Ébubu a wokh

É dzam Yésu a nga bo

ÉNGENGENG : Yésu a lere éfônan aval Ésaa wèè a baghle bia

1. Daghe ÉNGENGENG, nge ki a lang Matthieu 6:25-27. Éyong té wa fas minsili mi :

1. Aval avé Yésu a nga belan éfônan da lere naa Jehôva a baghle bia ?

2. Amben Yésu a mbe é yem abuiñ mam nfa anoan, ve, a nga bembe ébe za dzam ? Amu dzé mboan té ô mbe mbeng ?

Za dzam bia yeghe ébe Yésu ?

2. Éyong bia yeghle aval é ne ébubu a wokh, bôt baa ye ki vuèn é dzam bi va yeghle bo, ye naa bia ye name min’nem mièba.

Vughe Yésu

3. Ô taa kobe abuiñ. Ndaane naa ô mane kobe é dzam sese wa yem nfa nlô-adzô ézing, kobghe fave é mam me ne ayeghle été. Éyong ô sili-yang ôyôm nsili, yaneghe naa n’yeghe Bible wiè a yalan. Nge aa yem ki éyalane nge ki naa éyalane dèñ da selane ya be bebela be ya Bible, silighe minsili mife mia ye ñe vole naa a fas ébe nlô-adzô mia yen. Éyong n’yeghe Bible wiè a wokh-hang, tsinighe ôsu.

4. Beleghan é dzam n’yeghe Bible wiè a nga yem-hang nfa ye naa ô vole ñe naa a wokh minféféñ mi-mam. Éfônan, kaa naa mi sum ayeghle da tsinane awômô bewu, ô ne bo ôyôm ôbaghle nfa é dzam n’yeghe Bible wiè a nga yem-hang nfa bewu.

5. Yemghe belane bifônan. Kaa naa ô belan éfônan, silighe wamièn minsili mi :

1. ‘Ye éfônane té é ne ébubu a wokh ?’

2. ‘Ye da ye bo ébubu a wokh akal n’yeghe Bible wôm ?’

3. ‘Ye da vole n’yeghe Bible wôm naa a simane nlô-adzô bi va kobe, se ki fave éfônane me va ñong ?’