Wôneghe mebun muè naa Jehôva a ne wô vole

A lang Nlang 13:25–14:4 Naa ô yen aval Bisraelitas béé dzi ki lere mebun meba ébe Jehôva.

A fas é mam me nga bobane tam té. Amu dzé Bisraelitas be nga yiène lere mebun meba ébe é ngu’u Jehôva naa a ye be kôre nté be mbe bé kôrô Egipto ? (Bya 78:12-16, 43-53). Dzé é nga likh be naa be dzimle mebun meba ébe Jehôva ? (Deut. 1:26-28). Aval mebun mevé Josué ba Caleb be nga lere naa be mbe be bele ébe Jehôva ? (Nla. 14:6-9).

Boghe abuiñ mindzeng mife. Za dzam Bisraelitas be mbe bo naa be veme mebun meba ébe Jehôva ? (Bya 9:10 ; 22:4 ; 78:11). Élar évé é ne é zang a tobe Jehôva mebun, ye a ve ñe ngang ? (Nla. 14:11).

Dzenghe meyeghle ô ne ñong ye nlang té. Silighe wamièn naa :

• “Bitéñ bivé bi ne bo ndzukh akal dam naa me lere naa ma tobe Jehôva mebun ?”

• “Aval avé me ne wônô mebun mam ébe Jehôva éndagha ya melu ma zu ?”

• “Za mebun me bele nté bitsible binen bia ke bia yir bébéñ ?” (Luc 21:25-28).