AYEGHLE 22
Aval avé mi ne kanghle mbemba fuèñ ?
Nté mia yeghe be bebela be ya Bible, mi ne simane naa, ‘môt ase a yiène yem é dzam di !’ É ne éban naa môt ase a yem be bebela beté ! Ve, tam ézing mi ngen mia ko-wong éyong mia tem naa mi kobe é bôt bevoo é mam mia yeghe. Bia ye yen aval ô ne dang wong té ya bele mevakh naa wa kanghle mbemba fuèñ.
1. Aval avé ô ne kobe é mam wa yeghe ya é bôt wa yem ?
Beyeghe Yésu be nga dzô naa : « Bii se ki sim naa bia kobe é mam bi nga yen ya wokh. » (Bisè mintôl 4:20) Be mbe béé bira dzing be bebela ane é nga ve naa be kômô kobe ya é bôt bevoo é mam ba yem. Ye wa fe wa wôran aval té ? Nge éyalane duè é ne ôwé, dzenghe meval mese naa ô kobe ya ngang ébe bôt be ye é nda bôt duè ya mengom muè é mam wa yeghe.—A lang Becolossien 4:6.
É mam m’ézing me ne wô vole naa ô sum kobe
Éyong wa sum kobe ya môt ya nda bôt duè, ô ne sum nlang ya Bible aval di : « Me va yeghe dzam édzing é ne édedèè mbeng é sono ñi. »
Ô ne lang éfus ya Bible da fôlô n’nem angom duè da koan nge ki da yep a n’nem.
Nge é môt mia ñe mia sèñ vôm mboo a sili wa aval ô va lôt a mangha sono, ô ne kobe ya ñe é mam ô va yeghe ayeghe Bible duè, nge ki é mam ô va yen ésulan.
Ô ne lere mengom muè é nden wèè jw.org.
Baneghe bôt befe naa be zu tobe ayeghe Bible duè, nge ki a yeghe bo aval be ne sili ayeghe Bible a nden wèè jw.org.
2. Amu dzé a kanghle ya ékôan é ne mbemba dzam ô ne bo ?
Beyeghe Yésu béé dzi kobe mbemba mefuèñ fave ya é bôt ba yem. Yésu « a nga lôm bo bebèñ-bebèñ bekisoan besese » naa be ke kanghle. (Luc 10:1) A kômane minkanghle é nga ve naa abuiñ bôt be wokh mbemba fuèñ. A kanghle nsama é nga so fe beyeghe Yésu abuiñ mevakh. (Luc 10:17) Ye ô ne ñong nkighane naa wa ye ke minkanghle ya ékôan ?
A TUGHA FAS
Yeneghe aval ô ne dang wong ya bele mevakh naa wa kanghle mbemba fuèñ.
3. Jehôva a ye tobe ya wa
Bôt b’ézing ba kômô kanghle, ve, ba ko-wong nfa aval bôt ba ye be yen ya ñong mam.
Ye wa ko-wong éyong wa simane naa wa ye kanghle é bôt bevoo é mam wa yeghe ? Amu dzé ?
Daghane ÉNGENGENG, éyong té mia lèè minlang mia daghe nsili wa zu wi :
ÉNGENGENG : Le pedí a Jehová que me diera valor nge ki J’ai prié Jéhovah pour qu’il me donne du courage (4:05)
Aval avé bitong Bengaa Jehôva bi va yen éngengeng di été, be nga dang é wong deba ?
A lang Esaïe 41:10, éyong té mia lèè minlang mia daghe nsili wa zu wi :
Nge wa ko-wong naa ô kanghle, aval avé meyaghlan ma ye wô vole ?
Ye ô va yem de ?
