AYEGHLE 26
Amu dzé abé ya minzukh mia boban ?
Éyong mbia dzam a boban, da yiène naa bia sili nsili wi : « Amu dzé é va boban ? » Bi ne édedèè mevakh ya é mbemba biyalane Bible a ve nsili té !
1. Za dzam Satan a nga bo naa abé é ñii é si ñi ?
Satan Debele a nga tebe Nzame é ngam ayat. Satan a nga kômô djié, éde a nga tsini é boan be-bôt ôsua, Adam ya Ève nge ki Adán ya Eva, naa be béé ñe abiane dèñ été. Satan a nga bo de éé kobe Ève nge ki Eva minèè. (Atarga 3:1-5) A nga ve naa Ève a simane naa, Jehôva éé nga kômô ki naa a bele é dzam é ne mbeng. A nga kômô dzô naa, boan be-bôt ba ye tobe mevakh nge baa bo ki Nzame mewokh. Satan a nga kobe minèè ôsua éyong a nga dzô Ève nge ki Eva naa aa ye ki wu. Akal té, éde Bible a luè Satan naa : « minèè ya ésaa minèè. »—Jean 8:44.
2. Za dzam Adam ya Ève be nga top naa ba bo ?
Jehôva a mbe édedèè akap ya Adam ba Ève. A nga dzô be naa, be ne dzi bibuma bi ye élé bise bi ye afup Edén, ve, a nga kili be bibuma bi ye élé daa. (Atarga 2:15-17) Ve, be nga top naa ba dzi ébuma ye élé be nga kili bo. Ève nge ki Eva « a nga fuat ébuma ye élé ye dzi do. » Ôsu vèè, Adam nge Adán « ñe a fe a nga dzi do. » (Atarga 3:6) Adam ya Ève be mbe kaa nsem, éde, é mbe ébubu naa be bo é dzam é ne tetele. Bebèñ béé dzi ki bo Nzame mewokh. Ve, éyong be nga bo do, be nga bo nsem ya tep naa Nzame éñe a dzô be é dzam ba yiène bo, ya é dzam baa yiène ki bo. Nkighane té ô nga so bo bura minzukh.—Atarga 3:16-19.
3. Aval avé nkighan Adam ya Ève be nga ñong ô nga name bia ?
Éyong Adam ya Ève be nga bo nsem, ane nsem ô nga zu be ô ñuu, éde be nga kôô é mvong bôt deba ése nsem wôba. Édi da daghe Adam, Bible a dzô naa : « Aval ane nsem ô nga ñii éning akal môt mboo, awu da akal nsem, éde awu é nga mane miaman ébe môt ase. »—Beromain 5:12.
Bia dzukh akal abuiñ mam. Biyong bizing, bia dzukh akal mbimbia minkighane bia ñong. Biyong bife bia dzukh amu mbimbia minkighane bôt befe ba ñong. Biyong bivoo, bia dzukh amu bi ne mbia vôm, ya mbia éyong.—A lang Ecclésiaste 9:11.
A TUGHA FAS
Yeneghe é dzam da lere naa, se ki Nzame éñe a ve naa abé ya minzukh mi boban ya fe é dzam a wôran éyong a yen bia dzukh.
4. É môt a ne tsîn ye minzukh miè
Abuiñ bôt ba bune naa Nzame éñe a djié si. Ye é ne bebela ? Daghane ÉNGENGENG.
ÉNGENGENG : Qui dirige le monde ? nge ki ¿Quién controla el mundo? (1:24)
A lang Jacques 1:13 ya 1 Jean 5:19, éyong té mia lèè minlang mia daghe nsili wa zu wi :
Ye Nzame éñe a ne tsîn abé ya minzukh ?
5. Za mam me nga sum naa ma boban éyong Satan a nga sum naa a djié ?
A lang Atarga 3:1-6, éyong té mia lèè minlang mia daghe minsili mia zu mi :
Za minèè Satan a nga kobe ?—A daghe bifus 4 ya 5.
