AYEGHLE 37
É dzam Bible a dzô nfa ésèñ ya mono
Ye é mam ma daghe ésèñ ya mono, me wôla wô ve meyep a n’nem ? É ne bo nzukh naa bi dzale mekômgha mèè bii ve fe Jehôva ékang aval a kômô. Bible a ve bia mbemba melepgha me ne bia vole nfa té.
1. Za dzam Bible a dzô nfa ésèñ ?
Nzame a kômô naa bi bele mevakh ya ésèñ dèè. Bible a dzô naa « dzam ézing déé se ki mbeng ébe moan môt naa [. . .] a bele mevakh ébe nzukh ésèñ wèñ. » (Ecclesiaste 2:24) Jehôva a sèñ ngu’u. Éyong bia vu ñe, bii sèñ ngu’u ya akeng, bia ve ñe n’nem mevakh ye naa bia bebièn bia ye fe bele mevakh ébe ésèñ dèè.
Ésèñ é ne éban. Ve biaa yiène ki likh môs ézing naa ésèñ é ñong étéñ ékang Jehôva da yiène bele éning dèè. (Jean 6:27) Jehôva a kiagh naa éyong bia tele ésèñ dèñ ôsu éning dèè, a ye dzale mekômgha me ya nsôn mèè.
2. Za mbemba n’yenan mam bia yiène bele ébe mono ?
Amben Bible a yebe naa « mono a kame bia, » ve a bame fe bia naa mono étam éé se ki bia ve mevakh. (Ecclesiaste 7:12) A dzô fe bia naa bi taa dzing mono ve « bi ning ya abim mam bi bele ému. » (A lang Behébreu 13:5.) É ne été naa, éyong bia yebe naa bia ning ya abim bi bele, biaa ye ki kele min’nem ôyô amu bia simane naa bii bele ki abuiñ biôm nge ki naa dzam ézing da makh bia. Biaa ye ki ñong menvôla maa yiène ki. (Minkana 22:7) Ye fe naa, biaa ye ki ku ôlam bivuiñ bi mono été nge ki a béé é bôt ba dzô naa bia ye bo minkukuma avôô a too naa da ye vane soo bia abuiñ minzukh.
3. Aval avé bi ne yem belane mono bii siman é bôt bevoo ?
Jehôva a ne é Nzame a ne akap, éde bia vu ñe éyong bi ne « akap, nkoghane naa bia ve é bôt bevoo. » (1 Timothée 6:18) Bi ne yem belane é mono wèè éyong bia ve bivevee ékôan, ya éyong bia sukh asi é bôt ba yi avole, dang-dang bobedzang be ye si ése ngura. É dzam da dang name Jehôva éé se ki abîm mono bia ve, ve é dzam da tsini bia naa bi bo de. Éyong bia ve ya n’nem ôse bia ye tobe mevakh ye naa bia ve fe Jehôva n’nem mbeng.—A lang Bisè mintôl 20:35.
A TUGHA FAS
Yeneghe biboran bia ñong éyong bia tele ésèñ étéñ da yiène ye éyong bia yebe naa bia ning ya abim bi bele.
4. Vakh Jehôva duma ye aval wa sèñ
Angom dèè ya Jehova da yiène yene ye aval bia ñong ésèñ. Daghane ÉNGENGENG, éyong té mia lèè minlang mia daghe minsili mia zu mi :
Éngengeng di été, za dzam é va name wa ébe abo dulu Jason ye aval a mbe é bo mam ésèñ ?
Za dzam a nga bo naa a baghle ésèñ étéñ da yiène ?
A lang Becolosien 3:23, 24, éyong té mia lèè minlang mia daghe nsili wa zu wi :
Amu dzé aval bia yen ésèñ é ne édedèè éban ?
Ésèñ é ne éban. Ve biaa yiène ki likh môs ézing naa é bo édedèè éban a lôt ékang bia yiène ve Jehôva
5. A ning ya abim bi bele da soo bia abuan
Abuiñ bôt ba dzeng naa be bele abuiñ mono a lôt abim be ne de achèñ. Ve Bible a tsini bia naa bi yen mam aval afe. A lang 1 Timothée 6:6-8, éyong té mia lèè minlang mia daghe nsili wa zu mi :
Za dzam Bible a tsini bia naa bi bo ?
