Sughe ékôan duè asi

A si se ngura, ébe betoyin bikôan été, abuiñ bôt ba lughu Jehôva mevakh été. Bekristen beté, ba dzing metsing ya melepgha ba ve be, ya naa ba sukh ékôan asi ya a buiñ meval. Ye wa wôrane fe aval té ékôan duè été ?

1. Aval avé ô ne ve étam duè ya é ngu’u duè naa ô sukh ékôan duè asi ?

Bia besese bi ne vole ékôan. Éfônan, ye bôt b’ézing be ne ékôan duè naa be ntoo min’nôm nge ki naa be bele biyem ? Ye ô ne yebe naa wa bo wéé ke bo ékôan ? Ye ô ne yebe naa wa vole be, naa wa bo be mam mefe, ane a ke be kus biôm a makit, nge ki a vole be bisèñ bi ya nda ? (A lang Jacques 1:27.) Bi ne fe ke vole naa bia tsi ya kôm nda ékôan. Môt ézing aa yemle ki bia naa bi bo mam meté. Édzing Nzame ya bobedzang éde da ve bia naa « [bia bebién] bi bo do. »—Bya 110:3.

Bengaa be ñong-hang bautismo nge ki baptême be ne bera sukh ékôan abuiñ meval mefe. É bobedzang ba dzale metsing me ya Bible be ne sèñ ane bamvene, éyong tam é lôrang, be ne fe bo bemvene. A bo befam nge ki binenga, bia besese bi ne sukh ésèñ minkanghle asi bii bo bempwa-mefan. Ye fe naa Bengaa b’ézing ba vole naa ba sukh bisèñ melong akal menda bikôan, bevoo b’ézing ba ke tobe mevôm bikôan bia yi a vole.

2. Aval avé bi ne sukh ékôan asi ya mono nge ki é biôm bife bi bele ?

Bible a dzô naa « kanghe Jehôva ya [é biôm] bise buè bi ne wô éban. » (Minkana 3:9) Ébe bia, é ne môra ntam naa bia belane é mono wèè nge ki é biôm bisese bi bele, naa bia sukh ékôan asi ya ésèñ minkanghle a si ése ngura. (A lang 2 Becorinthien 9:7.) Bivevee biè, bia vole fe é bôt ba tubane bibubua bi-mam. Abuiñ é bele fulu naa « ba baghle ôyôm dzôm afeng » naa ba ye ve bivevee. (A lang 1 Becorinthien 16:2.) Bi ne de bo bii furu do biwala bivevee bi ne menda bikôan mèè été, nge ki a nden wèè donate.jw.org. Jehôva a ve bia môra ntam naa bi belan é biôm bi bele nfa ye naa bi lere naa bia dzing ñe.

A TUGHA FAS

3. Ô ne belan é biôm ô bele

Jehôva ba Yésu, ba dzing é môt a ve ya mevakh. Éfônan, Yésu a nga bili nkus minenga ô mbe azuèñ nté a mbe é ve ôyôm moan évevee. A lang Luc 21:1-4, éyong té mia lèè minlang mia daghe minsili mia zu mi :

• Ye bia yiène ve abuiñ mono nfa ye naa n’nem Jehôva ô tobe mevakh ?

• Jehôva ba Yésu ba wôrane yè éyong bia ve ya n’nem ôse ?

Nfa ye naa ô yem aval ba belane bivevee biè, daghane ÉNGENGENG. Éyong té mia lèè minlang mia daghe minsili mia zu mi :

ÉNGENGENG : ‘Éveve akal Jehôva’ (4:47)

• Aval avé bikôan bi ye éning ngura ba buan bivevee bisese bia ve ?

4. Ô ne ke ve avole

Be-bo bisèñ Jehôva be ye metam ô mvus, be nga sukh bisèñ bi ye nda ékang asi se fave ya mono. A lang 2 Milang 34:9-11, éyong té mia lèè minlang mia daghe nsili wa zu wi :

• Be Israelitas nge ki Bisraélite be nga bo yè naa be kale é nda ékang Jehôva ?

Naa ô yem aval Bengaa Jehôva ba tông éfônan té, daghane ÉNGENGENG. Éyong té mia lèè minlang mia daghe minsili mia zu mi :

ÉNGENGENG : A yem baghle menda bikôan (3:31)

• Amu dzé é ne éban naa bi baghle nda ékôan nfuban ya mbemba nkôman ?

• Za mam ô ne bo naa ô vole môt nfa té ?

5. Befam ba yiène sèñ naa be bele meyem mefe ékôan été

Bible a sakh befam be ne bekristen naa be ve mengu’u naa be vem a nsisim, nfa ye naa be sukh ékôan asi. Naa bi yen aval avé moadzang a nga bo de, daghane ÉNGENGENG. Éyong té mia lèè minlang mia daghe nsili wa zu wi :

ÉNGENGENG : Hermanos esfuércense por progresar en sentido spiritual nge ki Frères, aspirez à une belle œuvre (5:19)

• Za mam Ryan a nga bo nfa ye naa a vem a nsisim ya vole ékôan ?

Bible a dzô mefulu befam ba yiène dzale nfa ye naa be tobe bamvene nge ki bemvene. A lang 1 Timothée 3:1-13, éyong té mia lèè minlang mia daghe minsili mia zu mi :

• Za mam ba daghe ébe befam ba kômô bo bamvene ye bemvene ?

• Za mam ba daghe menda-mebôt meba ? —Daghane bifus 4 ya 11.

• Nge befam be dzeng meval mesese naa be dzale metsing meté, aval avé ékôan da ye buane de ?

AKIGHE BES

Jehôva a yen n’nem mbeng éyong bia belane étam dèè, é ngu’u dèè, ya é biôm bi bele naa bia sukh ékôan dèñ asi.

Ôbaghle

• Aval avé bi ne ve étam dèè ya é ng’u dèè naa bia sukh ékôan asi ?

• Aval avé bi ne belan é biôm bi bele naa bia sukh ékôan asi ?

• Meval me-mam mevé ô ne kômô bo naa ô vole ékôan ?

Ô NE FE KE DAGHE

Yeneghe amu dzé Nzame aa yane ki naa be-bo bisèñ bèñ be ve ñe diezmo nge ki dîme.

« ¿Qué dice la Biblia sobre el diezmo? » nge ki « La dîme : Que dit la Bible à ce sujet ? » (Nlô-adzô té ô ne a nden)

Bible a lere naa befam bézing be dubaneyang be bele meyem mézing. Ve, za dzam é ne kuiñ nge é minenga a dubanyang a kômô dzale meyem meté ?

« El principio de autoridad en la congregación » nge ki « Le principe de l’autorité dans l’assemblée » (La Atalaya, febrero de 2021 ; La Tour de Garde, fevrier 2021)

Yeneghe é ngu’u ésèñ bobedzang ba bo naa be ke ve é bobedzang beba mebakh.

Se distribuyen publicaciones bíblicas en el Congo nge ki Ils transportent des publications bibliques au Congo (4:25)

Ye ba yaane bisèñ Bengaa Jehôva ba bo.

« ¿Cómo se financia la obra de los testigos de Jehová? » nge ki « Comment les Témoins de Jéhovah financent-ils leurs activités ? » (Nlô-adzô té ô ne a nden)