Nsama bizima Jehôva wa yông nduan

Kéza ya Siria, Ben-hadad, a mbe é zu dzeng Israel bitom éyong ése. Ve kéza ya Israel a mbe é tup ñi, amu nkulu medzô Eliseo a mbe é kare ñe fuèñ tam ése. Ane Ben-hadad a nga kikh naa, a ke biñ Eliseo. Éyong a nga wokh naa Eliseo a ne é kisoan Dotan, ane a nga lôm bizima bi ya Siria naa be ke ñe biñ.

Besirios nge ki Besyrien be nga kuiñ a Dotan alu. Niène kiri é nga lene, mbo-ésèñ Eliseo a nga kuiñ a nseng, éde a nga yen nsama bizima bi mana tôbane kisôan ngura. A nga ko wong ! Éde a nga yônane naa : “Eliseo, bia ye bo ya ?” Eliseo a nga yalane ñe naa : “É bôr be ne ye bia ba dang abuiñ a lôr é bôr be ne ya bo.” Éyong té ébién, Jehôva a nga ve naa mbo-ésèñ Eliseo a yen naa minkôô mi ne kisoan minfeng, mi mbe ndzalane ya bikamlo ya bemetua meluman bia yông nduan.

Éyong bizima bi ya Siria bi nga dzeng naa be biñ ñe, Eliseo a nga yaghlane naa : “A Jehôva, éngôngoo vakh be dzim.” A tem-tem, amben a kué naa be ngene ba yen, bizima bi mbe kaa fe yem é vôm be mbe. Eliseo a nga dzô be naa : “Mii se ki a mbemba kisoan. Bééghane ma, ma ye kee mina ébe é môr mia dzeng.” Ane be nga béé Eliseo ya ke kuiñ a Samaria, é vôm kéza ya Israel a mbe a too.

Éyong Besirios be nga zu yem é vôm be mbe, a kuène naa béé se ki fe tup. Kéza ya Israel a nga sili Eliseo naa : “Ye me wiñ be ?” Ye Eliseo a nga dzeng naa a belane tam té naa a kun émién asu é bôr be nga dzeng naa be wiñ ñe ? Kaa. A nga yalane naa : “Ô taa be wiñ. Vakh be bidzi, ye likh naa be bulane menda meba.” Ane kéza a nga bo môra fet akal deba, ye likh naa be bulane menda meba.