Bebyèñ, vaane é boan benan n’yemane

Bi too émo da yen naa abé é ne mbeng, mbeng wa abé. (Esaïe 5:20) É dzam é ne éngôngol é ne naa, abuiñ bôt baa simane ki naa Jehôva a vini fe éyong fam ye fam nge ki minenga ba minenga ba ke binong. Memvuiñ me ya sikôlô nge ki bôr befe, ba ye dzeng naa be tsini é boan mia dzing naa be bo mam ane bo. Aval avé mi ne kômane é boan benan naa be dang aval dzam té, ye mam mefe ?

Vaane é boan benan n’yemane wa so metsin metsing Jehôva. (Lév. 18:3) Ôtektek ôtektek, ya abim mimbu be bele, yeghlane bo é dzam Bible a dzô nfa abo dulu da yiène. (Deut. 6:7) Silighane mina bebién naa : ‘Ye me yegheyang é boan bam aval n’lerane édzing da yiène, naa é ne éban naa be boat bitô bi ne édzidzin, ye naa bôt ba yiène kang é dzam da daghe éning dèñ ? Ye é boan bam ba yem é dzam ba yiène bo nge môr aa dzeng naa a lere bo bingengeng medzian, nge ki a sili bo naa be bo é dzam Jehôva a dzô naa é ne abé ?’ N’yemane mam meté, ô ne be vole a saalé mbimbia be-mam. (Mink. 27:12 ; Eccl. 7:12) Éyong mia yeghle é boan benan, mia lere naa mia dzing é mbemba élikh Jehôva a nga ve mina.​—Bya 127:3.

DAGHANE ÉNGENGENG N’LONGHANE É NDA É YEME​—N’KAMGHAN É BOAN BÈÈ YA É « MAM ME NE ABÉ » YE YALANE MINSILI MIA ZU MI :

• 

  Amu dzé abim bôt béé bele ki fulu ye naa ba yeghle é boan beba nfa é mam ma daghe a ke binong ?

• 

  Amu dzé bebyèñ ba yiène yeghle é boan beba « melepgha ye metsing Jehôva » ?​—Beéph. 6:4

• 

  Za bivol Ékôan Jehôva da ve bebyèñ naa be yeghle é boan beba nfa é mam ma daghe a ke binong ?​—w19.05-S 12 ; w19.05-F 12, encadré

• Amu dzé é ne éban naa mi bira kobe ya é boan benan kaa naa mbimbia be-mam me boban ?