Ambem é mam bi bele me ne édedèè avistang bi ne tobe mevakh. Daghane ÉNGENGENG, éyong té mia lèè minlang mia daghe nsili wa zu wi :
Amben be mbe be bele édedèè avistang mono, za dzam é nga likh naa nda-bôt té é tobe mevakh ?
Za dzam da ye lôrane bia nge bii mbele abuiñ ve bia kômô bera dzeng abuiñ mam mefe ? Yésu a nga lere ya nlang ézing aval mboane té ô ne bo édedèè abé. A lang Luc 12:15-21, éyong té mia lèè minlang mia daghe nsili wa zu wi :
Za dzam ô va yeghe ya nlang Yésu té ?—Daghe éfus 15.
A lang ya vaghane Minkana 10:22 ya 1 Timothée 6:10. Éyong té mia lèè minlang mia daghe minsili mia zu mi :
Ébe wa dzé da dang éban, ye a bo angom ya Jehôva nge ki a bele abuiñ mono ? Amu dzé wa tem de ?
Za minzukh mia so éyong mia dzirane mono ?
6. Jehôva a ye dzale mekômgha me ya nsôn mèè
Éyong bii bele ki abuiñ mono nge ki naa biaa sèñ ki, étéñ té é ne ve naa bi yem nge bi bele mebun ébe Jehôva. Daghane ÉNGENGENG naa mi yen é dzam mi ne bo éyong mia tubane aval minzukh mité, éyong té mia lèè minlang mia daghe minsili mia zu mi :
ÉNGENGENG : Jehová cubrirá nuestras necesidades nge ki Jéhovah pourvoira à nos besoin (6:21)
Éngengeng di été, za minzukh moadzang a va tubane mio ?
Za dzam a va bo naa a dang minzukh mité ?
A lang Matthieu 6:25-34, éyong té mia lèè minlang mia daghe nsili wa zu wi :
Za dzam Jehôva a kiagh naa a ye bo akal é bôt ba tele ñe ôsu éning deba ?
NGE MÔR ÉZING A DZÔ WÔ NAA : « Ma yiène sèñ ngu’u naa me nii é nda bôt dzam. Éde méé se ki ke bisulan besono bese. »
Za éfus ya Bible da ve wa mebun naa a tele ékang Jehôva ôsu é ne é dzam da dang mbeng éyong ése ?
AKIGHE BES
Ésèñ ya mono be ne éban ve baa yiène ki bia ve naa bi taa sèhane Jehôva aval da yiène.
Ôbaghle
Dzé é ne mina vole naa mi yen ésèñ aval da yiène ?
Aval avé a ning ya abim mi bele é ne mia bo abuan ?
Aval avé ô ne lere naa ô bele mebun ébe é ngiagh Jehôva naa a ye dzale mekômgha ayong dèñ ?
Ô NE FE KE DAGHE
Tugha fas naa ô yen nge Bible a dzô naa mono a ne abé.
« L’argent est- il la racine de tous les maux ? » nge ki « ¿Tiene el dinero la culpa de todos los males? » (Nlô-adzô té ô ne a nden)
Yaghe aval bi ne belan é mônô wèè naa bi ve Nzame n’nem mbeng.
« Donner : qu’en dit la Bible ? » nge ki « ¿Qué dice la Biblia sobre dar? » (Nlô-adzô té ô ne a nden)
Ye bivuiñ bi mono bi ne fave zeze bivuiñ ?
« D’après la Bible : Les jeux d’argent » nge ki « El punto de vista bíblico: Los juegos de azar » (Réveillez-vous !, mars 2015 ; ¡Despertad!, marzo de 2015)
Yeneghe é dzam é nga tsini môt ézing naa a tele bivuiñ bi mono ya wup.
« Les courses de chevaux étaient ma passion » nge ki « Me apasionaban las carreras de caballos » (La Tour de Garde, 1er novembre 2011 ; La Atalaya, 1 de noviembre de 2011)