Aval avé Satan a nga kômô lere naa Jehôva a mbe é chale boan be-bôt mbemba be-mam ?
Ébe Satan, ye é ne éban naa boan be-bôt be bele Jehôva ane Ndjié wôba naa be tobe mevakh été ?
A lang Ecclésiaste 8:9, éyong té mia lèè minlang mia daghe nsili wa zu wi :
Amu Jehôva éé se ki Ndjié ye é si ñi, za mam me nga boban ?
Adam ya Ève be mbe kaa nsem ya naa be mbe bé ning a paradis nge ki paraíso été. Ve, be nga bèè Satan ya biane Jehôva
Niène be nga biane Jehôva, nsem, minzukh ya awu mi nga mane miaman éning ngura
Jehôva a ye vèè nsem, minzukh ya awu. Boan be-bôt ba ye bera ning kaa nsem a paradis nge ki paraíso été
6. Jehôva a bis biè éyong bia tubane minzukh
Ye Nzame aa bis ki minzukh miè ? Yeneghan é dzam kéza David ya ntôl Pierre be nga tsili. A lang Bya 31:7 ya 1 Pierre 5:7, éyong té mia lèè minlang mia daghe nsili wa zu wi :
Za dzam wa wôran éyong wa yem naa Nzame a yen minzukh miè ya fe naa a bis bia ?
7. Nzame a ye mane vèè minzukh misese boan be-bôt
A lang Esaïe 65:17 ya Melere 21:3, 4, éyong té mia lèè minlang mia daghe nsili wa zu wi :
Amu dzé a yem naa Jehôva a ye mane vèè mbia be-mam mese ma bo boan be-bôt, da fôlô wa ?
Ye ô va yem de ?
Éyong Satan a nga kobe minèè ôsua, a nga ve Jehôva éyôla mvîn. A nga ve naa boan be-bôt be simane mbia be-mam nfa Jehôva ya tem naa, éé se ki Ndjié a ne tetele ya édzing. Jehôva a ye fubu éyôla dèñ éyong a ye mane vèè minzukh misese boan be-bôt. Nge bi dzô aval afe, a ye lere naa édjié dèñ éde da dang mbeng. A fubu éyôla Jehôva éde é ne é dzam da dang éban éning di.—Matthieu 6:9, 10.
NGE MÔR ÉZING A DZÔ WÔ NAA : « Minzukh miè mi ne nkômane Nzame. »
Wa ye dzô za dzam ?
AKIGHE BES
Satan Debele ya é boan be-bôt ôsua ébe be ne tsîn abé bia yen a si va. Jehôva a bira bis minzukh miè ya naa a nkuna mi mane vèè.
Ôbaghle
Za minèè Satan Debele a nga kobe Ève ?
Aval avé abian Adam ya Ève be nga lere, é nga name bia besese ?
Aval avé bia yem naa Jehôva a bis minzukh miè ?
Ô NE FE KE DAGHE
Yeghe é dzam Bible a dzô nfa nsem.
« Qu’est-ce que le péché ? » nge ki « ¿Qué es el pecado? » (Nlô-adzô té ô ne a nden)
Langhe abuiñ mam mefe nfa nsili Satan a nga sili afup Eden été.
« ¿Por qué permite Dios el sufrimiento? » nge ki « Pourquoi Dieu permet-il les souffrances ? » (La Atalaya, 1 de enero de 2014 ; La Tour de Garde, 1er Janvier 2014)
Yeneghe éyalane da fôlô nfa nsili ô ne ndzukh a wokh.
« Pourquoi la Shoah a-telle eu lieu ? Pourquoi Dieu n’a-t-il rien fait ? » nge ki « ¿Por qué sucedió el Holocausto judío? ¿Por qué Dios no lo impidió? » (Nlô-adzô té ô ne a nden)
Yeneghe é dzam môt ézing a nga yeghe nfa minzukh a mbe é yen.
Ya no estoy solo nge ki Je ne me sens plus seul (5:09)