A yeghe ya nsonghane ye a kap é dzam wa yeghe ya é bôr bevoo

Bi ne wôrane mvèñ éyong bia yeghe Biblia. Ve, bi ne dang wôrane mvèñ éyong bia kap ya é bôr bevoo é mam bi va yeghe, ma vole bia a yir Jehôva bébéñ. Nten Minkana 11:25 wa dzô naa : « É môr a ve é bôr bevoo mendzim, ñe a fe ba ye ñe ve mendzim. »

Éyong bia kap é mam bia yeghe ya é bôr bevoo, ôsu vèè, é ne ébubu naa bi simane mam ya songhane n’woghane mam wèè. Ya naa, amu é mam bia yen me ne so é bôr bevoo abuan, éde da ve bia mevakh naa bi kap me ya bo (Bisè mintôl 20:35).

A vakh é dzam di : Besono ba zu, dzenghe naa ô kap é dzam ô va yeghe ya môr ézing. Ô ne de bo ya môr ye é nda-bôr duè, môr ye ékôan duè, é môr mina ñe mia sèñ, é mong sikôlô mboo, é môr a too wa nfeng nge ki é môr wa tubane ñe minkanghle. Dzenghe naa ô kobe é mam wa yeghe ya bifiè buè, aval é ne ébubu a wokh.

A siman é dzam di : Kapghe é dzam wa yeghe ya é bôr bevoo nfa ye a saghe be, se ki naa be kam n’yemane wiè (1 Becor. 8:1).