A NING ANE MOAN KRISTEN

Sumeghane naa mina belane abakh Beleghane éning é ne mbèmbèè ! minkanghle mienan été

Bi ne mevakh été naa bia belane nféfèñ nso kalare ye kalare bia ye belane de akal meyeghle Bible ! Bia yeghlane naa Jehôva a borane mengu’u mia ve nfa ye a bo abuiñ beyeghe. (Mat. 28:18-20 ; 1 Becor. 3:6-9) Aval avé bia ye belane nféfèñ évol té ?

Kalare Beleghane éning é ne mbèmbèè !, a yeghe Bible ane bia lèè minlang, da lere bia nféfèñ aval bia yiène bo ayeghle, bééghane melepgha ma, amu ma ye mina vole aval mine kômane ya bo ayeghle ya Bible.a

Tareghane lang mebong mesese mia ye yeghe, ye fas minsili mi ye ayeghle té
Langhane bifus bi ya Bible bi ne ntsilane naa « a lang », ye vole n’yeghe Bible naa a yem ayilgha ye bifus bité.
Daghane éngengeng ye luè nlang mii belane minsili be va ve akal éngengeng té
Dzenghane naa mi ne mane ayeghe té é môs mi va sum de

Éyong mi ne minkanghle, tareghane kee môr nso kalare naa mine yem nge a kômô tsini nlang ôsu. (Beleghane encadré nge ki recuadro « a lere mina aval mi ne kee nso kalare Beleghane éning é ne mbèmbèè ! Ayene ôsua. ») Nge mi mane yeghe nso kalare, ve mine yen naa n’yeghe Bible a kômô tsini nlang ôsu, keeghane nye kalare ye sum ayeghle 04. Nga boo naa môr té a nga yeghe-yang kalare ¿Qué nos enseña la Biblia? nge ki Continúe en el amor de Dios / Que nous enseigne la Bible ? nge ki Restez dans l’amour de Dieu, bia yiène tsini ayeghle dèñ a kalare Beleghane éning é ne mbèmbèè ! éyong té bia yen é vôm bi ne sum ayeghe.

Minlughan mité mia belane abakh « Beleghane éning é ne mbèmbèè ! » naa ba boa yeghe Bible ya moan fam é nda tsen.

DAGHANE ÉNGENGENG MBEMBA NSOANE AYEGHLE BIBLE DENAN, ÉYONG TÉ MIA YALANE MINSILI MIA ZU MI :

Za mam beyeghe Bible ba ye yeghe nféfèñ kalare nyi ?
Amu dzé mina yiène lere minféféñ beyeghe Bible éngengeng di ?
Za mam mine sekh n’yeghe Bible wônan naa a bele ôsimane nté sese a ye ke a vem nsisim ye yen aval a ne ke a dzale mam meté ?—Daghe recuadro nge ki encadré « Bisèñ ye é mam a ye bo »

a ATOAN : É vôm ô ne ntsilane naa « Ô ne fe ke daghe » mben déé se biang naa mi yen de nsama éyong mia bo ayeghe, ñonghe tam naa ô lang ye yen minlô medzô me ye été éyong wa kômane. Éyong té, wa ye yen é dzôm é ne vole n’yeghe Bible wiè. É formato electrónico nge ki format électronique a bele ndem é ne ke mina éngengeng nge ki a kalare ba lere été

BISÈÑ YE É MAM A YE BO
	MEYEGHLE	BISÈÑ	É DZAM N’YEGHE A YE BO
1	01-12	Daghe aval Bible a ne wô vole ye aval ô ne yem é môr a ne nye tsin	Saghe n’yeghe naa a lang Bible, a kômane ayeghle Bible dèñ, ye sum naa a zu bisulan
2	13-33	Daghe é dzam Nzame a nga bo akal dèè ye aval a kômô naa bi ve nye ékang	Saghe n’yeghe naa a kap ya é bôr bevoo be bebela a yem ye naa émièñ a bo nkare-fuèñ
3	34-47	Daghe é dzam Nzame a yane ébe bebo bisèñ bèñ	Saghe n’yeghe Bible naa a ve éning dèñ ébe Jehôva ye duban
4	48-60	Yeghe aval ô ne tobe ényeghe Nzame été	Yeghle n’yeghe aval avé a ne yem nkanane ô ne ébe é mam me ne abé ya mbeng ya aval a ne kaa vem nsisim