Ye mi ngene mia siman ?
Ye mi va tugha lang be Ô momo be ye mbu wi ? Yeneghane nge mi ne yalane minsili mi :
Dzé da tsini bia naa bi kômô ve Jehôva duma ?
Bia bo de amu naa bi bele Jehôva édoa ngang. Bia ve fe ñe duma amu naa bia kumu naa é bôr bevoo be yem ñe (w25.01, p. 3).
Nge é môr mboo a dzughu bia, aval avé bi ne bera tugha tobe nkoghane naa bia djii ?
Biaa sughu ki ve naa bia biane é dzam bia wôrane ; vedaa, a likh naa ôlun ya é mam me ne bia n’nem me man, é ne bia vole naa bi saalé naa bia bebién bi taa vane dzukh amu bia wokh abé (w25.02, p. 15-16).
Amu dzé n’yeghe Marcos a ne mbemba éfônan akal bitong bi bobedzang ?
Marcos a nga yebe ya mbemba n’nem ayem be nga kee ñe. Amben é ne bo naa a nga dzukh n’nem, ya naa a nga sulu ébe étéñ ézing, Marcos aa dzi ki sili mo ôsi. A nga sèñ élar dèñ ya Pablo ya édi ba bekristen (w25.04, p. 27).
Za dzam Yésu a nga kumu dzô éyong a nga yaghlane naa : « Me va likh naa be yem éyôla duè » ? (Jean 17:26).
Betong bèñ a ke kuane naa be nga yemang éyôla Nzame. Ve, Yésu a nga vole be naa be yem é môr a mbe éyôla té a mvus, a ke kuin mekômgha mèñ, mimboane mièñ ya mefulu mèñ (w25.05, p. 20-21).
Nge bia yem menié maa, za dzam bia ye mem ?
Bia ye mem naa mam mézing biaa yem ki mo. Éfônan, biaa yem ki é tam amangha da ye so, nge aval Jehôva a ye bo mam tam té. Biaa yem ki é dzam da ye boban ôkiri, ya abim mbeng Jehôvah a tugha bia yem (w25.06, p. 15-18).
Dzé é ne bia vole naa bi buane ya nlô-adzô ézing nge ki ntun ô ne akal bôr besese ?
Bi ne sili bia bebién naa : « Za mendem ba belane mo été nfa ye naa é bôr ba bèè be yebe ? Ye éfônan ézing é ne éban me ne belane do éyong ma yeghle ? Za, nlô-adzô té ô ne bo ñe éban ? » (w25.07, p. 19).
Za dzam bi ne yeghe nfa bidjuighan ébe aval Jehôva a nga belane David ?
Amben David a nga bo môra minsem, éyong a nga dzôban ya n’nem ôsese, Jehôva a nga djii ñe (1 Bed. 9:4, 5). Niène Nzame a djiiyang, aa baghle ki fe ôsiman évus môr a nga bo ô mvus, nge ki naa, aa bera ki da simane ôsu (w25.08, p. 17).
Nge da bo n’yeghe Biblia ndzukh naa a dzale ayeghle ézing, za dzam wa yiane bo ?
Nge a ngen a yirane naa a dzale dzam ézing amben éyong ô tugha ñe de lere mbeng ya Biblia, tsinighe ôsu ya ayeghle éyong té wa kômane naa wa ye bera zu yeghe ya ñe vôm té ôsu (w25.09, p. 24).
Biblia a dzô naa nsem ô bele « é ngu’u é ne medukh » (Behéb. 3:13). Da yili ya ?
Nsem ô ne bia tsini naa bi bo é mam me ne bivus. Ô ne fe bia dukh naa bi bira bele bisô bi ne mban ane, ye Nzame a dzing faa bia (w25.10, p. 16).
Za mam melal me ne ve naa meyaghlane maa me tugha bera bele ayilgha ?
(1) Bi ne binan ébe mefulu Jehôva. (2) Bi ne tem ébe é mam bia tubane mo, bi tu fe mo, ane éyong bia yiane djii môr ézing. (3) Bi ne dzeng naa meyaghlane maa me taa bo étun. Aval té, é ne ébubu naa bi kobe mesiman me ne bia édedaa édoa (w25.10, p. 19-20).
Aval avé bi ne vole beñabôrô ?
Bi ne fep nge ki a luè é bôr be ntoo beñabôrô. É ne fe bo naa, bi ne ke lerane bo éyong ba ke yen dokira. Nge ki naa, bi ne sèñ ya beñabôrô ébe abuiñ meval minkanghle (w25.11, p. 6-7).
Mam mevé me ne éban naa môs alughan bekristen ô semé Jehôva ?
A dzale metsing mese me ya ngoman. A ve naa ésesang alughan é lere é mbemba mefulu me ye nsisim Nzame. A yem meniè muè ya ban naa mi taa béé metum ma ke meyeghle me ye a Biblia é ngam ayat. A yem kobe nté mia kôman ésesang alughan (w25.12, p. 21-24)