Yésu a tobe Mesías

É fuéñ Juan nge ki Jean a mbe é kanghle é ne naa : “É môr a ne ôyap yôp a dang ma, a zu.” A kuane naa Yésu a mbele mimbu 30, éde a nga kôrô a Galilea nge ki Galilée naa a ke ôshuin Jordán nge ki Jourdain, é vôm Juan a mbe é du bôt. Yésu a mbe é yi naa Juan ñe a du fe ñe, ve Juan a nga dzô ñe naa : “Se ma, ma yiène wô du. Wa, wa yiène me du.” Ve Yésu a nga yalane Juan naa : “Jehôva a kumu naa, wa, ô du ma.” Éde bebèñ be nga ñii ôshuin Jourdain été, ane Juan a nga dum Yésu mendzim ôsi.

Niène Yésu a nga kuiñ mendzim ôsi, éde a nga yaghlane Jehôva. A sia tem-tem, dzôp é kuuban, ane nfufup nsisim Nzame ô nga so ébe ñe ane zum. Ane Jehôva a nga kobe a dzôp été, é dzô naa : « Ô ne é Moan wom, éñi ma dzing ; ô bele ayebe dam. »

Niène nfufup nsisim Jehôva ô nga so ébe Yésu, étéñ té ébiéñ, éde a nga tobe Kristo, nge ki Mesías. Éyong té fe éde a nga tobe nkoghane naa a sum ésèñ Jehôva a nga lôm ñe naa a zu bo a si.

Niène a nga duban, Yésu a nga ke éyang été, é vôm a nga ke lôt melu 40. Éyong a nga bulan, éde a nga ke fep Juan. Niène Juan a nga yen Yésu é zu, éde a nga dzô naa : “Éñi, a ne é Moan ntôma Nzame a ye vaa nsem ye éning.” A nga dzô dzam té, amu a nga kumu naa bôt be yem naa, Yésu éñe a ne Mesías. Ye wa yem é dzam é nga lôrane Yésu, nté a mbe éyang été ? A ne é dzam bia zu fas.