Amu dzé Nzame aa likh naa abé ye minzukh mi boban ?

1. Aval avé abé é nga tare ?

Abé é nga tare a si éyong Satan a nga kobe minal ôsua. Atargha, Satan a mbe mbemba angel. Ve “éé dze ki tobe a bebela été” (Jean 8:44). A nga ñamle é duma Nzame. A nga bo Ève, é minenga ôsua minal, ye bo naa a kang nye, a likh kang Nzame. Ane Adam a nga tông Ève : ane ny’a fe a nga biane Nzame. Mboan te é wo ô nga dure minzukh ye awu.​—A lang Atargha 3:1-6, 19.

Éngeng a nga tsine Ève naa a bo abian, Satan a nga sum ngan Édjiè Nzame, da yili naa éto sugha Ndjiè dzèñ. Bôr abuiñ be nga nyi nsama wèñ wa vine naa Nzame a tobe be Ndjiè. Éde é nga ve naa Satan a venghan “ndjiè y‘émô.”​—A lang Jean 14:30 ; 1 Jean 5:19.

2. Y’avele Nzame é mbe mboan abé ?

É biôm bise Nzame a nga vele bi ne mboan mvèñ. Bôt ye b’angel a nga vele be mbe mvip ye naa ba kang nye aval da yièn (Deutéronome 32:4, 5). A nga ve bia fili ya fèè é zang abé ye mbeng. Éto fili te da ve naa bi lere nye ényeghe dzaa.​—A lang Jacques 1:13-15 ; 1 Jean 5:3.

3. Amu dzé Nzame aa nga likh naa minzukh mi boban ye ze kuiñ éyong di ?

Étun tam, é wo Jehôva a nga likh naa bôr be biane Édjiè dzèñ. Akal dzé ? Akal da ye lere naa, éveghle édjiè ézing keghe nye, déé se ki bo bobebôt ngura éban (Ecclésiaste 7:29 ; 8:9). Nté ave n’lang te ô lôt é ntoo mimbu 6 000, ndem é yénbane-yang : bidjiè bi bôr bia be bi fekh naa ba man aluman, meywiñ me bôt, bikorkor bimam ye ôkoan.​—A lang Jérémie 10:23 ; Beromain 9:17.

Édjiè Nzame da selan y’é di boan bebôt, é bôt ba yebe Édjiè Nzame ba ñong biboran bia so été (Ésaïe 48:17, 18). É ntoo bebéñ, abong Jehôva a zu dzaa bidjiè boan be bôt bise. Vevee v’é bôr ba top naa é nye aa djiè be, ébe étam ba ye tobe a si.​—Ésaïe 11:9.​—A lang Daniel 2:44.

Deghe éngengeng Amu dzé Nzame aa likh naa minzukh mi boban ?

4. Azômbe Nzame da vole bia na bi bo dzé ?

Satan a nga dzô naa môr ézing éé se séan Jehôva y’ényeghe étam. Ye wa kômô lere naa é ne minal ? Ô ne de bo ! Azômbe Nzame da vole bia naa bi lere nge bia dang nyeghe Édjiè dzèñ, nge ki Édjiè moan môt. Bia lere ntoban waa ye aval bia ning.​—A lang Job 1:8-12 ; Minkana 27:11.

5. Aval avé bi ne top Nzame naa a bo Ndjiè waa ?

Bia top Nzame naa a bo bia Ndjiè éyong bia dzeng ye bo nya n’yebe, ye baghle medzô mèñ ma so a Bible été (Jean 4:23). Bi ne tebe Satan é ngam ayat, nge bia tep politik ye meluman, ane Yésu.​—A lang Jean 17:14.

Satan aa belane é ngul dzèñ naa a suk mimboan mi ne abé ye mvin a si. Nge bi bo keghe de bo, mengom maa ye mevuman maa ma ye bia kweghle ye tebe bia é ngam ayat (1 Pierre 4:3, 4). Éde bia yiane top : ye bia ye wule y’é bôr ba nyeghe Nzame ? Ye bia ye foghe tông metsing mèñ me ne sôsôe ye ndzalan y’ényeghe ? Mboan te wa lere naa Satan a nga kobe minal éyong a nga dzô naa, môr a môr ézing a se kang Nzame éyong a tele minzukh été.​—A lang 1 Becorinthien 6:9, 10 ; 15:33.

Ényeghe Nzame a bele akal bobebôt, da ve bia mebun naa, abé ye minzukh mia ye man. É bôr ba bunu de ba ye ning mbèmbèè a si va.​—A lang Jean 3:16.