Kaa naa be sum naa ba kanghle é bôt bevoo mbemba fuèñ, abuiñ Bengaa Jehôva be nga tem naa baa ye ki de bo tam ézing. Sergey a mbe nsama té été. Éfônan, a mbe é tem naa éé se ki éban ézing, ya fe naa, éé mbe ki é tugha yem kobe ya é bôt bevoo, ve, a nga yeghe Bible. A dzô naa : « Amben me mbe méé ko-wong, me nga sum naa ma kobe ya é bôt bevoo é mam me mbe méé yeghe a Bible été, me nga yaghane naa nté me mbe méé kobe ya é bôt bevoo é mam ma yeghe, é nga ve naa me bira bunu mamièn ya bele mebun me ne ngu’u. »
4. Lereghan é bôt bevoo ngang
Éyong mia kanghle mbemba fuèñ, fasghan é dzam mia ye dzô ya aval mia ye de dzô. A lang 2 Timothée 2:24 ya 1 Pierre 3:15, éyong té mia lèè minlang mia daghe minsili mia zu mi :
Aval avé mi ne dzale bifus bi, éyong mia kobe adzô Bible ya é bôt bevoo ?
A ne bo naa bôt be ye nda bôt duè nge ki mengom muè baa yebe ki é dzam wa dzô. Za dzam ô ne bo ? Za dzam waa yiène ki bo ?
Amu dzé é ne mbeng naa ô sili mbemba minsili kaa naa wa yemlé é bôt bevoo naa be yebe é dzâm wa dzô ?
5. A kanghle mbemba fuèñ da ve mevakh
Jehôva a nga dzô Yésu naa a kanghle mbemba fuèñ. Aval avé Yésu a mbe é ñong ésèñ té ? A lang Jean 4:34, éyong té mia lèè minlang mia daghe nsili wa zu wi :
A dzi mbemba bidzi da baghle éning dèè ya ve bia mevakh. Amu dzé Yésu a nga vaghan a bo nkômane Nzame—bia dzô vèè, a kanghle mbemba fuèñ—ane a dzi bidzi ?
Amu dzé a kanghle mbemba fuèñ é ne wô ve mevakh ?
Melepgha
Éyong ésulan ye ézizang sono da ye boban, baleye mesiman ma ye wô vole a sum minlang.
Boghe ayeghe ye ésulan ye ézizang sono. Ayeghe té da ye wô vole naa ô taa ko-wong éyong wa ye kobe ya é bôt bevoo é mam wa yeghe.
Ô ne belane bitun bia dzô naa : « Nge môr ézing a dzô wô naa » ya fe « Nge môr ézing a sili wô naa », naa ô kôman éyalane minsili ya é mam me ne kikh nlang me ne mban a so é vôm mia kanghle.
NGE MÔR ÉZING A SILI WÔ NAA : « Za dzam ô nga bo-hang ? »
Aval avé ô ne belane nsili té naa ô kobe ya môt té é mam wa yeghe ayeghe Bible duè ?
AKIGHE BES
A kanghle mbemba fuèñ da ve mevakh, ye naa a sum minkanghle é ne fe bo ébubu.
Ôbaghle
Amu dzé bia yiène kanghle é bôt bevoo mbemba fuèñ ?
Aval avé ô ne de bo ya ngang ?
Nge wa ko-wong éyong wa simane naa wa ye kanghle, za dzam ô ne bo ?
Ô NE FE KE DAGHE
Yeneghe meval menii me ne ébubu ô ne kanghle mbemba fuèñ wéé belane nso afep da lôm é nden wéé jw.org.
Ideas para presentar la tarjeta de contacto de jw.org nge ki Proposition de la carte de visite jw.org (1:43)
Yeneghe mefulu menii ma ye wô vole naa ô kanghle mbemba fuèñ.
« ¿Está usted dispuesto a ser pescador de hombres ? » nge ki « Es-tu prêt à devenir un pêcheur d’hommes ? » (La Atalaya, septiembre de 2020 ; La Tour de Garde, septembre 2020)
Yeneghe aval éfônan ya Bible é ne bia vole a bele ayokh naa bi kanghle mbemba fuèñ, amben bi ne étong.
Yeneghe aval ô ne kobe adzô Bible ébe bôt be ye é nda bôt duè baa be ki yem Jehôva.
« Cómo llegarles al corazón a familiares no creyentes » nge ki « Touchons le cœur de nos parents non Témoins » (La Atalaya, 15 de marzo de 2014 ; La Tour de Garde, 15 mars 2014)