézing ébe Yésu. Ve Herodes éé dzé ki yen dzam ézing é ne abé ébe Yésu, ane a nga bera ñe lôm ébe Pilato. Éyong té Pilato a nga dzô bôr naa : “Ma ya Herodes, bii dzi ki yen mbia dzam ébe é môr ñi. Akal té ma zu ñe likh naa a ke.” Ane nsama bôr ô nga yônane naa : “Wighe ñe ! Wighe ñe !” Bizima bi nga sum naa bia yit Yésu ya minkas, béé tu ñe menden asu, ya bime fe ñe bikura. Niène be nga mane bo aval té, be nga bere ñe ntôm biyo nlô, bé pogho ñe ye dzô naa : “Mbôlô, a Ndjié Bejudíos.” Pilato a nga bera ñong nkobe ye dzô be naa : “Ébe ma, méé dzi ki yen mbia dzam ébe é môr ñi.” Bôr ve bera yônane naa : « Keleghe ñe nkum ! » Ane faa Pilato a nga kee be Yésu naa be wiñ ñe.

Bizima bi nga k’a Yésu é vôm ba luè naa Gólgota, e wèñ be nga domle ñe nkum ye tele wô ôyôp. Ane Yésu a nga yaghlane naa : “A Tare, dzameghe be, akal baa yem ki é mam ba bo.” Bôr be nga pogho Yésu, bé dzô naa : “Nge ô ne faa é Moan Nzame, sighle nkum ! naa ô kôre wamièn.”

Môr mboo ya nsama bebo abé babe-be be mbe be kele nkum a nga dzô ñe naa : « Simane ma éyong wa ye tobe édjié duè. » Éde Yésu a kiagh ñe naa : « Wa ye tobe ya ma a Paradis. » Niène ngogho é nga kuiñ, ane dzibi é nga ku sise ngura tang mewôla melal. Beyeghe bézing be nga lighe be tele bébéñ nkum, ya fe María, ñia Yésu. Yésu a nga dzô ntôô Juan naa a lighe a yem baghle María ye ñong ñe ane é ñia wèñ.

A kôre ye vèè, Yésu a nga dzô naa : « É dzalbaneyang ! » Ane a nga buru asu asi ya kulu é sugha nvebe wèñ. Étéñ té ébién, môra nfonghane si ô nga boban. A templo été, adzit étôp é mbe ézizang Nfufup vôm ya é Vôm wa dang nfufup é nga ñiabe a zang. Ane ndjié bizima a nga dzô naa : “Bebela, é môr ñi, a mbe faa é Moan Nzame.”