Beleghan abakh Beleghane éning é ne mbèmbèè ! naa mi ve bôt mebun

Beyeghe Bible ba yiène ve naa mebun meba me bo ngu’u naa be ve Nzame n’nem mbeng. (Behéb. 11:6) Bi ne be vole nfa té éyong bia belane abakh Beleghane éning é ne mbèmbèè !. Abakh akal ayeghle té, é bele bifus bi ne éban, ndzôhane mam ô ne ébubu a wokh, mbemba minsili, bingengeng bia name n’nem ya mbemba bivaghle. Éyong bia vole beyeghe Bible naa be bele mefulu bekristen ya fe élat ya Nzame, a ne ane bia long ya bivol bia zôme nduan.—1 Becor. 3:12-15.

Bôt b’ézing ba yen naa é ne nzukh naa be bo angom ya Nzame, amu béé se ki ñe yen. Éde bia yiène be vole naa be long mebun ébe mbemba mefulu é Nzame wèè a ne édzing Jehôva a bele.

DAGHANE ÉNGENGENG VAGHANE NAA BÔT BE BELE MEBUN ÉBE JEHÔVA, MII BELAN ABAKH « BELEGHANE ÉNING É NE MBÈMBÈÈ ! », ÉYONG TÉ MIA YALANE MINSILI MIA ZU MI :

• Aval avé bia yem naa kal dzèè a va yem kôman akal ayeghe Bible ?

• Aval avé a va tugha belane minsili mife naa a name n’nem n’yeghe Bible éé belane nten Esaïe 41:10, 13 ?

• Aval avé éfus ya Bible ya éngengeng bi va name n’yeghe Bible ?

Abuiñ bôt baa wokh ki é dzôm ntang ô ne nge ki naa baa yen ki wô ane é das Nzame émièn a ve bo. (Begal. 2:20) Éde, bia yiène be vole naa be long mebun meba ébe ntang Yésu.

DAGHANE ÉNGENGENG VAGHANE NAA BÔT BE BELE MEBUN ÉBE YÉSU, MII BELAN ABAKH « BELEGHANE ÉNING É NE MBÈMBÈÈ ! », ÉYONG TÉ MIA YALANE MINSILI MIA ZU MI :

• Aval avé bia yem naa moadzang a va yem kôman akal ayeghe Bible ?

• Aval avé a va yem belane minlô-medzô mi ne étun « Ô ne fe ke daghe » naa a vole n’yeghe Bible wèñ ?

• Amu dzé é ne édedèè éban naa n’yeghe Bible a yaghlan ?